تيراميسو لذيذ وسهل

تيراميسو لذي يذ وسهل
المقادير:
كيك امريكانا شوكولا الجاهز او تسوين كيكة بيتي كروكر او كيكة شوكولا انتي تسوينها
يعني على حسب مستعجلة ولا لا رايقة ولا لا
نسكافية
علبة قشطة حجم كبير
3 دريم ويب
1ملعقة صغيرة مو مليانة نسكافية
الطريقة:
1- حطي بالخلاط القشطة والدريم ويب وملعقة النسكافية
2- اذا الجاهز قطعيه 6 قطع بالطول
حطي 2 جمب بعض واسقيه بنسكافية مذوبة بمويه دافية وحطي ثلث الخلطة وطبقة ثانية كيك ونسقيها نسكافية ومن الخلطة وهكذا
3-تجيبين شوكولا بودرة وترشينها بصفاية عالوجه
اذا اخترتي الطريقه الصعبة حطي خليط الكيك بثلاث صواني اسهل
وممكن تحطينهم بكاسات صغار تفتتين الكيك بالكاسة وتسقينه بالنسكافية وتحطين الخلطة وترشين الشوكولا وخلاص
انا سويتها بكل الطرق وكل مرة اسويها ينهبلون عليها وما يبقى منها شي