تمريه روعه

مات حبك والسلاااااام

01-05-2022 - 06:57 am

السلام عليكم
وش الاخبار والعلوم ..<< ياذبحتس حلال
المهم المهم << انتي اللي رازه فيتس موب هم ..
بما اني وحده داجه وماعندها وظيفه لهلحين .. مع اني كل يوم بدري اترزز عندها اختي ابيها تاخذني مدرستها واصلح لها الدفاتر .. بس هي معيه تقول تفشلينن خ
فقلت يابنيه تثقفي.. واطبخي << مدري وش دخل الثقافه ..
قلت اسوي تمريه .. يا اني احبها موت
المقادير ياطويلات العمر ..
كوب تمر ( ويفضل يكون تمره موب زينه .. ) يعني مرات تصير ناشفه.. وهكذا <<ماتعرف تفهم خ
3 ملاعق طحين
نصف كوب حليب
ملعقتين هرده(طحينه) << استبعدها كليا .. لكن للي يحبونها
ورشه هيل وزعفران ..
اولا<<اقولكم مثقفه... نفصم التمره
حيث اننا نخرج الذور من بطنها ونحذفهم بالسهله اللي حولنا
ثم نصب الحليب فوقها .. ونعجنها<< هنا نضع الطحينه ( الهرده) انا ماحطيتها
وحنا نعجن التمر مع الحليب .. ياطويلات العمر تكون الخدامه تحمس الطحين لين يصير لونه ادهم (بني مائل للاشقر ) <موب صبغة شعر
وهماتس خلصتي عجن .. والمقلا لا يزال ساخن طلعي الطحين واجدعي التمر
هنا التمره مع الطحين المحموس ..
نقلب.. ننقلب نقلب نقلب .. لي تطلع لتس عضلات
وعندما تختلط الحجات << يمديكم على الفصحى
رشي هيل وزعفران
اتعب انا على الهيل ..
ويستمر التقليب .. إلين تنخلع يدتس << ماصله
ولما تتجانس المقادير << اخص
تنتسبين التمريه بطبق التقديم .. وتزين بما تبقى لديكي من دقيق << اموت انا عل اللغه
وترا
اقولكم تراني مزينته ببسكوت مطحون .. واحط بدال الهرده ( الطحينه ) دايجستف مطحون وقسم قسمات .. لتاكلون اصابعكم وراها ..
المهم تتوقعون مني إمراه سنعه .. وإلا اكمل دشارتي مع اخوي ونقنص ..~
عوافي
بنات ترى الموضوع ملطوش اخذو الطريقه بسرعه علشان ارجعه

التعليقات (9)