حلو الكورنفلكس بالايس كريم

السلام عليكم ورحمة الله وبركاته
اول مشاركة لي حبيت تكون عن طبق حلو عملته اكثر من مرة ونالت استحسان الكل والحمدلله
هو لطبق هذاطريقتين بس نفس المكونات والفرق بس بالتقديم
نبدأ على بركة الله .
المقادير :
كورنفلكس مال الديك
2 قيمر
4-5 جلكسي ابو بندق
كريمة خفق
2 فليك ويكفي 1
الطريقة :
ناخذ الكورنفلكس ونحط طبقة بالبايركس
وبعدها نشربها بكريمة الخفق بنفس طريقة الي بالصورة عشان يصير لين
وبعدين نذوب الجلكسي على النار بمجرد ان يذوب بعد ما نضيف كمية قليلة جدا من الماء
نشيله من النار ونحط القيمر ونخلطه
ونحط طبقة كاكاو فوق الكورنفلكس
ونحط طبقة ثانية كورنفلكس
واخر شئ نحط طبقة كاكاو
وفي النهاية نفتت فليك فوقه ونحطه بالفريزر لمدة ساعة ونص الى ساعتين
بس الطريقة الاصلية للطبق يكون باكواب
وهذي هي شكلها
الفرق الوحيد ان بهالطريقة بنحط ايس كريم بعد الطبقة الثانية للكاكاو وبعدين نحط الفليك
صحتين وعافيتين على قلوبكم