تكفون مستقبلي بين يديكم

السلام عليكم والرحمه ،،
كيف الحال ؟؟ ان شاء الله مرتاحين مب نفسي !!
بنات بستشيركم بمستقبلي .. الله يسهل اموركم ويفرج هم اللي ترد علي ويرزقها من حيث لا تحتسب ..
اول شي انا بجامعه قطر ..
ثاني شي : صارت جميع تخصصاتنا كلها تعتمد على نظام التأسيسي >> اذا تعرفونه ..

• *نظام التأسيسي (( يأسسون الطالب )) : دراسه سنتين من غير سنوات التخصص يعني 6 سنوات !!

والتأسيسي ندرسه للتقويه في الأنجلش والرياضيات والكمبيوتر + أخذ كم متطلب ..
بس اللي يبي يختصر هالسنتين ( التأسيسي ) لازم يقدم على امتحانات صعبه ويجيب درجه تعديه هالسنتين !!!
انا صرت مقدمه اكثر من مره ع هالأمتحانات ( التوفل والأيلتس ) بس ماجبت الدرجه المطلوبه ..
خلصت مادتين الرياضيات والكمبيوتر بس باقي الأنجلش ادرسه مع كم متطلب ..
انا الحين دشيت سنه ثانيه تأسيسي >>> خلصت سنه ولله الحمد ..
والحين ادرس هالكورس ..
يعني باقي لي الكورس الجاي فالتأسيسي ..
الطامه الأولى ،،،، انه بعد الكورس الجاي لو ماجبت الدرجه في امتحان (التوفل او الأيلتس )>> مال الأنجلش
راح يجمدون القيد .. ويخلوني اجلس بالبيت لين اجيب الدرجه في هالأمتحان أو انسى اكمل جامعه !!!
ام حاولت اهرب من هالنظام وحصلت تخصص واحد بدون تأسيسي (( اللغه عربيه )) ..
وحولت عليه وراح اقدم امتحان آخر هالشهر فيه >> امتحان قبول للعربي ..
لو تم قبولي ،،،، راح اسجل الكورس الجاي اول سنه تخصص
بس رفجتي اختها مردسه عربي .. وقالت .. تخصص العربي ماله أي مستقبل غير معلمه بس
والتخصص هذا مب حلو ..
وانا اساسا ً الدراسه الحين متعبتني حيل واحس اني مليت .. وهمتي بالقاع
بس كل مره اذكر نفسي >> هذي شهاده .. سلاح .. البنات اللي غيرج مب احسن عنج .. والخ
ومره أقول .. حتى لو انقبلت الكورس الجاي .. بيظل لي 3 سنوات وكورس >> ابدأ ايأس من طول
السنين وافكر كيف بتحمل وانا للحين مب قادره !!!
الطامه الثانيه : انا مخطوبه وفيه احتمال اتزوج هالصيف او الصيف اللي بعده .. وخطيبي يكره
طاري الجامعه !!!!
والبنات يقولون انتي الحين ماتقدرين ع الجامعه شلون بتوفقين بينها عقب الزواج ..؟؟
هذي ممكن تكون 3 او 4 سنوات دراسه !!
غير هذا ..
في كم وحده نصحتني اتوظف بشهادتي الثانويه ... تقول راح تفتكين من عوار الراس وبترتاح
نفسيتج ... يعني حتى لو تزوجتي بتكونين ضامنه الوظيفه ..ومستمره ان شاء الله ..
الحين ضلت فكرتين براسي :
1 - يا أما : اكمل جامعه لين يجي النصيب .. واكمل بعده ..>> اذا قدرت اغير فكره الخطيب ع قولة
وحده من البنات .. الأقوال تتغير .. بس اخاف همتي تنزل واهون عقب هالكم سنه تعب وجهد !!
2 - يا أما : اقدم اوراقي للوظايف .. وانسحب من الجامعه بعد هالكورس للأبد ..
>>> وزينو لي الوظيفه بعيني ..
ولو ما اتوظفت ع الكورس الجاي .. اسجل في تحفيظ القرآن لأني احس بالتقصير بحفظ كتاب الله ..
هالفتره تراودني الفكره الثانيه .. بس رفيجاتي يقولون .. كل شي ولا الدراسه والشهاده !
وانا عارفه لو ظليت بالتأسيسي للكورس الجاي وماجبت الدرجه راح اجلس بالبيت ..
ولو انقبلت بالعربي ... اصلا ً ،، نفسيتي ما صارت تساعدني ع تقبل الدراسه وطول السنين ..
خصوصا اني مابي اكون مدرسه .. اي وظيفه غير الُمدرسه !
فليش تروح سنين ع الفاضي ؟
او لو حتى عديت التأسيسي .. لأني ما اتخيل دراسه وبحوث وواجبات وعروض .. والخ
انا آخاف آقرر ... بقرار آندم عليه مستقبلا ..
،،،
مليت من التفكير .. ف صليت استخاره .. بس للحين مب عارفه أقرر ..
انتظر ردودكم .. والله اني لفي ضائقه ما يعلم فيها إلا الله من شده التفكير ..
والسموحه ع الإطاله خواتي ،،،