حركه حلوه تجدد الحب والود بين الحبايب من تجاربي

السلام عليكم ورحمة الله وبركاته شخباركم ان شاءالله تمام وان شاءالله اجواؤكم صافيه مع من تحبون وان شاءالله ربي يديم عليكم السعاده والهنا حبيباتي الفراشات انا عندي حركه رومانسيه تجدد الحب والشوق بين الحبايب والشاهد الله اني مجربتها وكان لها الاثر في تجديد الشوق والمحبه خواتي الفكره باختصار هي التقويم الشهري ايه التقويم ما غي ره بين فتره وفتره بالليل اكتبي لك عباره حلوه اودعوه او أي شي بخاطرك تجاه الغالي...واكتبيها في صفحة تقويم بكره وخلي ابو الشباب بكره وهو رايح للدوام ييجي يغير صفحة التقويم وبيتفاجأ باللي مكتوب ومن يدري يمكن يرد لك بنفس الصفحه لكن انتي خلي القلم جنب التقويم اوكي ...والله يابنات انا اسويها بين فتره وفتره ولا بعد ماافوت أي مناسبه الا واكتب له فيها حتى لو قبلها بوقت طويل اذكر مره فتحت صفحة التقويم على نفس تاريخ يوم زواجنا وكان باقي ست شهور ففكرت قلت سبحان الله من يضمن اني الحق على هاليوم يمكن اموت فليش مااكتب له واذ جا نفس اليوم وانا مو معاه يعرف قد ايش كنت احبه فكتبت له من هالكلام اللي حلو ونفس الوقت يبكي المهم نسيته وسبحان الله صادف هذاك اليوم اني كنت عند اهلي وكنت ناسيه موضوع التقويم والله يابنات انه متصل علي وقعد يقول كلام ماتخيلت انه يقوله وهو خانقته العبره ويقول ماخليتي لي شي دايم سابقتني في كل المناسبات اثاريني غاليه عنده اكثر مماتخيلت وكل هذا من كم كلمه كتبتها باحساس في وقت فراغ...........خواتي ادعو لنا ان الله يتمم علينا سعادتنا ويخلينا لبعض الله يحفظ لكم احبابكم,..المهم بعد ماتنتهي السنه بيكون عندك كتيب فيه احلى العبارات اللي طلعت من قلبك وقلبه اجمعي اوراقه وحطيها في البوم للذكرى وكل فتره طلعيه واقري انتي وياه اللي كتبتوه صدقني انها لحظات ولا احلى منها وبنفس الوقت لعيالكم بعد عمر طويل علشان يعرفون قد ايش كنتم تحبون بعض والله هالحركه انها على بساطتها كفيله بانها تزيد المحبه وتزيل روتين الحياة الممل :ق1: اتمنى فكرتي اعجبتكم واللي تجربها تدعي لي ان الله يتمم سعادتنا ولا يفرقنا عن بعض :ق1: مع خالص حبي واحترامي لكم والله يديم عليكم السعاده والمحبه ويحنن قلوبكم على بعض