حبيت اقولكم ايش قالتلي الدكتورة

السلام عليكم..
كيفكم ياحلووين..
بنات انا لي متزوجة لي سته شهور تقريبا..
قبل فترة كان يجيني حرقان مو طبيعي بعد الجماع..
وطبعا حكة ومرة شي يتعب ..
المهم خفت مرة كتير وماصدقت رحت لامي..
الا وارووح سليمان فقيه ودخلت عند الدكتورة..
كشفت عليا وقالتلي دي التهابات..
وسالتني ايش استعمل من تحت غسول واشياء..
قولتلها انو كيرفري وكدا..
المهم يابنات قلتلها انو انا بعد الطهارة احط مسك الاسود او الابيض حق الطهارة..
وقلتلها واحيانا قبل الجماع احط يعني يمكن من مرتين لثلاث مرات بالشهر..
وربي لما شفت وجه الدكتورة اني خفت من الصدمة اللي كانت بملامحها..
سارت تقولي لاا كدا غلط..
انتي بتلعبي في نفسك ومااعرف ايش المهم قالتلي زي ماتغسلي وجهك تغسلي من تحت..
والمسك مرة وحدة بعد الدوورة وماتحطي غيرها..
ولا تحطي لا مخلطات ولا عودة ولاعنبر من تحت لانها سبب كل التهابات الحريم اللي يجووني..
والحمدلله اعطتني تحاميل للمهبل ومرهم وغسول مطهر..
المهم يابناات حبيت افيدكم...
يارب يحبب زوجي فيا اكتر واكتر يارب..