حبايبى اللى سألو ع الأكلات المصرية خشو وهتدعولى

1. عشان تعملى البامية يا حببتى اسلقى اللحمة


2. قطفى الملوخية واغسليها وسبيها تنشف وبعدين خرطيها


3. اما حببتى اللى عاوزة الويكة

عشان تعملى البامية يا حببتى اسلقى اللحمة

وبعدين دقى 10 فصوص ثوم كبيرة مع كسبرة ناشفة وحطيها على النار مع معلقتين سمنة وحبتين فلفل اخضر مقطع لغاية لما لونها يصفر وتضيفلهم عصير طماطم وقبل ما تتسبك تكونى مقمعة البامية تضيفيها على الطماطم وتحطى ملح وفلفل اسود وتحطى اللحمة اللى سلقتيها وتضيفى مرقة دجاج ولما تتسبك حطيلها مج شوربة عشان تكمل سواها وبالهنا والشفا يا حببتى وادعيلى
file:///C:/DOCUME%7E1/NoUr/LOCALS%7E1/Temp/moz-screenshot.jpg
file:///C:/DOCUME%7E1/NoUr/LOCALS%7E1/Temp/moz-screenshot-1.jpg
وبالنسبة للملوخية

قطفى الملوخية واغسليها وسبيها تنشف وبعدين خرطيها

تكونى مجهزة شوربة اللحمة او الفراخ او الارانب وحطاها على النار تغلى وبعد ما تغلى حطيلها مكعب مرقة دجاج واسقطى فيها الملوخية وملحيها
اما بالنسبة للتقلية وهيا روح الملوخية دقى 10 فصوص ثوم مع كسبرة ناشفة وحمريها على النار مع معلقتين سمنة واول ما لونها يقرب ع الذهبى حطيلها عصير حبيتين طماطم يتسبك معاها وتحطيها لما تتسبك على الملوخية وعلى فكرة متسبيش الملوخية تغلى كتيروبالهنا والشفا

اما حببتى اللى عاوزة الويكة

فهيا يا سيتى انك تفرمى بصلة متوسطة وتدقى 5 فصوص ثوم وحبتين فلفل اخضر مقطع وتحطى عليهم البامية بعد ما تقمعيها وتضيفى الشوربة وتسبيهم يستو مع بعض وتضيفى الشوربة كل ما تنقصولما يستو تضربيها فى الخلاط وتجهزى التقلية
التقلية
0فصوص ثوم تدقيهم مع فلفل اخضر مقطع وكسبرة ناشفة وتحمريهم فى معلقتين سمنة وتحطيهم على البامية بعد ما تضرب فى الخلاط وتسبيهم يغلو كلهم على النار وتكليها بالف هنا يا سكرة
اما المسقعة بالحمة المفرومة
تقطعى البذنجان طرنشات وتقلية بعد ما تملحية من غير ما يتحمر اوى وتسبية يتصفى من الزيت
تكونى مجهزة المعصجة (اللحمة المفرومة مع البصل وفصين ثوم والملح والفلفل الاسود والفلفل الاخر والتوابل)ومسوياهم مع معلقة سمنة
تجيبى صينية وترصى فيها طبقة بذنجان وبعدين تحطى اللحمة المفرومة عليها وبعدين ترصى باقى البذنجان على وش الصينية
حطى عليهم مج طماطم معصورة عليها ملح وفلفل اسود ودخليها الفرن تتحمر وكليها وقوليلى رايك
المحشى المصرى
خرطى 4 بصلات متوسطة وحطيهم على النار مع معلقتين سمنة وكسبرة ناشفة ومكعب مرقة دجاج
سبية يذبل شوية ع النار وبعدين يا سيتى حطيلة الطماطم المعصورة وسبيها تتسبك
لما تتسبك بقى حطيلها فلفل اسود - جوزة الطيب - توابل - وحبة زعتر مش كتير
افرمى بقى كسبرة خضرة (وكترى منهاشوية ) وبقدونس (متكتريش اوى) وشبت (براحتك)
حطيهم على الطماطم المتسبكة وحطى عليه الرز المصرى وقلبيهم
ملحوظة
دى بقى حاجة حلوة اوى ومش كتير عارفينها بس هتعجبك موت
(بعد ما تخلطيهم حطى فحمة على النار شوية لغاية لما تحمر واعملى حفرة فى نص الخلطة بالمعلقة وحطى فيها معلقة سمنة وبعد ما الفحمة تحمر حطيها فى الحفرة وغطى الحلة كويس
وسبيها ربع ساعة وابدأى الحشو يا جميل
وبراحتك بقى بذنجان - كوسة - فلفل - بصل - ممبار - كرمب -ورق عنب.....براحتك بقى
http://www.************
السكرة اللى بتسالنى ع الصوانى اللى فى المسلسلات المصرية
دى يا سيتى صينية بطاطس فرن وهقولك بتتعمل ازاى
تقطعى البطاطس طرنشات وتغسليها وتفرمى بصلة وتتبليها بملح وفلفل اسود وتنقعى البطاطس فيها ساعتين
تقطعى بصلتين متوسطين طرنشات وتقطعى عليه فلفل اخضر وتتبليهم بردك
هاتى صينية وحطى فيها نص البصل المتقطع شرايح ورصى عليها البطاطس المنقوعة
وحطى علي الوش بقيت البصل ومعلقتين سمنة ومكعب مرقة دجاج وصلصة طماطم متسبكة بس مش كتير و2 مج شوربة وحطيها تستوى على النار وبعدين دخليها الفرن وهتلاقيها احلى من اللى بتشوفيها فى المسلسلات يا سيتى
وبالف هنا وشفا يا حبايبى