حلى الزبادي ببسكوت السمسم وبالصور

السلام عليكم ورحمة الله وبركاته
كيفكم ياحلوين عندي لكم حلى روعه من مطبخي ويشرف لو عندك ضيوف
وبصراحه الحلى هذا انا حافظته عندي من فترة طويله والآن سويته
وبشكرصاحبه الحلى الي للأسف مااعرف اسمها ولا اعرف في اي منتدى اخذته
لكن الله يسعدها ويوفقها ....
وبنقلكم الطريقة .. لكن الصور من عندي ..
الطبقة الاولى
(كيكة الزبادي العادية 3بيضات - علبة زبادي - نفس العلبه سكر - ثلاث ارباع العلبة زيت - 2ملعقه شوكولاته " عن نفسي وحده ملعقه شوكلاته"
تخلط في الخلاط ثم نصبها على كاسة دقيق وملعقه كبيره بكنج بودر
نحطها في صينيه كبيره ونخبزها
والصور توضح نفسها "يعني ماتحتاج شرح "
الطبقة الثانيه :
10كيري - علبة نستله توضع فوق الكيكه اذا بردت وتنحط في الفرن شوي بس عشان تجمد فقط وبدون تحمير
وانا بس شغلت وجه الفرن وخليتها بس تجمد مو تحمر انتبهوا
الطبقة الثالثة :
نرص بسكوت السمسم المعروف يا اولكر او تيشوب فوق النستله بالترتيب
الطبقة الرابعه :
علبة سفن + ظرف كريمه تغلي على النار ثم تصبينها بملعقه شوي شوي لانها حاره
انتهينا,,,,,,,,,,,,,,,,,,
تتركينها تبرد ثم تقطعينها بعلبه بكنج بودر مخلصة ما تحتاجينها
والصور توضح ياحلوين
اتمنى يكون عجبكم والله لذيذ وتحسيه خفيف في الاكل يعني الحلى فيه معقول
واكرر الحلى كان عندي من زمان ومااعرف منو صاحبته ولا من اي منتدى لكن الله يعطيها العافية
وصراحه فنانه