حسآيف تذبل الضح وهي بين الشفآيف للكآتبه رجآوي وربي إبدآع

سووري ع التأخيير .. وذي الأجزاء يلا أبي ردود منشاان نزل البآئي
:
{.. حَسَآيِف تِذْبَل الضِحْ َّ وَهِي بيَنْ ،، الشِفَآيفْ ..!~
..× تَآرِيَّخٌ ،، لحُطآم {.. رِجَالٍ
ن ِسَّآء ×..
هي تاريخ لما عاشهُ هؤلاء .. هي ماضي وحاضر ،، هي بسمَة ودمعَه ..، هي إنهيآر لأُنثى .. وكبريآء لرجلٌ ..،، هي أنا ..
روآيتي ،، خليطٌ من شخصيتي المتنآقضّة ..
وتنَآقُضِّي ،، سَي / حتَرِقُ {.. هُنّآ ..!
هي خيوطٌ حريرية ،، نسجتها أنثى العنكبوت ،، لتختلف هُنآ نظَريةُ العَيشْ ..!
هي زخآت ل قطرات مطرْ .. ل قطرآت ندى ..،
ل ألم خُلِقَ لِيُحكَى ..،، هي ،، سفينَة ليس لها من يَقوُدُهَا ،،
تتحطَمُ فيهَا الأشرعة ،، لتغرق معَآني الكلمآت ..
لِتنثٌر مَآ عآشهُ هَؤلاء بقسوة ..
لِتنثٌر مَآ صرخَت به قُلوبهم في الظلآم ..
وَ .. ل .. مآذرَفتهُ أعيُنهم بألّمْ ..
\
أعطيتُ لنفسي صلآحيةَ الحديث ..،
لأبدأ أول أحرُفي ،، وأفجر مآ بدآخلي ..
هيَ \\ تلك من إنتظرت بزوغ الفجر يوما .. لتعلم أنه سيشرق .. ولكن {.. أين !~..
هو \\ من علقَ مصِيرَهُ بِها .. لتُصبحَ جميع النسآء في نظَرِهِ ~.. هِيَّآ ..}
هم \\ من ساعدوا في تحطيم الزجآج .. وأجبروا أقدامهم على السير فوقة .. ليستمتعوا بمنظر الدمآء .. ويتذوقوا حلاوة الألم في أعينهم ..!
\
/
خُلقنا أوفياء ،، لنجد نصفنا الآخر في الخيانة والغدر ..
خُلقنا لنعشق ،، لِنُكمل حياتنآ بالجانب المأساوي من الكرّه ..
خُلقنا // لننسى ونشفع في الدنيا .. ولكن ،، تجاهلنا شفاعة الآخرة ..!
سرقنا \\ قتلنا \\ دمرّنا \\ إنتهكنا \\ حبينا ..!~
كلها أخطاء ،، إرتكبها بني آدم .. وللأسف { هو أكثر العالمين بخطورة نتائِجهآ ..!~
:
{.. حَسَآيِف تِذْبَل الضِحْ َّ وَهِي بيَنْ ،، الشِفَآيفْ ..!~
:
ستبدأ إحداثهآ بشرآسة .. وستخوضونها بجرعَة من القوة ،، لتنتهيّ بكم في
طريقٍ لمْ يُحدّدْ بعد ..!
لطفآ : لمن يوّد نقلها ،، الرجاء ذكر المصدر ،، فهي حق من حقوقي ولن أُبيح من ينسبهآ لنفسه ..!
ك\ رجآوي

الفصل الرابع ..}
\
روح حلوة ،، وإحساس نادر .. شخص صعب مثلة تلاقي ..
في قلبه وفآ ،، محبّه ،، وَ طيبة !
:
يوم الأربعاء ..
9 صبآحا ..!
:
دخل للبيت بحماس ،،
أول ما سمع الخبر طار وجآ على طول ..
طلع للدور الثاني وهو يركض وحاط يدّه على شماغة يلي على راسة خايف يطيح ..
وصل للباب وفتحة بقوة .. وك العادة لقآه نايم ..
راح له جري وهزّة بقوة " فارس ،، فروس ،، فاارس يامال الضربة قوم .."
تحرك فارس للجهه الثانية بضيق . وهو تعود على أساليب فيصل إذا جا يصحية من النوم ..
فيصل يصرخ " فارس .. يالدجاجة قوم .."
لكن أبد .. عمك مطنش ..
إعتدل في وقفتة وقال بمكر " هين .."
توجة للباب وفتحة وسكرة بقوة ينقالة معصب .. وبسرعة تخبى جنب الدولاب بطريقة إن فارس ما يشوفة ..
ثانية مرت ورفع فارس راسة وشعره طاير بفوضوية ،، قال وهو يناظر بالباب وكأنة يحاكي فيصل " جعلك المنيب قايل ،، ودي أصحصح على شي سنع .."
ورجع حط راسة ..
فيصل وهو يعقد حواجبة بغضب .. شي سنع يا فريس .. هين .. والله أوريك الصحصحة عدّل هجري ألحين .."
مشى شوي شوي .. وهو يسمع إنتظام أنفاس فارس يلي بدآ ينعس من جديد ..
صار وراه بالضبط .. فتح شماغة يلي كان رافعة على راسة بطريقة مرتبة .. رفع العقال بيد .. ونزل الشماغ على كتفة باليد الثانية .. مسك العقال بين يدينة وعيونة تلمع بمكر ..
فتحة وخلاه بشكل طولي .. عد من الواحد للثلاثة في نفسة وبعدها ..
صرخ بكل قوتة وهو ينط على فارس ويضربة بالعقال على ظهره " فارس .. إلحق إلحق فارس .. حريقة بسرعة "
فارس صرخ بعد .. وصار يتحرك تحت البطانية يبي فيصل يقوم من فوقة ويوقف ضرب وصراخ .. لكن أبد . فيصل كل ماله يزيد ..
فارس وهو يسحب الغطا بقوة ويغطي راسه " فيصل يا تبن .. فيصل أحح يعور .."
فيصل وهو يشد الغطى المشدود بقوة على راس فارس " تبي تصحصح أجل .. قوم "
فارس " بقوم بقوم بس قوم إنت أول من فوقي بختنق .. قووم يالدب آآآي كسرتني .."
قام فيصل .. ونفض ثوبة وقال بفخر وتريقة " تستااهل ."
فارس " ....."
فيصل " فرريس قوم ولا ترى بالعقال على ظهرك مره ثانية ؟ "
فارس " ......"
فيصل " فارس ..
قوم "
مرت خمس دقايق وفارس ما يرد ..
هنا خاف فيصل ..
قال بإرتباك " الله ياخذك وش فيك ؟؟ أدري فيك رخمة وخكري بس مو لذي الدرجة .."
فارس " ...."
قرب منه فيصل ودنق بجسمة كلّه .. سحب الغطا وما أمداه ينطق إلا وفارس ساحبة من يده بقوة ..
جلس بسرعة و سدح فيصل ع السرير .. سحب منه العقال وصار يضربة بس على خفيف
فارس وهو يصرخ بتريقة " فيصل .. قوم .. فصيل حريقة تحرق راسك بسسرعة ."
××
غربة ! هرب لها وهو يتناسى .. ما درى ،، إنه بها يتذكّر أكثر !
: أسبآنيآ \\ مدريد ..}
:
جلس يدّور على كتبة وأقلامة ،،
نزل سامي خويّه يلي يشاركة الشقة من الغرفة وهو كاشخ وبيدة كتابين ..
ناظر فيه وقال بذهول " فهيد !! ما لبست ..؟"
رفع فهد راسة وناظر فيه ،، ثم رجع يمد يده تحت الكنب " وش شايف إنت ؟ "
سامي " وش تدّور ؟؟ ما بقى شي وتبدى المحاضرة .."
لقى كتاب ناظر فيه يقرآ المكتوب ع الغلاف ،، وراح للجهه الثانية يدور ع الثاني " أشوفك مشتط !"
سامي بإبتسامة تشق حلقة " خبرك ثاني يوم لنا ولازم نبين إننا دوافير "
فهد بإبتسامة مرتاحة أول ما لقى الثاني " ههه دروا عنك هم !؟ "
وقف ومشى إلى إن صار جنب سامي ..
قال بفرحة " أووه لقيتهم أخيرا "
سامي يهز راسة بالنفي وبإسلوب تريقة " لا لا لا ،، ما توقعتك مهمل كذا .."
دفه " أقول لا يكثر ..
إنتظرني دقايق وأجهز "
ضحك سامي بمرح .. وجلس على وحدّه من الكنبات ..
فتح الكتاب يلي بيدّه وهو يهز راسة ببلاهه مو فاهم شي .. وش ذآ الخرابيط ؟
فر صفحاتة بملل بسرعة وقال بصوت عالي بحيث يسمعة فهد " أف وشلون بنخلص هذا كلّة ؟؟!"
نزل فهد من الغرفة وهو يسكر سحاب جاكيتة ..
قال بضحكة " أقول تراك داخل قانون موب فنون جميلة "
سامي وهو يمد الكتاب الكبير في وجه فهد " وش قانونة ؟ إنت ناظر الكتاب حاشرين الكلام حشر .. تقُل خايفين لا تخلص الأوراق ."
مشى للكنبة الثانية وأخذ كتبة " هذا وإنت لاجنا دوافير ودوافير ،، باين من أولها بتسحب عليهم "
سامي وهو يوقف " تستظرف حظرتك ؟؟ "
ضحك فهد من قلب على ملامح سامي ..
مشوا إلى إن وصلوا للباب ..
قال سامي بنرفزة " أنا بس لو أعرف وش سبب إصرار أبوي على إني أدرس قانون ؟؟ كان أنا بألف خير ."
فهد بزلة لسان " إحمد ربك عندك أبو "
سامي وهو يناظرة " نعم ! "
ضغط على زر اللفت بقوة وكإنة يعاقب نفسة على غلطتة " ولا شي ."
ركبوا وكل واحد فيهم ساكت .. فهد يناظر بالأرض .. وسامي يناظر فيه ..
هو متأكد إن ورى هجري الفهد سر .. صار لهم شهر من تعرفوا على بعض ولين هجري الحين ما إكتشف لو جزء بسيط من غمرض فهد ..
بس وش وراه ؟؟ يصبر ومع الأيام بيكتشف !
××
جدّه \\ جامعة الملك عبدالعزيز
:
قالت بتكبر وهي تعدل روجها وما سكّة المرايا الصغيرة " أيووّه وإيش كمآنا ؟ "
قالت جمانة وهي تناظرها " بس كدآ .. يعني قالي إدآ هيّ تبغاني أسامحهآ تيجي لحد عندي وتعتدر ."
لفت ناظرتها ورفعت حاجب " هوّآ قالك كيدآ بنفسوآ ؟ "
جمانة وهي تهز راسهآ " أيوه ،، "
سكتت وما ردّت ورجعت تناظر شفايفها بالمراية وتحط روج بقوة ..
رمتها في شنطتها قوتشي بإهمال ورمت الروج وراها .. نزلت نظارتها ديور الشمسية من على راسها وغطت بها عيونها وقالت بطفش " فينهآ بيش ؟ "
جمانة وهي تتثاوب " إيش يدريني ؟؟ أكيد مع وحدّه من إيآهُم ."
وقفت وهي تعدل بلوزتها الضيقة على جسمها .. وتدخل يدها بين خصلات شعرها الغجري المفتوح وتحركه بقوة " أنا حمشي .. تيجي معآيآ ؟ "
جمانة وهي تناظر بساعتها " بس بعد شويآ حتبدى مح"
قاطعتها وهي تجرها من يدها " أقول تعالي بلا شُغل المصاريآ دّآ ."
مشت معها والبنات كلهم عيونهم معلقة على سجى .. يلي أشهر من نار على علم ب هالجامعة .. وأكشّخ وحدّه بذا المكان ..
صاروا يمشون وثنتينهم ساكتين ..
أف فينها دي كمآنآ .. والله أوريكي يابيش !
قالت جمانة تقتل الصمت " أقول سجو "
هزت راسها وهي مكتفة يدينها بدون ما ترد .!
ناظرتها جُمآنة وقالت بإرتباك بسيط " إيش حتعملي مع لؤي ؟ "
ناظرتها سجى وقالت بكّرة " بعد يلي قالوا دآ خلاص ما بيننا حاجة ."
جمانة بإستغراب " يعني ما حتعملي معو ح"
قاطعتها وهي تضحك بخبث " لا يا حبيبتي إنتي .. أنا سجى مستحيل أعديلوا الموضوع كيدآ "
تحمست " على إيش تخططي ؟ "
وقفت ووقفت معها جمانة . أشرت براسها على البنت يلي كانت واقفة مع شلتها " شوفتي الّمُّزَة
دي ؟"
جمانة وهي تناظر مكان ما أشرت في البنت يلي ملامحها ناعمة وكيوت حيل " إشبها ؟ "
سجى بكرة " حطلع فعايل أخوها فيّآ من عيونهآ ."
رجعت ناظرت بسجى لثواني ،، ثم رجعت ناظرت بالبنت وإستوعبت " ههه أيووآ دحينآ فِهمت .. واللهي على صُغُر سِنك إلا إنك داهيه .ههه "
سجى " هآدي فايدة يلي يدخل أول إبتدائي وعُمروا خمسآ سنوات ..ههه "
××
نزّل من الحمام
وبيدّه منشفة صغيرة ينشف فيها وجهه ..
ناظر بفيصل يلي كان متمدد ع السرير ويلعب بالجوال حقّة ويلي إشتراة قبل كم يوم وبإصرار من فيصل " آآه ضلوعي تكسرت "
نزل فيصل الجوال وناظرة بحقد مصطنع " أجل أنا وش أقول ؟؟ آآه ما هقيتك مجرم كذا ؟!"
فارس بضحكة " تلميذك ياعم "
قال وهو ينفخ صدرة " لك الشرف ."
إبتسم وهو يحط المنشفة على كتفة ويتكتف " وألحين ممكن تعلمني وش طلعك من شغلك وجابك هنا ؟ "
فيصل وهو يجلس بحماس " صح ذكرتني . عندي لك خبر بمليون ريال ."
فارس وهو يرمي المنشفة علية " هات المليون وخل الخبر لك ."
مسك المنشفة وصار يلفها بالهوآ بإستهبال وهو يناظرها " بنروح البر بكرة "
عقد حواجبة " بر ! "
ناظرة " ما تحب الكشتات ؟ "
مشى وجلس جنبة ع السرير " عايدي .. بس وش الطاري ؟ "
هز راسة وقال بمرح " أنتَ تُقِيمُ مَعَ عَائِلةٍ قَصِيِمْيَةٍ يَا غُلَآمْ ."
فارس وهو يكمل معه بطريقة مضحكة " ومَآذَّآ بِهَآ يَآوِرْع ؟"
فقع ضحك " ياورع أجل ههه .. حبيبي أعمامي يعشقون شي إسمة بر وكشتات ونار وحطب وددسن وقنص و.."
قاطعة وهو يحط يده على فمه يسكتة " يعني الزبدة ؟"
فيصل وهو يشيل يد فارس " الزبدة إن بكّرة بنطلع كلنا حنا وأعمامي وعماتي وعائلتنا الجميلة ."
فارس " أهاا .. حلو طيب إنت تعرف تقنص ؟"
ضحك " لا طبعا .. بس جابر يعرف "
عقد حواجبة " ومين جابر ؟ "
ضرب راسة وكأنة يتذكر " يوه نسيت .. جابر هذا يصير ولد عمي .. إنت ماعليك بكرة بتشوفهم كلهم ."
هز راسه وقال بتريقة " بس أنا منيب رايح "
فيصل " مو بكيفك .. أصلا الأمر هذا جا من السلطات العليا ..
الوالد شخصيا عازمك .."
إبتسم ووقف " طيب لين ألحين ما قلت لي سبب طلعتك من الدوام بدري ؟"
وقف معه " السبب يا عزيزي إننا بنروح السوق ونشتري أشياءات لنا وللطلعة ."
فارس وهو يناظرة " يا حبك للمشترى ، أكثر من الحريم "
فيصل بتهديد وهو يمسك العقال " الظاهر عجبك ! "
××
في مدرسة
الثانوية .!
:
ناظرت بورقة الإختبار يلي بيدها ،، وش ذا الأسئِلة ؟
رفعت بصرها وأعطت نظرة حقد للأبلة المصرية يلي قدامها .
قالت وهي ترمي القلم على الطاولة ..
لمى " أبله وش ذا الأسئلة ؟؟"
أبلة
" فيها إيه كمآن ؟ أسئلة بسيطة ووازحة
"
لمى " لا والله مو بسيطة ..
يعني مثلا الصح والخطأ الفقرة الأولى كيف تنحل ؟ "
قالت بعباطة " بسيطة قداً .. بصي للفقرة كويس ،، بيأولك إزا تعامدت الشمس على الجسم ، فيصبح الظل مائلا بشكل ْ20 درقة للأمام ..
يعني معأولة تكون الإقابة صح ؟ "
إبتسمت لمى وحطت خطأ ..
والبنات مثلها ،، وتموا على هجري الحال إلى إن حلت لهم الأبلة الورقة بطريقة غير مباشرة وبحسن نية منها ..
دق الجرس وسلموا الأوراق .. طلعت لمى وصديقاتها من الفصل وهم بيموتون ضحك .
عروب وهي تضمها " ههه لماي والله إنك خطيرة ."
لمى بغرور " إحم إحم أدري ."
ضربتها وحدّه إسمها دينا على ضهرها بخفيف " ههه مشاءالله عليك متواضعة ."
لمى " يا حبي لها أبلة ميري .. والله كسرت خاطري ."
عروب " يختي هي طيبة بزيادة .. وبعدين وش الإسئلة يلي حاطتها مره صعبة "
هزت لمى راسها ونزلوا للمقصف ..
دخلت يدها بجيبها وتأففت " لا ياربي مالي خلق "
عروب وهي رافعة حواجبها " خير ؟ "
لمى " نسييت فلوسي فوق .. تكفين روبآ جيبيهم الله يخليك "
عروب " خير عبدة عند أهلك أنا ! روحي إنتي ."
مدّت لها لسانها وراحت للدرج ،، طلعته وهي تتحلطم ومنزلة راسها .. صدمت بشي ،، رفعت عيونها وقالت بعصبية " وجع ما تشوفين ؟ "
قالت بصوت خشن وبنظرات مستفزّه " أهلا بالوجع لا صار منك لمى "
لمى وهي تدفها من طريقها " أقول حامدة إبعدي من وجهي .. أخلاقي في خشمي "
مسكتها من ذراعها " أخلاقك في خشمك وحامد موجود !؟ علميني من آذاك وأنا أذبحة لك "
أعطتها نظرة إستحقار وسحبت يدها بقوة ومشت ..
دخلت الفصل يلي كان فاضي وما فيه أحد .. راحت لطاولتها وطلعت بوكها من الدرج .. أخذت الفلوس وجات بتمشي بس شدّتها ورقة على الطاولة ..
عقدت حواجبها وأخذتها .. فتحتها وقرأت بصوت واطي " مصيرك تجين لي ،، بتصيحين وتترجين ..! طاوعيني قبل لا يصير فيك يلي هو أعظم وتندمين ."
ضغطت ع الورقة بقوة .. هذا تقريبا 5 تهديد يجيها ..
مزعتها بقوة وغضب . مشت ورمتها بالزبالة
وطلعت من الفصل وقلبها بيوقف من الخوف .!
:
على حدود الساعة 4 العصر ..
طقت الباب ودخلت على طول ..
لمى بمرح " سلام .."
رفعت راسها من على اللاب توب " هلا ."
" والله حركات صرنا نجلس ع اللاب وما نطلع وننزل ونتمشى ."
ضحكت " بما إني صرت أعرف أقرآ مثلكم .. قلت خليني أستغل هجري الفرصة وأقرآ قبل لا أدخل الجامعة "
تمددت جنبها على السرير ،، قالت بملل " وش تقرين ؟ "
ليان وهي تناظر بالشاشة " رواية ."
صفرت بيدينها " لا وروايات بعد ،، إكششخ ."
ضحكت بدون ما ترد ..
لفت راسها وشالت الصورة يلي تجمع ليان بأهلها . ناظرت بعمها ماجد يلي كان أطيب أعمامها وأحنهم .. حتى زوجتة ،، كانت حيل طيبة على عكس عماتها وحريم أعمامها ..
من جد أول وهي صغيرة كانت تستغرب وشلون الكل يكرهم ،، مع إنها هي وبنات عمها كانوا يموتون على وحده إسمها نهيل وواحد إسمه ماجد ..
ناظرت بعبدالله يلي كان ماسك ليان من كتفها .. والشبة البسيط يلي بينهم ..
رفعت عيونها على صوت ليان يلي قالت وهي لين ألحين تقرآ " وش فيك ؟ "
حطت الصورة على بطنها وقالت وهي تناظر بالسقف " ما فيني شي ."
" لمى !"
غمضت عيونها " قلت لك ما فيني شي ."
لفت ناظرتها ،، ثم رجعت ناظرت الشاشة " تضحكين على مين ؟"
سكتت لمى وما ردّت ..
قالت بعد فترة " وين شذى ؟ "
لمى " تلبس "
عقدت حواجبها " ليش ؟ "
فتحت عيونها الناعسة ويلي تشبة عيون تركي كثير " ما يمديك تنسين تونا أمس قايلين لك "
" وشو ؟ "
" بنروح عند عمتي صيتة "
ضربت جبينها " يوه صح تذكرت .."
جلست " بنروح الساعة 6 يعني عندك وقت "
قفلت المنتدى واللاب بكبرة " أتمنى . "
:
راحوا لبيت عمتهم . وصار التجمع الكبير والممل .. لكن هجري المرّه ليان كانت بعيدة عن ألسنتهم .. وما أحد كلمها أو غلط عليها .. وهذا هو الشي يلي خلاها مستغربة .. يمكن يكونون إعتدلوا ويمكن لأ .. ويمكن يكون مزاجهم مو رايق لتريقة عليها .
على حدود الساعة 11 ..
ريناد " يلا بنات بلا سخافة وش فيها يعني ؟ "
شذى " ياقلبي إنتي مافيها شي ،، بس المشكلة إنهم ماراح يرضون "
ريناد وهي ترفع حواجبها " لييش ؟؟ والله عادي أنا بروح أكلمهم وبيوافقون "
لمى " والله أنا ودي انام .. بس عندك أمي وعندك عمك روحي حاكيهم .."
طنشتهم ونزلت للدور الأرضي .. جلست تدور بين الحريم تترجاهم يجلسون البنات عندها اليوم .. وبعد طلعت الروح وافقن ..
أم محمد " كلمي عمك شوفي وش بيقول ."
ريناد بفرحه " أكييد .."
طلعت جوالها من جيبها وجلست تدق على أعمامها واحد ورى الثاني .. ونفس الشي بعد إصرار وافقوا ..
تركي وهو يناظر أبوة " مين يبه ؟ "
دخل جوالة في جيبة " بنت عمتك ،، تقول تبي البنات ينامون عندها "
" وإنت وش قلت ؟ "
أبو محمد " وش بقول يعني ؟ تعرف ريناد حنانة وما راح تخليني إلا لمن أوافق "
هز راسة بعدم إهتمام وناظر بأحمد يلي كان يسولف .. شوي فتح عيونة بقوة ..
ناظر بأبوة " وافقت !؟"
أبو محمد " إيه وش فيك مخترع ؟ "
تركي " كلهم ."
أبو محمد " يوة وش فيك ؟؟ إيه كلهم أجل نصهم ؟"
ضغط على قبضة يده بقوة .. يعني حتى ليان .. وإذا نامت ليان يعني أحمدوة التبن بيكون معها بنفس البيت .. مستحيل ..
قال لأبوة " ليه وافقت ؟ قل لهم مافي نوم "
أبو محمد وهو يوقف " بكيفك هو ؟؟ أقول يلا بس قم رجعنا للبيت "
ضرب الكنب بيده بقوة ووقف .. لدرجة إن كل يلي بالمجلس إستغربوا حركتة ..
العم جاسم " تركي وش بلاك ؟ "
تركي وهو يزفر بعصبية " منقهر ."
وأعطى أحمد نظرة إستحقار ..
إبتسم له أحمد على جنب وبادله نفس النظرة ..
..
ليان " لا والله بنات لازم أروح "
ريناد " وليش لازم ؟ "
إبتسمت " أدويتي في البيت ولازم آخذها ."
وقفت معها شذى " خلاص أجل أنا بعد بروح معك "
ليان " يوه شذى والله ماله داعي .. وبعدين أنا مو بزر راح أعرف وشلون آخذها "
شذى " مو قصدي بس يعني قلبي مو مطاوعني أخليك تروحين لحالك "
ليان " خليه يطاوعك هجري المره .. أصلا أنا تعبانة وراسي بينفجر وإن رحت على طول بنام .. يعني حرام تتركين سهرتك مع البنات وتجين معي .."
شذى " بس "
قاطعتها مشاعل بنظرة " خلاص شذى .. البنت قالت لك ما يحتاج "
شذى فهمت ،، لفت ناظرت ليان " طيب تعرفين شلون تستخدمينهم ؟ "
هزت راسها وقالت وهي تبوسها " إيه شدعوة ..
يلاا بنات مع السلامة "
نزلت تحت وشافت أم محمد ونص الحريم لابسين عبيهم ..
صيتة " أووة ليان "
إبتسمت " هلا عمة .. يلا مع السلامة "
ناظرتها أم محمد " رايحة ؟ "

الفصل الخآمس ..}
\
ستبدأ معاناتهم مِن هُنا .. وستبدأ أعيونهم بذرف الدمع ..
سآمحوني على ما سأكتبة .. فحزنهم أكْبَرُ مني .. وضعفي أثَرَ فيّ ..
:
:
شذى " بس والله ما هانت علي تروح كذا ب لحالها ."
مشاعل " شذى وبعدين معك ؟ ليان ميب بزر هي بنفسها قالتها لك ."
شذى " ميب بزر درينا .. بس يعني آآ"
طلع صوت من جوال مشاعل خلاها تسكت .. ناظرت مشاعل فيه وإبتسمت ،، إعتدلت بجلستها وبدأت تكتب ..
شذى " وش تسوين يالمهبولة ؟ "
مشاعل بحماس " أص دخل دخل ع المسن "
شذى " مسن ؟؟ أي مسن !"
ناظرتها مشاعل " محملة الماسنجر على جوالي ،، ودخل رائد فيها شي ذي ؟ "
طارت عيونها " مهبوولة إنتي ؟! لين هجري الحين وإنتي تكلمينة ؟"
مشاعل " شذى يرحم أمك ماله داعي هجري الكلام ألحين "
شذى " مشاعل تعوذي من أبليس وإتركي ذي البلاوي عنك .. ترا محد بيضيعك غيرها "
طنشتها وما ردّت ..
شذى بتهديد " مشاعل والله إن ما تركتي هجري الخرابيط وه الرائد يلي مدري من وين تعرفتي عليه لا أعلم عمي "
قبل لاترد مشاعل . دخلت عليهم ريناد " يووه إنتوا هوني ؟ يلا خل ننزل الحديقة الجو جنان ."
ناظرت مشاعل بشذى " والله إن علمتي أحد ليكون هذا آخر يوم بيني وبينك .."
شذى " بتضيعين سمعتك يا غبية ."
مشاعل بنرفزة " سمعتي ولا سمعتك هي ؟؟ انا حرّه "
ريناد بإستغراب " بنات وش فيكم ؟ "
شذى توجه الكلام لمشاعل متجاهله ريناد " مشاعل إنتي عارفة إن يلي إنتي جالسة تسوينه غلط .. وإنك جالسة تدمرين نفسك ،، وتغضبين ربك قبل كل شي "
مشاعل وهي تقفل الجوال بكبرة " خلاص قفلناه إرتاحي .."
وطلعت من الصالة ..
ريناد وهي تناظر الدرج يلي نزلت منه مشاعل " شذى شسالفة ؟ "
مشت لها وقالت بعصبية " مافي سالفة ولا شي .. إمشي خل ننزل لهم "
نزلوا وريناد أكبر علامة إستفهام على راسها .. تبي تفهم وش السالفة بس شذى معصبة ،، وشذى من النوعية يلي إذا عصبت إبعد عنها .. صحيح هي هادية وحليلة لكن لا شاشت تِطلعْ جنانوة الكل فيها .. ومشاعل مستحيل تحكي لها .. خصوصا إنها كتومة من الدرجة الأولى وماتحكي لأحد أي شي غير للي تعزهم حيل ..
نزلوا للحديقة .. وشافوا البنات فارشين بساط ،، وك العادة لمى تحيي الحفلة وتغني بصوتها ..
جلست ريناد ،، وجلست جنبها شذى ..
قالت وهي تناظر مشاعل " أف إنتي من زين الصوت تغنين ! "
سكتت لمى وناظرتها " خيير أم عفرة وش عندك تتحرشين ؟ "
شموخ وهي منتبهه للنظرات النارية يلي بين شذى ومشاعل " أبد النفسية زفت ."
مشاعل " اف ليتني تقّلعت بيتنا .. أقل شي أسوي يلي أبي "
ريناد " أفاا .."
ناظرتها مشاعل وإبتسمت " ما قصدت .. بس ع الأقل ما أحد يحشرني ويدخل نفسة بأشياء ماله دخل فيها ."
شذى بإندفاع " ألحين لأني أحبك وخايفة على مصلحتك تقولين كذا ..!؟ والله لو أدري إنك بالتفاهه هذي كان سكتت وخليتك تضيعين نفسك بنفسك "
مشاعل " شذى وبعدين يعني ! إنتي وش آخرتها معكْ ؟ إلين متى وإنتي ماخذّة دور الأم علينا ؟؟ تتحكمين بتصرفاتنا وسوو كذا ولا تسوون كذا ؟ لا تنسين إني أنا أكبر منك وعارفة وش الصح ووش الغلط ."
إرتجف صوتها " معك حق ! لأني أحبكم وما أبيكم تسوون شي تندمون عليه ."
أمل " شدعوة بنات .. خلااص وش قلبكم كذا هدو "
قامت شذى وهي تصيح ودخلت لداخل البيت ..
جات لمى بتلحقها .. قالت مشاعل وهي تمسح دمعة طاحت وخانتها " خليهاا .. إتركوها تفكر شوي يمكن تحس بالشي يلي هي قاعدة تسوية "
ناظروا البنات في بعض .. وكل وحدّه تسأل بعيونها .
داخل .. دخلت شذى وهي تسب وتلعن " غبية ،، حماارة ماتفهم .."
جلست ع الكنب .. سحبت منديل من على الطاولة ومسحت دموعها " أصلا الغلط مني مو منهم . أنا وش علي فيهم خليهم يسوون يلي يبغون وش دخلني ؟؟ حريقة تحررقهم كلهم ."
بدأت تشهق .. وكإن الكلام يلي قالته أكبر منها ..
سمعت صوت مترنح ورى الكنب يلي هي جالسة علية ،، ونبّرة خلت كل خلية بجسمها تجمد ..
××
..{ أنا قلبي ،، قلبْ أمّ ..!~
:
تقلبّت بالسرير وهي حاسه بضيقة مو طبيعية .. تبي تنام بس مو قادرة .!
ناظرت بزوجها يلي نايم ويشخر بعد مو مهتم .. عليه برودة أعصاب مهيب بأحد .
غمضت عيونها .. وذكرى صارت من واحد وعشرين سنة مسيطرة عليها .. أصلا ما غيرتها غير هجري الذكرى .. وما عذبتها غيرها ..
جلست ع السرير وهي تتأفف .. يارب وش آخرتها مع ذآ السالفة ..
نزلت وحطت رجلها ع السيراميك البارد .. مشت وهي تحن لأيام أول .. يوم كانت تنزل حارتهم حافية بدون جزمة " تكرمون " وتجلس تحفر الرمل برجلها ..
مشت ونزلت من جناحها هي وزوجها وتوجهت لجناح البنات .. فتحت الباب ودخلت ..
ناظرت بالغرف الموجودة .. وإستقرت عينها على وحدّه من الغرف .. مشت لها بخطوة مرتجفة .. وقلبها واصل لحلقها ..
نزلت لمستوى البساط الصغير يلي حاطينه قدام باب الغرفة .. رفعته وشافت المفتاح ..
شالتة ورجعت البساط مثل ماكان .. وقفت وجسمها رجفته تزيد .. دخلت المفتاح بالفتحة ،، وحركته مرتين إلى إن إنفتح الباب ..
مدّت يدها المرتجفه على كالون الباب .. نزلته لتحت بتردد .. وإنفتح الباب على كبره .. وبانت الغرفة ..
تجمعت الدموع بعيونها .. أول مرّه من 21 سنه يصير فيها كذا .. أول مرّه تترك لقلبها يحكي ،، ولعيونها تتنفس بالدموع .. دخلت وصارت تشهق بقوة ،، وينكم ؟؟ وين رحتوا وتركتوا أمكم ؟ وين !
صارت تسرع بخطواتها .. إلى إن وصلت لسرير عهود ،، جلست عليه وهي مبتسمة ،، والدموع بدّت تطيح على خدها بحرية .. نست أو تناست طعم ملحها .. حتى إذا صابها الكدر ،، كانت تبلعة وتسكت وتتظاهر بالقوة ..
ناظرت بالصور يلي في كل مكان .. وهي تجمع أول طفلين بحياتها .. بكرها التوأم ويلي جابتهم وهي ما بعد تكمل 18 سنة ..
:
سلمت من آخر ركّعة من صلاة الليل .. رفعة يدها وجلست تدعي .. تدعي وتدعي !
في ساعة يستجاب بها الدعاء ..
وقفت ورفعت سجادتها .. سمعت أصوات صياح وشهاق .. عقدت حواجبها بخوف ،، مين فيه ؟ يلي تعرفة ماحد بالجناح غيرها ..!؟ طبقت السجادة بسرعة وحطتها ع الكنب وهي تسمع الصياح يزيد .. نزلت من الغرفة يلي حطوها لها ركض .. وإندهشت يوم شافت الغرفة يلي يقولون إنها لِ عهود مفتوحة .. دخلت وشافت أم محمد ماسكة برواز وتناظرة وتهذري بكلام مو واضح ..
راحت لها بسرعة وقالت بخوف وهي تمسكها من يدها " بسم الله عليك وش فيك يا عمّة ؟ "
ناظرت فيها ،، وبعدين رجعت ناظرت بالصورة ..
جلست جنبها بخوف وناظرت بالصورة .. ما عرفت الولد والبنت يلي فيها .. قالت بدهشة " من ذولي ؟ "
صاحت زود " هذول عيالي .. عيالي يا ليان عيالي "
طارت عيونها " عيالك ؟ "
هزت راسها وسكتت لثواني ..
ناظرتها وإبتسمت " تعرفين يوم كنتي صغيرة .. يوم كملتي شهر .. جابتك أمك هنا .. وأول وحدّه شالتك كانت عهود .. عهود بنتي
بنيتي ."
ه الحين إستوعبت .. هذي عهود أجل ..!
تنهدّت .. وش ذآ الدنيا يلي ما فيها أحد مرتاح .. حتى أعمامي يلي ينكدون ع الناس كل واحدٍ منهم له همه .. حتى أم محمد يلي ما توقعت أبد إنها بتصيح هذاهي تصيح ... وتصييح لذكرى مر عليها سنيين ..
قالت أم محمد وهي تناظر بالصورة وتمسح عليها " تدرين .. أنا ما أكرهك .. بالعكس أنا أحبك ولك مكانة بقلبي "
إبتسمت بسخرية ،، تحبيني !! إيه بالحييل ..
تنهدت تجاريها " ليش ؟ "
" لأن عهود كانت تحبك .. كنتي أحبْ طفلة لقلبها .."
سكتت .. مادرت وش تقول ..؟ تذكرت أشياء كثيرة .. بس ما تذكرت عهود ..
ومستحيل تتذكرها ،، حتى محمد .. ما تذكر أي موقف صار بينهم بما إنها كانت صغييرة ذاك الوقت ..
قطع الهدوء يلي هم فيه ،، وصياح ونحيب أم محمد المتواصل صوت التليفون يرن بالبيت كلّه بصدى ..
ناظرت بأم محمد يلي شحب وجهها .. وطاح البرواز من يدها وتكسر قزازة ..
ليان وهي توقف " أنا برد .. ماراح أطول شوي وراجعة "
مسكتها من يدها وقالت وهي تناظر بالباب " لا تردين .. "
ليان وهي عاقدة حواجبها " وش فيك عمتي ؟؟ بشوف مين قبل لايزعج التليفون عمي "
" أنا أعرف مين هم .. أكيد صار فيه شي .. أكيد بيروح مثل عهود و محمد .. الله يخليك لا تردين .."
جلست جنبها ليان .. إبتسمت بهدوء وضمتها .. وصوت التليفون يلي سكت شوي رجع يدق ..
ثواني بس .. سمعوا صرخة أبو محمد " طلال !"
ما إستوعبت .. وطاح مغمى عليها .. ناظرت فيها ليان بصدمة ! وش فيها .؟
ضربت خدها على خفيف " عمتي .. عمة .. أم محمد إصحي .."
وأبد لو الجدار رد هي بترد ..
كويس إنها لابسة جلال الصلالة لين ألحين .. نزلت للصالة بسرعة .. شافت أبو محمد جالس ع الكنب ووجهه أصفر .. راحت له ركض .
قالت بخوف " عمي إلحق الله يخلييك .. عمتي منى مدري وش صار فيها ؟ "
سند راسه ع الكنبة وقال بتعب " وش فيها ذي بعد ؟؟
أبي هوااء ،، ب بختنق .."
تجمعت الدموع بعينها .. ياربي وش ذا المصايب يلي تجر بعضها ؟ ما درت وش تسوي ؟ تدق ع البنات وتقول إلحقوا أهلكم بلشت فيهم .. ولا وش تسوي ؟
قال وهو بالموت ينطق " تركي .. روحي نادي تركي ."
صح تركي ! شلون راح من بالها ؟؟
رجعت لغرفتها بسرعة .. مسكت نقابها وتنقبت ع الجلال .. وراحت ركض لجناح تركي .
من زود الخوف مادرت أي غرفة تدخل .. دخلت الأولى والثانية وكلهم فاضين .. راحت للثالثة وفتحتها .. شاافت ضلاام ودنيا ثلج ..
ترددت تدخل ولا لأ ؟ خايفة إن دخلت يسوي فيها شي مثل ذيك المره .. وخايفة ماتدخل ويصير شي بعمها ومرته .
غمضت عيونها وتوكلّت على الله .. دخلت وعلى طول شغلت الأنوار ..
غطى وجهه بالبطانية وقال بعصبية " وجع مين ؟ "
راحت له ،، ورجيلها تتحرك بس عقلها مسكر .. ما تدري شلون تجرأت وسوت كذا !؟
سحبت الغطا بقوة وقالت بخوف " تركي .. تركي إلحق أهلك مدري وش صار فيهم ؟"
غمض عيونة بقوة ،، هو وش قاعد يسمع ! هذا هو صوت ليان ما غيرة ولا جالس يحلم ؟
صرخت " تركي قوم .."
لا ما يحلم ! هذا حقيقة ليان عنده .. فتح عيونة وأول ما شاف شكلها خاف ،، فز من سريرة " خير وش جايبك ؟ "
صاحت " أمك طاحت علي ،، وعمي تعبان بالصالة .. وطلال مدري وش صاير فيه ؟ قوم البيت منقلب فوق تحت وإنت نايم "
وطلعت من الغرفة بسرعة .. وش تقول ذا الهبلة ؟؟
نزل من الغرفة بسرعة وراح لأبوة يلي كان بالصالة ،، إنفجع من شكلة " يبة وش صاير ؟ "
بلع ريقة " بسسرعة ودنّا المستشفى ,, أخووك "
فتح عيونة بقوة " طلال !! "
وقف بصعوبة " بسسرعة "
هز راسة وراح لغرفتة على طول .. بدل بجامتة ولبس ثوبة بإهمال .. طلع وشاف أبوة لين ألحين على نفس الوضعية ..
قال وهو يقفل أزارير الثوب " وين أمي ؟!"
طلعت ليان وهي بعبايتها تلهث " بالغرفة ،،
مو راضية تتحرك !"
توجه لها " إنتي نزلي أبوي .. وأنا بشيلها .."
هزّت راسها بقوة " طيب "
××
قفلت سحاب الشنطة " ويوم قالي كذآ سكتت وما رديت ."
قالت فجر يلي كانت متمددة ع السرير تمص حلآآو " شلون ما رديتي ؟ "
مشت وجلست ع الصوفآ " شلون يعني ! سكتت وبلعت لساني "
ضحكت " والله الرجال وش زينة .. يعني ما يبيك تطولين وإنتي مملكة ، حلو منه إنه فكر إن الزواج يصير في الإجازة بين الترمين ،. وإنتي بدل ما تصفقين معه سكتّي !"
فرح وهي تهز يدها " أنا عادي عندي .. إجازة بين الترمين ،، يسوي عرس ،، ما يسوي عادي .. اهم شي أكون معه ."
صفرت " يا هوه ما يمديني على الحب العذري انا "
حمرّ وجهها ، ما تدري شلون زل لسانها وقالت كذا قدام فجر ..؟
فجر وهي تحرك حواجبها بمرح " طيب يعني الموضوع عدا كذا ؟ "
حذفت عليها المخدة " أولا لا تسوين هالحركة تذكريني بفيصل ،، ثانيا لا ما عدا وش يعديه ذا ؟ هو قال خلاص بيسأل أبوي بكره وبيشوف وش يقول ! "
رفعت حواجبها " بيجي البر معنا ! "
غلطت مرّه ثانية " إيه فديته .. أنا مو مستحملة الشمس والحر والخياس إلا لأنه بيكون فيها "
فجر " أقول يالحبيبة تراك مصختيها .. خفي ع الرجال شوي هذا وهو مابعد ياخذك لبيته تقولين كذا أجل لا صرتي إنتي ويا مع بع.ض في بيت واح.."
حذفت عليها مخده ثانية قبل لا تكمل " قليلة حيّا ! "
فجر وهي تحضن المخدة بعبط " يختي ما قلنا شي .. همآآه رجلتس "
فرح " أقول طسي من غرفتي ،، إذلفي نامي أحسن لك بكرا ورانا طلعة من الصباح ."
ضحكت " أي صباح يرحم أهلك ؟! خلاص كلها كم ساعه ونمشي ."
فرح " يارب لك الحمد ، وش فيك من جلستي تضحكين ؟ "
ضحكت مرّه ثانية ،، لكن هجري المرّه بقوة " يختي حتى ع الضحكة حاسدتني .. ههه مدري فرحانة وحاسة شي حلو بيصير بالبر .."
قالت بطنازة " خير إنشاءالله ،، بتلاقين بعيرك الضايع .. ولا ضبك المفقود ."
قالت بنذالة " لا وإنتي الصادقة بلاقي جثتك إنتي وسليطين تحت التراب ."
فتحت عيونها بقوة ،، قالت بشهقة وهي تضرب على صدرها " وجع يوجعك .. بسم الله علينا ."
طق طق طق ..
فجر بلقافة وهي تناظر فرح بنص عين " إدخل ."
دخل أبو حمد وهو يستند على عكازة " يووه ما بعد نمتن .؟"
فرح " والله يبه بنتك جاية عندي مهيب راضية تطلع "
فجر وهي تجلس " أناا ؟! ولا إنتي تتكلمين عن غرامياتك مع سِيْ سُلطان "
حمّرت فرح ،، وضحك أبو حمد " وإنتي ما راح ترتاحين إلا إذا خليتي إختك تهجْ ؟ "
فرح بزعل " والله يبه ناشبة لي ،، ما يمديهم يقولون سلطان إلا وهي معلقة علي "
أبو حمد وهو يناظر فجر " إيه إصبري عليها لين تنخطب ثمن إجلسي تمصخري عليها لين تقولين بس "
فجر طيرت عيونها " أما يبه أنخطب ..! "
أبو حمد بإبتسامة " وش ناقصتس عن باقي البنات ..؟ مشاءالله عليتس زين وكمال والكامل الله "
حمرت خدود فجر وتفشلت ،،
إبتسم بو حمد على ردّة الفعل الطبيعية يلي تصدر من بناتة ،، ولف ناظر بفرح يلي كانت لا هيه بجوالها " وإنتي يمه رجلتس جاي معنا ؟ "
ما تدري ليش حست كلمة رجلك غريبة ..
قالت بخجل " إيه يبه ."
وقف " زين الله يحييه .. يلا يا بنيات خوذوا لكم غطّه قبل لا نمشي .."
البنات " إن شاءالله ."
××
صارت رايحة جاية بالصالة .. وتاكل أظافيرها بتوتر .. هذا وينة ؟؟ الساعة بتصك 3 الفجر وهو لين ألحين ما جاء ؟ دقّت عليه .. ويمكن هذي هي المرّه العاشرّه تدق وما يرد ..
رمت الجوال ع الكنبة جنبها بعصبية .. هين يا خالد هين والله اوريك ..
فتحت التلفزيون ،، وجلست تدور بالمحطات تبي شي يوسع الصدر ،، بس أبد مالقت شي سنع .. أغلبة مسرحيات مصرية سخيفة ..
مرّت عشر دقايق وبعدها إنفتح باب الشقة ،، دخل خالد بزية العسكري وعاقد حواجبة بقوة ..
قامت له وقالت بنرفزة " بدري .. تو الناس كان أبطيت أكثر "
أعطاها نظرة " شادن واللي يسلمك ترا تعباان ومنهد حيلي "
تخصرت " صار لي من متى وأنا أدق على جوالك ! لييه ماترد ؟ "
إرتمى ع الكنبة " كان عندي مناوبة "
شادن " وش مناوبتة ذي يلي تجي آخر الليل وعلى فجئة ؟؟ علمني عند مين كنت ؟ "
ناظرها بغضب " شاادن ! وبعدين ؟ إنتي ما تتوبين أبد "
رفعت حواجبها بتريقة " لا تكفى طلقني .. مو إنت مشاءالله متعود كل ماصار شي رميت علي الطلاق .. "
زفر " اللهم طولك يارووح ."
إنقهرت " تصدق .. الشرهه مهيب عليك علي أنا يلي جلست أنتظرك لين ذي الساعة .. ."
وراحت للغرفة .. ورقعت الباب وراها بكل قوتها ..
غمض عيونة بقوة وهو يتعوذ من أبليس .. هدِّ يا خالد هدِّ .. لا تكرر الغلطتين مرّه ثالثه ..
أخذ نفس قوي .. ووقف على حيله .. راح للغرفة طق الباب بطّرب ودخل .. شافها متمدده ع السرير وتقرآ كتاب لا تحزن لعائض القرني ..
راح للشماعه أخذ بيجامته وهي تتابعه بنص عين ،، لف على فجئة وهي نزلت بصرهاا على طول ..
إبتسم ودخل للحمام " الله يعزكم " جلس حوالي خمس دقايق وبعدين طلع وهي لين ألحين على نفس الوضعية ماسكة الكتاب بس ما تقرآ .. راح لها وتمدد جنبها ،، سكرت الكتاب بقوة وحطته ع الكوميدينة ..
تغطت وصدّت عنه بظهرها ..
ضحك ضحكة عاليه ..
قالت وهي تغلي من العصبية " ماافي شي يضحك يا حضرة العميد ."
ضحك زود " تدرين ،، تصيرين شينة يوم تدّلعين ،، وع "
لفت ناظرت فيه " اناا شينة ؟!"
سوى تفسة يفكر ، وهو كاتم الضحكة بالموت على شكلها و ملامحها المصدومة ..
قامت من ع السرير وشالت مخدتها " فكر على راحتك ،، أنا بطّلع بنام برّه .."
خالد " ههه يا فديت يلي تعصب وما تعرف وش تسوي "
أعطته نظرة " تدري ! ما راح أرد عليك ،، مالي خلق .."
وطلعت ورقعت الباب وراها مرّه ثانية ..
تغطى " ههه يا حبني لك شدو .. لا عصبتي تقولين كلام مدري وش يبي ههه ."
هي ،، نزلت ورمت المخدة بقوة ع الكنب .. أفف منه بليد بارد مافي إحسااس ..
جلست ع الكنب توقعت يجي يصالحها .. بس أبد الظاهر مطول ..!
إنسدحت وهي تناظر بالسقف .. وما أمداها تفكر إلا وهي غاطة بالنوم .
××
سمعت صوت مترنح ورى الكنب يلي هي جالسة علية ،، ونبّرة خلت كل خلية بجسمها تجمد !
لفّت ،، وشافت أحمد مقلوب فوق تحت ،، واقف ومو واقف ! الظاهر ،، ولا لأ أكيد شارب شي هجري النجس ..
وقفت بسرعة يوم شافته بيمد يده ..
شذى وهي ترجف " إن...إنت وش وش .."
قاطعها بضحكة " ي،،ووه
م...م..م..مافي مخخ خ !"
طيرت عيونها .. وش يقول ذا الغبي .. لفت بتركض .. بس صدمت بشخص ،، وطاحت ع الأرض .. رفعت بصرها وشافت عمتها تناظر أحمد بغضب ..
وقفت تستنجد " عمتي .. عمتي ناظري أحمد وش فيه ؟ "
دفتها بعيد عنها شوي .. ومشت لأحمد وهي معصبة ..
مسكته من بلوزتة وكأنه شي قذر وقالت وهي تصر على أسنانها بقوة " إنت ما تفهم ؟! كم مره قلت لك لا تجي البيت شاارب ؟؟ تبي أبوك يذبحك ؟ "
ضحك وهو رافع حواجبة ببلاهه ويأشر على شذى " يوم.....مآآه ،، أبي هذيك المزيونة .."
طارت عيون شذى ،،
وطلعت برا الصالة بخوف .. وراحت للبنات ووجهها مسحوب لونه ..
لمى " شذى آ "
قاطعتها وهي تتنفس بسرعة " إسكتي إسكتي ما فيني شي ."
شموخ " وش فيها خشتك قايله كذا ؟؟ من شفتي .؟"
قبل لا تتكلم جاهم صوت صيته من بعيد " شذى .. شذى حبيبتي تعالي أبيك "
لفت ناظرت فيها ،، ورجعت ناظرت البنات بخوف ..
لمى " عمتي تناديك ماسمعتي .؟"
وقفت وهي ترجف رجفه باينه من غير لا ترد ،، راحت لعمتها يلي إستقبلتها بإبتسامة مصلحة ..
أمل " وش فيهاا البنت إنهبلت ! ؟"
صيته بطيبة ما تليق لها أبد " يوه وش فيك حبيبتي رحتي ؟ "
قالت وهي تأشر ع البنات وعلى البيت " لا .. ب..س شفتك مع أحمد .. آآآ قل..ت أطلع أخليكم ."
قالت وهي ماسكة يدها تدخلها للبيت " يا قلبي والله من أول وأنا أقول إنك ذوق وأدب .. ليكون إستحيتي من أحمد بس ! "
جلست شذى ع الكنبة ،، وناظرت قدام وورى بسرعة وخوف .. ثم رجعت ناظرت بعمتها " سكراان صح ؟!"
قالت " مِنْ أحمد !
ههه لا ،، بس هو يحب يمثل ،، يمكن حسبك ريناد وقال يستهبل عليك .."
رفعت حواجبها " شلون ريناد ؟؟ شدعوة ماراح يفّرق بيني وبين إخته ؟"
وش ذا السوسه ؟! الظاهر ما ينفع معها الطيب .. قربّت منها وقالت بتهديد " والله يابنت منّيه إن سمعت أو عرفت بس إن أحد درى بالموضوع ، والله والله والله ما تلومين إلا نفسك فاهمه !! "
بلعت ريقها ،، وهي تناظر بملامح عمتها يلي إنقلبت 180 درجة ..
هزت راسها بقوة وخوف " فااهمة ! أبي أرجع بيتنا "
سندت ظهرها ع الكنب براحة " إرجعي حد ماسكك ؟ "
××
كانوا جالسين .. هو على كراسي الإنتظار وهي جنبة بس يفصل بينهم 3 كراسي ..
تركي وهي يدخل يده في شعره " ياربي وش ذا المصايب يلي ورى بعض ؟!! ما أمدانا نطلع من المستشفى إلا وحنا داخلينها مرّه ثانية "
ليان بهدوء وهي تناظر بالباب " إستغفر ربك هذا قضاء وقدر ومكتوب ما تقدر تغيرّة "
قال بنرفزة " ليان يرحم أهلك نقطينا بسكاتك .. يلي فيني مكفيني "
ناظرت فيه وهو يهز رجلّه بتوتر " ألحين إنت متنرفز لأني قلت الحق ! "
ناظرها بغضب " لياان والله مابي أغلط عليك .. إسكتي أحسن لك ،، أمي داخل مدري وش فيها ؟ وأبوي مو أحسن حال منها ، وأخوي وزوجته مرميين بغرفة العمليات مدري وش بيصير فيهم .! وإنتي جايه هنا ترمين علي حكم "
قالت وكأنها مو مهتمة لإنزعاجة " أجل أنا وش أقول ؟؟ خسرت ثلاثة في ليلة وحدّه !
بدل لا تندب القدر روح وصلي ركعتين إدعيلهم فيها "
نزل أبو محمد وهو ينزل الكُم حق ثوب النوم حقة ،، بما إنه ما قدر يبدل ..
قام له تركي " هاا يبه وش قالوا لك "
جلس ع الكرسي بتعب " إنخفض ضغط الدم عندي شوي .. الحمدلله ألحين تحسن ..
أمك وينها ؟ "
ناظر في باب غرفة أمه " لين هجري الحين داخل ."
تنهد بضيق " أنا مدري من وين تجيني هجري المصايب ؟ أنا وش سويت في دنيتي علشان ربي يجازيني بعيالي .؟"
قالت ليان وهي تناظر بالأرض " أبد ياعم ماسويت شي .. اللهم كم فقير طردته من شغله ،، وكم واحد أخذت فلوسة ،،
وبيت أهلي يلي بعته قبل لا يجف ترابهم وحرمتني من ريحتهم ."
مد يده لتركي يلي جا بيرد ،، قال بإستحقار وهو يناظرها " وكل ذا شايلته في قلبك علي ؟ أجل ماصار فيني كذا إلا من دعاويك "
وقفت وهزت راسها بتريقة " لا سويتها جيت قلت لك .."
مشت " بروح أشوف مها طلعوها ولا لأ "
تركي وهو يناظر أبوه بغضب " بنت أخووك إنهبلت "
نزلت من قسم الطوارئ بكبرة ودموعها تسبقها .. مشت بالشارع وهي تتوجه لمبنى حفظتة من كثر ماتروح له ..
دخلته ،، وصارت تشوف الناس الرايحه والجايه وهي واقفة مكانها ..
مشت بخطوات مهزوزة .. وراحت للفت .. دخلته وكان فيه إثنين رجال وولدّه الصغير ..
ضربت ع الدور الخامس ،، وبسرعة وصلت ،، نزلت وكمل الرجال طريقة ..
راحت إلين باب غرفته .. وقلبها واصل حلقها .. يارب أنا وش صار لعقلي وخلاني أجي هنا ؟
وبينما هي تشاور نفسها تدخل ولا لأ ..؟ إنفتح الباب ..
ناظرها .. وأول ما إلتقت عيونهم عرفها على طول .. إبتسم ،، وهي رجعت خطوات على ورى ..
قال بلهفه " ليان !"
دق قلبها بقوة .. دق مو من الخوف لأ ..دق لشي ثاني .. شي هي خايفة تقنع نفسها فيه ..
قالت بإرتباك " معليش جيت به الوقت .."
قال وهو يرجع يدخل للغرفة " لا حياك الله .. تفضلي ."
دخلت وخلت الباب مفتوح ..ناظرت فيه " كنت طالع !؟ "
ضحك وقال بمرح " كنت ،، بس دامك جيتي خلاص بنام هنا ."
ضحكت " لا والله مو قصدي أزعجك بس "
قاطعها بخوف " حاسة بشي ؟؟ في شي يعوورك تعبانة !"
هزت راسها " لا ،، بس ضاق خلقي شوي وجيت هنا "
إبتسم وقال " ليت دايم يضيق خلقك علشان تجين عندي "
" الله ! وش

أفآ وينكم ؟؟
ترااها حلوة إقرووهاا ..
وكل عام وإنتم بخير ..
<< تحطّمت ْ إهئ

روعه
حبيت ليان وعبدالله(( اللي هو فارس ))
وشذى وطلال ومها..
والباقين بالذات عمان ليان وعماتها وعيالهم حطيت عليهم اكس>>همهم عاد رأيك
حبوبه ممكن سؤال..القصه كامله عندك؟؟؟؟؟
أنتظرك على نار
وكل عام وانتي بخير..
تقبلي مروري
>>لاحرمني الله منكم<<