حلى جديد وخطير

حبيت اليوم أحط بين إيديكم حلى بس غير عن كل حلى حلى خطير ويواجه
بشكل قبعه رائعه وكشخه في التقديم
طبعا راح اخذكم في رحله مع هالحلى
في البدايه جيبي كرتونة بسكوت أوريو أنا إستخدمته كله ماعدا ثلاث كيسات طبعا الكيسه الوحده فيها 6 بسكوتات
فكيها عن بعض وإحتفظي ب 50 حبه طبعا بعد ماتشيلي الكريمه((الحشوه)) عنها وخليها على جنب
والباقي من البسكوت مع الكريمه إطحنيها
وعجنيها بشوي قشطه مع نستله بس شوي يعني لا تكثرين لحد ماتصير معك عجينه حلوه
وحتفظي فيها شوي في الثلاجه لحد ماتجهزين الباقي
قطعيلك بسكوت شكولاته جالكسي فلوتات إلى شرائح صغيره أنا إستخدمت 3 حبات وبما إن الحبه فيها إصبعين إستخدمت 6 أصابع
وإخلطيلك مقدار أكثر من ربع علبة نستله الكبيره بشوي مع 6 حبات جبن كيري في الخلاط
الحين نجي لطريقة الإعداد
تاخذيلك غطاءا مويه الصحه وتلبسينه جلاد((ورق التغليف الشفاف))
وبعدين قطعه صغيره من عجينة البسكوت
ولبسي فيها الغطاء علشان تكون مجوفه
حطي فيها شوي من خلطة النستله بالكيري
وبعدين شوي من جالكسي الفلوتات إلي قطعتيه
وبعد كذا شوي نستله مو تكثرين
وبعدين غطيها بعجينة بسكوت الأوريو
طبعا حطي جزء من ورق التغليف فوقها وظغطيها بيدك علشان تاخذ شكل الغطاء وتلصق العجينه إلي حطيتيها فوق طبعا بيصير كذا شكلها بعد ماتطلعينها
خذيلك حبة بسكوت من إلي رفعتيهم قبل وحطي نقطه صغيره من خليط النستله عليها طبعا من جهة الخلف مو الجهه إلي فيها النقش
وخذي القطعه إلي سويتيها وحطيها فوقها
وبكذا صاار عندك شكل قبعه بنجي الحين للتزين جيبيلك شرايط ساتان او ورق إلي يريحك وتكون سخيفه مو عريضه وقصيلك منها بطول حوالي شبر او المقاس إلي ممكن يكفيك
ولفيه حول القبعه وإربطيها
طبعا إختاري عدة الوان للشرايط مو تتقيدي في لون واحد بس ,,,,
منقول