حلم منار

اخباركم بنات؟؟
المهم...
اليوم عجبتني قصه بمنتدى بانزل الجزء الاول اذا عجبكم باكمل....ok..
في يوم مثل باقي الايام كانت منارعمرها20 سنه جالسه في غرفتها هي من عيله متوسطة الحال وكانت دايم تحلم بفارس احلامها ذاك الفارس المغوار
اللي بيقلب حياتها فوق تحت ويخليها من بنت بنت عاديه لبنت ذات منصب وصيت وقطع عليها الحلم اخوها
فهديشتغل في شركه عمره 25
وهو يطق باب غرفتها يلا الغدا انحط ردت عليه بصرخه زين ماتعرف تطق بالباب بشويش زين لك قطعت حبل افكاري وحلمي علي
فهد: اقول اخلصي انزلي تراي جوعان
تجهزت ونزلت وممداها تجلس قالت لها امها
ام فهد ربة منزل
ام فهد:جيبي صحون زياده هذولا مايكفون
وراحت جابت وجات وحطتهم على الطاوله
إلا وفهد يقولها جيبي ماي ابي ماي
منار عطته نظره حاده تأففت وراحت تجيب له وهي بتروح مجبوره ماتقدر تقول شي وابوها موجود
ابو فهد يشتغل في دائره حكوميه
جابت الماي وقالت تبون شي ثاني بعد
ابو فهد:ايه روحي نادي اختك تجي تتغدا
اختها مرام عمرها 13سنه
وبدا الكل ياكل والكل اجتمع على السفره ماعدا منار
ابوفهد: وين منار بصوت عالي
منار: انا هنا جاايه جاايه
وهم يتغدون يسولفون وقالت منار:ابوي ودنا نطلع اليوم الناس اجازه واحنا جالسين بالبيت
ام فهد: اي والله يا بو فهد طفشنا من جلست البيت
ابو فهد:يسلم راسك تجهزوا واليوم بعد المغرب بطلعكم
منار شافت ان ابوها مروق وقالت بابا
ابوفهد: نعم
منار: مدام احنا طالعين خلنا نتعشى بالمجمع الجديد
كانت خايفه من ردة فعل ابوها وفرحت يوم انه قال
ابوفهد: خلاص الطلعه لكم التفت على ام فهد وقالها وش ايك
ام فهد: اللي تشوفونه المهم ان نطلع ونغير جو
وكملوا الغدا وهم ساكتين ويدور في بال منار وش بتلبس واي ساعه سواتش ولاديور
والكل قام من الغدا ومنار غارقه في بحر افكارها ولا بحاسه وما انتبهت لين سوزي شغالتهم تقولها منار خلاص غدا ولا باقي
ضحكت منار ضحكه قويه لأنها ماحست ان الكل قام ومابقى غيرها على السفره مع انها ماكلت ولا لقمه
فهد كالعاده راح يحوس بسيارته اللي ماتخترب إلا وقت الراتب
مرام الامر عادي عندها
ماجد اخوها الصغيرعمره 7سنوات ماما وش البس
ام فهد: رح لأختك وهي تلبسك ملابس حلوه ومرتبه
واخته بغرفتها فاتحه دولابها وماتدري وش تلبس ينطلونها الاسود ولا الجينز السكني وباقي ماقررت وهي تلبس وتبدل
ام فهد راحت لأبو فهد غرفتهم لأن القيلوله مهمه بالنسبه لهم
مرام تطق الباب طق طق طق على منار افتحي أبي ألبس
منار: اصبري انا ابدل
مرام: افتحي لي ماراح اشوف
منار: عيب يادوبه
مرام: عادي اللي عندك عندي مابي اشوف شبعانه
منار: بلا قلة ادب وفتحت الباب
مرام: وين اللي تقولين تبدلين هذي ملابسك ماغيرتيها
منار:اي لين الحين مدري ماقررت وش بلبس
مرام: البسي اي شي عليك عباتك انتي مورايحه عرس
منار: كرمينا بسكوتك بس واخلصي خذي اللي تبينه واطلعي ونادي العله الصغيراللي يقاله ماجد
مرام: ترى الغرفه مولك لحالك ولا تتأمرين
منار: اقول اخلصي علينا
مرام: اول قولي فضلآ وليس امرآ
منار: لاأمرآ وليش فضلآ ويلا من غير مطرود
مرام: بطلع بس مابنادي احد
وهي طالعه سكرت الباب قبل لاتقول منار اي كلمه
اذن العصر صحى ابو فهج وتجهز للصلاة وراح للمسجد
ام فهد توضت وصلت وراحت المطبخ تزين القهوه والشاي
جا ابوفهد من المسجد وجلس جنب ام فهد عشان تقهويه
ابوفهد:اقول يا ام فهد
ام فهد:سم
ابوفهد: سم الله عدوك ابيكم تتجهزون عشان مانتأخرتعرفين وراي دوام
ام فهد: ابشر طال عمرك
ماجد جاي يركض ماما ماما منار ماتبي تلبسني
ام فهد تنادي: منار منور
منار: نعم يمه
ام فهد: تعالي ليه مالبستي اخوك وجهزتيه
منار: انا قلت حق مروم تخليه يجيني بس هو ماجاني
ابو فهد : انا طالع وبس ارجع بعد الصلاة مبارشره القاكم جاهزين
ام فهد ومنار: ان شاء الله
ام فهد: يلا خذي اخوك وجهزيه
منار: طيب
راحت منار تجهز ماجد
جا فهد: يمه يمه
ام فهد: نعم ياوليدي
فهد: ابي فلوس لين ينزل الراتب
ام فهد: توني معطتك امس
فهد:وش اسوي اختربت اليوم بعد
ام فهد: ان شاء الله هذي الفلوس
فهد: انتي احسن ام فالدنيا بس ارجع الاسبوع الجاي اردهم لك
ام فهد:يلا لاتتأخر على شغلك ولا تسرع الله يحفظك
فهد: دعواتك يمه
ام فهد: الله يحفظك ويسهل امورك
مرام:يمه يمه أنا خلصت اول وحده
ام فهد: الحين اول وحده واذا جا ابوك اخر وحده تركبين السياره
مرام: هاهاهاي حلوه يمه بس لاتعيدينها
وراحت على اللاب تقول لصقيقاتها بنطلع يلا خلونا نتجمع بالمجمع ونفلها ونستهبل
منار: يلا مجود خلصنا منك روح لماما وبوسها بوسة النظافه
مجودي: طيب
وراح ماجد يبوس الماما
منار: ياربي باقي انا وش البس يلا بلبس اي شي وخلاص اهم شي بلبس ساعه كشخه واساور
وبعد الصلاة مباشره وعلى التايم نسمع صوت طيط طيط طيط
ابوفهد يدق بواري عند الباب عشان يجون
جات ام فهد اول وحده تتعذر لأبو فهد بناتك هم اللي اخرونا يوم جينا نطلع فكروا يدورون اغراضهم
ابو فهد: حصل خير
ركبوا البنات السياره بدون ولا كلمه
وصلوا المجمع ومنار ومرام يسولفون ويضحكون
ابوفهد: بلا قلة ادب وقصروا صوتكم لا أرجعكم البيت
البنات: ان شاء الله
ام فهد: يا ابو فهد خلهم يوسعون صدرهم شوي
ابوفهد: ماقلت شي بس كل شي بعقل
ماجد: بابا بابا خلنا نروح الالعاب من زمان مالعبت
منار : ابوي عطنا فلوس واحنا نلعبه وانت وامي روحوا جلسوا جلسه رومنسيه
ابوفهد: طيب خمسين تكفي يلا هذي ميه مافي غيرها
في الاعاب ماجد: ابي اركب السيارات
منار: اصبر خلني اعبي الكرت اول
راحت منار تعبي الكرت وجات عينها بعين شاب وسيم ومن حسن حظها انها متغطيه لأنها تناظره وهي فاتحها فمها
وحست بنفسها لما قال لها الهندي كم عبي ماما قالت له عبي 80عشان العرض
والشاب اللطيف ماشال عينه من عليها وهي فرحانه لأنها لقت اللي تدور عليه
شاب وسيم ومبين عليه ولد نعمه شردت منار شوي بخيالها وبدون شعور ولأنها موحاسه باللي حولها
خذت الكرت ومشت بدون ماتحاسب
وناداها الهندي ماما ماما ماما جيب فلوس
رجعت وهي مستحيه وقالت له ماعليش وهي تطلع الفلوس جا الفارس الشهم الكريم الشاب وقال للهندي الحساب عندي
منار: لاشكرعندي فلوس
الشاب: انا داري بس خليها علي على حسابي هالمره
طارت من الفرحه حلمها يتحقق جاتها مرام:منور كل هذا تعبين كرت
منار:متوتره ماتشوفين الزحمه وبعدين هذاني خلصت
مرام :بكم عبيتيها
منار فكرت بشي وبعدين ردت بالميه كلها
مرام:الله بالميه كلها
منار:اي ماودك تفلينها وتلعبين انتي بعد محد يعرفنا
مرام :والله فكره يلا مشينا نوسع صدرنا محد حولنا
الشاب اللطيف باقي يلاحق منار ومنار تناظره واذا انتبه لها سوت نفسها ماتشوفه
لين اشر لها تعالي اجلسي هنا
اشرت له مقدر ماتشوف اللي معاي
اشر لها تعالي اجلسي بس
اشرت له اصبر شوي
منار: مرام معليش توقفين هنا جنب اللعبه لين ماتخلص
مرام: ليه وانتي وين بتروحين
منار: ولا مكان بس تعبت وبروح اجلس على الكراسي شوي
مرام: طيب اذا خلصت بنجيك
راحت منار تمشي وودها تركض وجلست
قرب منها الشاب وقال:جننتيني
منار :مين انا
الشاب: ايه انتي وفي غيرك
منار: اشمعنى انا ياكر الموجودين بالمجمع
الشاب: بس عيونك احلى منهم كلهم عيونك عذاب
منار: لاتبالغ
الشاب: وربي ماابالغ وعلى العموم قبل لايجون اللي معك هذا رقمي اذا حبيتي كلميني
منار خذت الرقم وقامت راحت بسرعه عند مرام قبل لاتوصل لها وقلبها يدق بسرعه خايفه لايكون شافتها
مرام :كان جلستي احنا جيين هنا مجود يبي يركب هذي اللعبه
منار ارتاحت انها ماحست بشي
منار:طيب
منار تدور الشاب وشافته واقف عند الباب ينتظرها تناظره واشر لها باي انا رايح
منار هزت راسها وقالت في قلبها حافظك ربي
مرام: احس صار ملل
منار:اي صح
ابوفهد وام فهد جالسين بالكوفي شوب
ام فهد:يابوفهد ترى في خطاب خاطبين بنتك منار
ابوفهد: صدق متى
ام فهد:هم كلموني ويبوني احدد لهم يوم عشان يجون يشوفونها
ابوفهد:مااصدق منوره الدلوعه بتتزوج
ام فهد: هذا مصير البنات بس ها اذا رفضت لسبب مقنع لاتجبرها
ابوفهد: اكيد لها حرية الراي هذي حياتها وهي اللي بتعيش معاه
اذن العشاء
منار ومرام زين انه اذن يلا نروح ندور امي وابوي
ولقوا امهم بالكوفي لأن ابوهم راح يصلي
ام فهد زين انكم جيتوا يابنات يلا نروح نصلي
وبعد الصلاة ابوفهد يلا وش تبون تتعشون
مرام:انا ابي من ماك
مجودي:انا ابي هابي ميل ولعبه
ابوفهد: وانتي يامنار
منار: لامالي نفس مابي شي
ابوفهد:فيك شي
منار: لابس احس فيني غثيان
ام فهد: بكيفها انا جيبولي باستا
وكل واحد جاب طلبه
منار غارقه في بحر افكارها
شلون بدق عليه وتذكرت انها قالت لمرام انها شحنت بالميه
منار:يبا انا بروح اشتري لي ماي
ابوفهد طيب ولاتبطين
وراحت تدور محل يبيع بطايق شحن ولقت محل جوالات وشرت منه ورجعت بسرعه وجلست
ابوفهد:منار وين الماي
منار: هاا اي كله حار درت عليهم اللي عنده حار واللي ماعنده
ابوفهد: معقوله
منار: اي مومصدق روح وشوف
ابوفهد: لامصدقك بس مجمع المفروض الماي يكون متوفر بكثره
خلصوا عشا ولفوا شوي بالمجمع
ومنار تقول في قلبها يلا نبي نروح البيت ماتدرون اني لقيت اللي ادور عليه
لقيت فارس احلامي
واخيرآ ابوفهد:يلا مشينا للسياره تأخرنا وراي دوام
في السياره كان الكل ساكت ومنار تفكر وش بتسوي
وصلوا البيت ماجد نايم ومرام دايخه فيها النوم
ام فهد :يلا غسلوا اسنانكم وعلى فرشكم
زاد توتر منار وقالت لالامابدق
وشوي عم الهدوء ارجاء البيت ومنار جالسه بزاويه وتفكر وغيرت رايها وقررت تدق
شحنت جوالها ودقتورد عليها نفس الصوت اللي سمعته بس كان الصوت فيه دفى اكثر
الشاب مرحبا
منار:هلا
الشاب: من معاي
منار: انا
الشاب: انتي مين؟
منار: انا اللي عطيتني الرقم
الشاب:هلا والله كيفك واخبارك
منار: الحمدلله بخير انت اشلونك
الشاب: انا صرت بخير و بأحسن حال يوم سمعت صوتك
وسمعت منار صوت ابوها وقالت باي اسمع صوت ابوي
الشاب: باي ياعسل
يتبع...
انتضر الردود