جرح المشاعر

البرد اللى انا حاسة به جوايا فى قلبى اكتر بكتير من برد جسمى من سقعة الجو انا عايشة للاكل والشرب والنوم واشوف طلبات زوجى وابنى وبس مافيش اى حاجة جديدة فى اى يوم عن غيره وياريت دى المشكلة كانت هانت بس حقيقى اللى تعبنى مش لاقية اى اشارة حب تدل ان زوجى بيحبنى او على الاقل انا مهمة بالنسبة له طول الوقت ساكت مش بيكلمنى خالص غير لو بيطلب حاجة ولو كلمته بيرد عليا بقرف وشخط وبغلاسة بمعنى اسكتى بقى ومش بيبصلى لانه مش شايفنى ولو بصلى بيبقى مكشر ولو حبيت امسك ايده او المسه بيزقنى ولمل اجى اقعدبيبقى عايز يقومنى علشان ماتكلمش معاه مش بيلمسنى خالص ولا بيقولى اى كلمة حلوة غير لما يكون عايزنى وده كمان بقى مالوش ليه مزاج ليه غير انه عمره مايلقينى زعلانة اوببكى ويصالحنى ويخدنى فى حضنه او على الاقل يقولى مالك نفسى احس بالحنان والدفة مش بالاهمال والذل والقسوة منه نفسى احس انى ليا لازمة عنده ووجودى مش زى عدمه وكل ده ولسه بحبه والحب اللى فى قلبى هو اللى مصبرنى وعملت معاه كل الطرق علشان يحن عليا ومفيش فايدة