جزاها الله الجنه اللي بتعطيني حل وتساعدني

السلام عليكم ورحمه الله
الله بالخير
اخباركم
الموضوع مبين من عنوانه
انا وحده عمري 22 سنه
طالبه في المجال الصحي قسم الاسنان << والله انها داجه
كسلانه واتكاليه درجه اولى ماعرف اطبخ بتاتا البته وهذا كله من دلال ودلع الوالده العزيزة كوني اصغر وحده بالبيت فكل شي هم يسونه عني ونشات وترعرعت على هذا الحال اني اقول ابي هالشي ويتنفذ
اذا بغيت اكل شي اما شيبسات ولا وجبات سريعه ولا اني رحت اتمصلح لم الوالده او وحده من خواتي الباقيات الصالحات وهاتيك هوااش عشان صحن مكرونه تخيلوا ههه
وساعات طويلات عريضات اترجى فيهن يمكن اكسر قلوبهن فيكون الرد منهم ليه ماتطبخين تعلمي ومعرف ايش
انا دوبي اصب ماي في كاسات هذي اشهر طبخه اعرفها
الله لايوريكم يومي ادخل المطبخ
يقال اني فاهمه واعرف زين اني افرق بين الملح والسكر
الله وكيلكم ماعرف اشغل الخلاط
>>> يقولون هذي تتكلم بالفم المليان ماهي مفتشله
ههه انا مفتشله من روحي اكيد يعني وحده بعمري المفروض تعرف ولو الاشياء البسيطه
وبعد احتجاج عائلي كبير في البيت وبعد ما جلسنا على الطاوله المستديرة قرروا اني لازم اشتغل بالمطبخ واكون بنت سنعه ( هم قرروا انا ماني مقررة )
وانا مالي خلق مطابخ ولا شي انا احب اكل وبسس
الموهيم بقول لكم ع قصه صارت لي وهي اخر فن تفننت فيه بالمطبخ
خواتي سافروا محد ضل بالبيت غيري وامي
امي مرضت كم يوم وديناها المستشفى قالوا لازم اكلها مايصير فيه موالح حمض ومعرف ايش
فقررت اسوي شوربا عشان امي
اختكم في الله دخلت المطبخ طبعا ماني عارفه من وين ابتدي
حطيت براسي مقادير معينه حق الشوربا
تكفي جيش مو امي بروحها ههه
وماخليت شي الا وطلعته عشان اهرس فيه الخضار طبعا بائت شوربتي بالفشل
وامي قامت وشافت المطبخ وصار وجهها كذا
قالت لي الله يهديج انقلعي ولا اشوف وجهج بالمطبخ مرة ثانيه قلت لها ماما خليني بغسل المواعين طيب
قالت لي شفت هبلات بس زيج ماقد شفت
جرحتني بمشاعري الموهم طبعا فضيحتي كانت بجلاجل
ومن كم يوم الله لا يوريكم سويت كيكه وياليت انا مسويه الخليط الا جاهز
بعد مادخلتها الفرن
استوت من الجوانب بس الوسط لا<<< اختكم في الله رجعت الكيكه الفرن
واحترقت
شسوي ساعدوني