حركات رومانسية ولا احلى

هاي ياحلوات كيفكم..انا حابة اعطيكم طرق سهلة لحركات رومانسية طبعا( خارج غرفة النوم ....)
وهذي الطرق من تجربتي الخاصة..وهي اشياء تكون موجودة في البيت ..وتصلح تسوينها اذا زوجك راح يجي متاخر او راح يطلع لدوامة من بدري...(ادري تقولون اخلصي )
من الطرق:
ام اتذكر ,,,
/احيانا اذا كان زوجي بيداوم من بدري قبل الفجر اكتب قبل لايطلع عبارة حب على الباب بالروج واطبع بوسة..
/وبالنسبة اللي عندها بيبي وللبيبي مكعبات تقدر تستفيد بحيث تكتبين عبارات بالمكعبات قريب من المدخل مثل انا كتبت قبل لايداوم باصبح (احبك للابد)ولما صحيت لقيتة كاتب كلام احلى من اللي كتبته..
/ومرة سويت حركة احس انهبل لما شافها..بس هذي ماراح اقولها لما اشوف ردود كثيرة..
/وايضا تقدرين تاخذين ورد (طبيعي صناعي مجفف اللي يجي..)وتحطينهم قبل لايجي على شكل قلب
وتكتبين بورقة مرتبة على شكل قلب احبك..وتلزقينها على وردة صغيرة وتحطينها بالنص..
انا الصراحة لما سويتها لقيته كاتب عباة ثانية بالورقة..والله فرحت..
ملاحظة(لاتلزقينهم قبال الباب على طول والله راح يحصل لهن شوته مو بسيطة)
/تكتبين بظرف كلام حلو وترتبين عليه شريطة حمرا وردة وهذي تصلح بليالي عيد اذا كان طلع مو موجود..وتحطينها على مسكة الباب من برا (مو الشارع اقصد الحوش)
اوهذي بعض الاشياء اللي كنت اسويها اتمنى تعجبكم والله ماكتبتها الا لما شفت ردة فعل الحبيب ..
وادري راح تقولون هذي سالفتها كلها عند الباب ..بس احنا دايم نهتم بداخل الغرفة وننسى اللي برا الغرفة وبعدين راح يحس انك مهتمة حتى لو جا وانت بسابع نومه..وبعدين خلون ننوع بين الشي الراقي من مفارش مضيئة والعاب زوجية واباجورات رومانسية ..والشي العادي اللي من ضمنها العاب ولدي(اخ)
وانا بانتظار ردودكم ..واضافاتكم للاسفادة من التجارب..وانا ان تذكرت شي راح اقولة