جربتها على شعري وشفت النتيجه

بسم الله الرحمن الرحيم
السلام عليكم ورحمة الله وبركاته
هلا بالفراشات الغاليات
انا وخواتي جربناها وصرنا مانستغني عنها
خلطه حلوه وسهله للشعر
المقادير:
علبة زبادي
ملعقتين اكليل جبل ( يفضل مطحون علشان ما يتعبج بالسبوح يالله يطلع من الشعر )
فنجانين اي زيت موجود عندج للشعر
انا عن نفسي استخدم املا واي زيت ثاني الموجود يا السمسم او الزيوت السبعه اي زيت متوفر ويناسبج
بس انا افضل املا ضروري تحطينه لانه روعه للشعر
الطريقه :
تخلطينهم مع بعض وتخلينهم في مكان دافي تقريبا ساعه بعدها حطيها في شعرج بعد ساعه او اكثر على راحتج
المهم انج حطيها بالاسبوع مره اذا فيج حيل اكثر من مره بعد براحتج
النتيجه: تهجد الشوشه واجد وتعطيها لمعه مو طبيعيه
وبس
ان شاء الله تكونون استفدتوا منها
لا تخلونها جربوها ترا والله العظيم ممتازه
ملاحظه :
انا احيانا اكون مستعجله اسويها وابغى احطها اسوي لها حمام مائي على النار واذا صار دافيه اخلطها زين واحطها بشعري
دعواتكم ان ربي يرزقني الذرية الصالحه