حب مستحيل

1. وسنة ورى سنه وشرار الحب موجود من بعيد لبعيد

قصتي من كنت صغيرة مااعرف الحب بريئة وكان ولد خالتي دايما يقول كلام ماافهمه ويطالعني بنظرات مافهم وش معناها صرح مرة من المرات انه يحبني بس مافهمت قال اذا كبرت بتزوجها وعلى بالي هبال ومزح ثقيل دم
كبرنا خلص الثانوية وقعد عندنا 3شهور يقدم في الجامعات والشركات ويحاول يقز وياكثر ماحاول طبعا انا دايم بالجلال حتى لو ادخل الحمام الله يعزكم لاني حاسة ودايم احساسي بمحله خلصت الاجازة وسافر الجبيل شركة سابك درس 3شهور وجا يسلم على اهلي وجاب هدايا انا ماادري بس امي عطتني ساعة قالت هدية منه والهدية ماترد وتراه جاب لنا كلنا واللي ماخلاني اشك في الموضوع ان امي عطت الخدامة عطر وما فكرت بشي بس كان للهديه اثر تغيرت مشاعري تجاهه كنت اتنرفز اذا سمعت صوته او جا يزور اهلي اما بعد الهدية بديت احب لاتلوموني

وسنة ورى سنه وشرار الحب موجود من بعيد لبعيد

وفي اخر سنة لي بالجامعة جن خواتة عندنا بالصيف يمدحن اخوهن وانا مااعطي وجه لاني عارفة اخوهن زين ذاك الصيف اخواته غيرن معاملتهن لي ياليت للاحسن لا عاملوني خدامه ينقال بيربون مرت اخوهن قبل تاخذ اخوهن تحملت وسكت واخر شي بعد ما سافرت كل وحدة لزوجها
اسمع الولد يتصل على امي يقول اخطبي لي وماجاب لي طاري يقول شوفي لي بنت من الرياض خواتي مايعرفوني امي تعبت وهي تدور مالقت وحدة ترضى فيه قال بيخطب بنت عمي وخطبها ورفضه عمي وحاول ورفض عمي وخطب كم بنت من القرايب وانا اسمع واعرف ولاكن كان الموضوع يعني لي شي
بعد المحاولات الكثيرة والمستمرة جت اخته الرياض تخطب وحدة ومااعجبتها البنت وسمعتها وهي تكلم اخوها توصف البنت
بنات وش تتوقعون موقفي انا موجودة قدمهم ومافكروا فيني والتلفون كل يوم يرن فوق ال10مرات من الولد نفسه يقول بشري عسى لقيتى عسى وافقت البنت ومافكر فيني
جا يوم وانخطبت من واحد قمة الاخلاق ومقتدر وملتزم امي من فرحتها راحت وقالت لبنت خالتي واللي بدورها نشرت الخبر على خواتها واخوها ومن الحسد اخوها توه يفكر يخطبني المهم انهم قدروا يخربون علي وخربت الخطوبه وانتشر خبر ان ولد خالتي خطبني حتى عند اهل الولد اللي مااعرفه كل هذا عشان مااحد يخطبني
اسمعوا طريقة اقناع ولد خالتي لامي (مهرها فوق ماتطلب والذهب شنطة كاملة واهي تختاره وفوق هذا لها البيت موشقة عشان تتوسع واذا احد ضايقها انا اوقف بوجهه من خواتي وكلمتها هي اللي تمشي واذا بغت خدامه اجيب لها وكل شروطها مجابة) باختصار حط الشمس بيميني والقمر بشمالي
واستخرت قلت لنفسي انا موافقة وانتظرت اتصاله يوم يومين اسبوع شهر مااحد اتصل وهو اذا خطب وحدة مايتم 12ساعة الا يتصل ياخذ الخبر وانا ماتصل متطمن ؟!!!
احب اقولكم هو خطبني رمضان العام الماضي رمضان الشهر الكريم ويلعب علي ويحتال الله لايسامحة اتصل بعد 3شهور في شهر ذي الحجة يقول انا مابغى وحدة خواتي مايبونها وكل شوي مطلع عذر ويا خالتي دوري لي
دعيت عليه لانه ظلمني دعيت ان الكل يرفضة حتى الزواني والبغي وكل يوم يوجعني قلبي اذا تذكرته ادعي عليه لاتلوموني والسنة هذي اتصل على اخته يقول انا متضايق ماحد يبغاني كل مااخطب الكل يرفضني ماادري وش اسوي
ظلمت نفسك وظلمتني وتقول ماسويت شي؟!!!!!
الله لايسامحك لا انت ولاخواتك الا يوم الدين قطعتوا رزقي من ولد الناس الاخلاق من الحسد وشاحين علي باخوكم اللي مايحافظ على الصلاة ولاعنده اخلاق
حسبي الله ونعم الوكيل