حلاي غير في شهر الخير من مطبخي وبالصور

السلاام عليكم ورحمة الله وبركااته
يسعدلي صبااحكم/مسااكم
ياأحلى فرااشاات
نزلت من كم يوم كيكتي
http://alfrasha.maktoob.com/alfrasha31/thread1657346/
وكان معاها حلى عجب إختي سواليفي
وطلبت طريقته
المشاركة الأصلية كتبت بواسطة سواليفي
مرا حلوه يعطيك العافيه
بس ممكن مقادير الحلى اللي معاها باين انو يشهي ^_^
وأنا وعدتها بنزل الطريقه بموضوع مستقل
وهذا الموضوع لعيونه
>>>>
طبعا ً بعطيكم المقاادير مع الطريقه
لأنه الحلى عباره عن طبقات
الطبقه الأولى..
بسكويت شاي مغمس بحليب مذوب فيه شوية نسكافيه
<< حتى يعطينا طعم حلو
الكميه على حسب حجم الصينيه
أنا بيكفيني علبتين ونص وبحط طبقتين بسكويت شاي
الطبقه الثانيه..
في الخلاط...
علبة قشطه+2حبة جبن كيري+م ك حليب نيدو
رشة فانيليا+ظرفين دريم ويب+شوية مويه
=توضع الخلطه على البسكويت بالتساوي
الطبقه الثالثه..
نأخذ كيك أوريو ونفتحه من النص
ونشيل الكريمه اللي فيه
ونصفه بطريقه مرتبه على الطبقه الثانيه
وندخل الصينيه للثلاجه حتى يبرد الحلى
الطبقه الراابعه..
كأس كبير بيبسي أو علبتين بيبسي حتى تكون الطبقه كبيره شوي
+ظرف كريم كراميل << إذا حطيتي علبتين بيبسي حطي ظرفين كريم كراميل
نضع البيبسي على النار وعند الغليان نضع كريم الكراميل
يترك ثواني ليغلي ثم يرفع عن النار
يترك ليبرد
ويوزع بشويش على الطبقه الثالثه
ويدخل الثلاجه حتى يبرد
ولو بيعمل قبلها بيوم بيكون أفضل حتى تتماسك الطبقات
وأترككم مع الصور ..
عذرا ً ماقدرت أقطع الحلى
لأني أرسلته لجارتي الله يسعدها ويرزقها الحمل هي وكل متأخره إن شاء الله
لأنه الجمعه كانت عندها..
بس هو يقطع بشكل دائري بقطاعة المعجنات
وبالعافيه على اللي تسويه ويعجبها....
مع حبي لكل اللي نورو موضوعي
لاتنسوني بدعواتكم الحلوه بتسهيل وتيسير حملي وولادتي