جسمي ميأسني

مساء الورد...بنات ابي مساعدتكم سواء تواسوني او تشجعوني او any thing تراني طفشت من نحافتي جد بتخبل السبب ضعفي مافي يوم ولاساعة ولا حتى دقيقة تمر الا انا افكر بهالمشكله واذا جيت انسى يجي حد ويذكرني دايم يتمسخرون علي سواء امي والدي خواني عمومتي عماتي كلهم رجال وحريم كبار وصغار هئ هئ هئ فوق كل هذا خطيبي ملوعلي كبدي دايم يسألني اكلتي؟ فطرتي؟ تغديتي؟ تعشيتي؟ وش اكلتي؟ متنتي ؟ وهو يدرس فالخارج تصدقون اني اكره الايام الي يجي فيهن اجازة لانه يتضايق لما يشوف وزني ع اساس انه يتوقع اني بمتن..والله نفسي البسله واتكشخ مثل كل البنات بس ياحسرة احس نفسي غلط فأطلع واخليه بروحه فالمجلس او ادخل خواني الصغار لين يطفشوه ويروح بيتهم.. كذا وهو مايجي الا فالشهرين مره!!!!
تصدقوا اني ماسويت حفلة للملكتي عشان خفت انه يكون شكلي مو حلو بالفستان عطيت اهلي كم عذر وصدقوني وماعارفين شسالفة!! اف جد متعقدة
الحمدلله ربي رزقني بشرة وملامح حلوة وطولي عاجبني .. والحمدلله سويت فحوصات طلع مافيتي الا العافيه بس نصحوني ازيد من اكلي واعرف كل الخلطات والاكل الي يزيد وزني بس ماقادره ابد استمر بنظام معين واذا استمريت اسبوع وحاسه وزني زايد يجي احد طيب ويضحك ع وزني فيخترب كل شي .. عرسي بأذن الله بأخر الصيف وللحين مافكرت فيه وشكلي مارح احضر
الحمدلله على نعمة الصحة