حلى التمر السريع

يا بنات شفت لكم من كل يوم في احد المنتديات حلى بالتمر شكله يجنن
وهذي صورته
ومقاديره كانت سهله ومتوفره في كل بيت
المقادير
علبه متوسطه حليب محلى ومركز
تمر حسب الكميه منزوع النواه
ثمان قطع جبن كيري
بسكوت دايجستف وياليت يكون لايت الي حق الرجيم لانه اخف
جوز
الطريقه سهله بس لان السالفه فيها تكور وعجن وزبده وانا ماحب الزبده ماحنا ناقصين كلسترول ودهون ثلاثيه .... قلت بخليها خفيفه
طريقتي الخاصه
[ اول شي طحنت نصف علبة البسكوت وحطيتها في قاع الصنيه
بعدين حطيت فوقه التمر منزوع النواة بشكل مرتب
بعدين الخلطه الي عباره عن
ثمان قطع جبنة كيري
وعلبة الحليب المحلى
كسرت فوقهم باقي علبة البسكوت قطع صغار و صفيت فوقهم الجوز انصف
التمر والبسكوت والجوز واخر طبقه الخلطه حقت الجبن والحليب
واخر شي صوص الشوكلاته حركته على شكل خطوط
وهذي صورة الحلى الي انا سويته
معليش يا بنات كامي مو واضح بس يفي بالغرض
هني وعافيه على قلوبكم وقلوب الي كلوه