حفلة تخرجي ساعدوني

عارفه اختي عندي ليك حل افضل من الدانوب,,,,مع احترامي الشديد له ولمحبيه
في حريم يبيعو اكل عندكم واحسن واطعم وارخص من المطاعم
وبيكون نظافة اظمن صدقيني جربي مابتخسري دعواتك

طيب ادا تعرفي يجيبوه بطاولاته و
ابغى شي كامل

والله اختي يختلفو انت شوفي وحده واتفقي معاها
بعدين موضوع الطاولات لاتشيلي هم ممكن تاجريه من محل

أول شي مبروك التخرج
ثاني شي ياقمرمعازيمك انتي 100 شخص يعني اقل شي لازم يكون 6 او 5 امتار البوفيه لان هما بيحسبوه كل متر يأكل 10 اشخاص لو حسبناها بحسابهم يطعلك على اال100 شخص لازم 10 امتار بس طبعا بحسابنا لأنو الناس ماتاكل كتير ومو كل شي يعني نقول فعليا راح يكفيكي وزايد 6 امتار او 5
نجي لسؤالك عن الدانوب الدانوب مايعمل بالمتر أبدا يعطيكي بالصحون فراح تحوسي العشر حوسات بسبب انك حتشتري كل صحن وايش تحطي وايش ماتحطي ومايجبلك الطاولات
وطبعا في بالي كم مكان زي الجونه او الدولفين كويسة بوفيهاتهم وسعرهم طيب بس مستحيل يعملك على 6 امتار اقل شي 10 امتار
فعندك اذا انتي في جدة حلويات الافندي اذا تبغي ارسلك رقمهم كمليهم
هما صراحه اكلهم مو مره لزيز عادي جدا بس هو الوحيد الي يوافق يعمل 6 امتار واقل والمتر عندو ب 450
ان شااء الله اكون افدتك لأنو قريب عاملين حفلة بنت خالتي وزي كده حوسنا عشان عدد الناس زي كده 100 نفر