حلى بارد

ندخل في المقادير والطريقة
1) تجيب صينية بايركس وترصي فيها طبقة بسكويت أولكر مشرب بالحليب
2) بعدين نعمل خلطة عبارة عن نص علبة قشطة و3م ك نوتيلا ونلخطهم بالملعقة كويس ودي الصورة
3) ننقط الخليط دا على البسكويت بدي الطريقة عشان يسهل توزيعه مزبوط
4) ودا بعد وزعناه على البسكويت
5)نرص طبقة بسكويت مشربة بالحليب على الخلطة
6)دحين نسوي خلطة الكريمة اللزيزة
تخفقي بخلاط الكيك 2ظرف دريم ونص كوب حليب بارد و3م ك سكر بودرة
و4 حبات جبن كيري ونص علبة قشطة باردة
تخفقيهم مزبوط لين بشتدو وتصير عندك كريمة بيضا
أن أحط الكل ماعدا الكيري أضيفو بعد ما ينخلطو شوية بس يكون برا الثلاجة بفترة
وخليه يذوب ونفردو على طبقة البسكويت
وغطيه بقصدير ودخليه الفريزر وأنسيه لو مستعجلة يكفي4ساعات أنا أحياناً أخليه بس ساعتين
وأحياناً يوم كامل
7)بعدين نعمل حمام مائي ل2ونص جالكسي سادة و3 م ك نوتيلا لين يذوبو نقوم نحط عليهم علبة قشطة ونخفقهم وهم على الحمام المائي بالمضرب السلك حتى يتجانسو
ونصبهم على الطبقة البيضا (نكون خرجناها قبل مانعمل الخلطة) ونوزعه بسرعة قبل ما يجمد مع البرودة بس وزعيه بتحريك الصينية
8) وعلى طول نبشر نص الجالكسي عليه وندخلو الفريزر تاني