حلى حبي بالجالكسي الخطوات بالصور من مطبخي يمي

السلآم عليكم ..
ندخل في الموضوع .. اليوم سويت حلا .. مدري يمكن اسمه حلا الدانيت ..
او حلا الجالكسي .. فقلت اسميه من عندي وسميته ( حلا حبي ) . .
المقادير :
3 قشطه في الصور 2 الثالثه وصلت لموقع التصوير متأخر
بسكوت شاي مطحون
كيكه المافن بالشوكولاته ( ومقادير الكيك العادي _ بيض وزيت ومويه )
فليك
جبنه 6 مكعبات ( كيري او مايقوم مقامها )
3 جالكسي
3 دانيت بالشوكلت
..
وهذي المقادير
هذي صوره كيكه المافن .. فيها حبيبات شوكلت صغيره .. ترى مو شرط عادي اي كيك بالشوكلت سواء امريكانا او العادي .. بس انا اخترت هذي
ونسوي الكيك بالطريقه العاديه ( 2 بيض + ملعقه كبيره زيت + ثلثين كوب ماء ) ونحطه بالفرن ..
وهنا لما طلعناه من الفرن ...
بعدين ناخذ شوكه ونفتته بعد مايبرد شوي ..
نحط علب الدانيت بالشوكلاته
ونعجنه ونحطه بالصينيه حقت التشيز كيك
بعدين نسوي الطبقه الثانيه .. البسكوت المطحون ( بس مو كله كل ماكان اقل كان افضل )
+ 2 قشطه + 6 مربعات من الجبن
وبعدين نحطه فوق الطبقه الاولى ..
وبعدين ندخله الثلاجه .. ونسوي الجالكسي .. نذوب 3 جالكسي في حمام مائي وبعدين لما يخلص نرفعه من الحمام ونحط عليه علبه قشطه ونحركه وبعدين نصبه على الطبقه الثانيه .. ونزينه بالفليك ..
كان ودي اتصور وانا اكله كيف كنت داخله جو بس للاسف خشتي غير قابله للعرض
لايفوتكم خيال
فوتكم بعافيه
( واللي تبي تنقل الموضوع حلال عليها ) ..