جبت لكم كيكة الزبادي الرائعة والمضمونة والهشة وبالطبع مصورة من مطبخي

السلام عليكم ورحمة الله وبركاته
سخني الفرن على درجه متوسطه
نجي للمقادير/
6 بيضات ( أنا اكتفيت ب 4 وكانت النتيجة رائعة )
ثلاثه أرباع كأس زيت
1 علبه زبادي
1 كأس ونص سكر مطحون
ذره فانيلا
2 كأس دقيق
2 ملعقه صغيره بيكنج بودر
سمسم <<< حسب الرغبه ( لم أستخدمه )
الطريقه/
في وعاء خلاط الكيك الكهربائي نضع البيض + الفانيليا + السكر ونخفق ثم نضيف عليه علبه الزبادي ونخفق ثم الزيت ونخفق
ثم نصبه في وعاء به الطحين والبيكنج باورد ( أقوم بنخلهم أولاً )
ونخلط بالخفاق اليدوي على أقل سرعة ..
نصب الخليط في صينيه مدهونه بقليل من الزيت رشي وجه الصينيه بالسمسم
ثم ندخلها الفرن في درجه حراره متوسطه او اقل بقليل ويكون الرف او الصاج في الوسط
تجلس نصف ساعه بالقليل قبل ها المده لاتفتحين عليها الفرن ابدا وهذا أهم شي والا بتخرب عليك وما تنفش
( بالنسبة لي حطيتها في فرن حرارته 160 مدة 40 دقيقة )
بعد هالمده تاكدي من انها نضجت اغرسي عود سنان او سكين اذا طلع نظيف
حمريها من فوق ثم طلعيها وخليها تبرد
لاحظو في الصوره شلون منفوشه
والكيكه هذي كل ما جلست في الثلاجه اكثر كل ما كانت احلى <<< تكون مغلفه طبعا في حال وضعها في الثلاجه
وأنا أضفت على الوجه توفي قمت بصبه بعد أن بردت الكيكة تماماً ورشيت لوز مبشور
وما ألذها
وهذه صور إضافية
وهذي قطعة منها
قولوا ما شاء الله على نفشتها الحلوة
وهنا سويتها مرة وأخذتها خارج البيت
الكل يمدح فيها لأن جداً رائعة
يالله جربوها وانتظر رأيكم