حلى حواء ثقيف للقهوه التكرنتو وبالصور

السلام عليكم ورحمة الله وبركاته
هذا حلا حصري بإسمي حبيت اسميه حلا (حواء ثقيف ) أو حلا (التكرنتو) ومن زمان اسويه وحبيت احط طريقته فدوه لعيونكم
المقاديروالطريقه
2 بسكوت ماري او أي نوع بسكوت شاي مطحون طحن ناعم
2 اصبع زبده سايح او واحد زبده كبير مقاس 200 غرام
يخلط البسكوت مع الزبدهوتكبس كبس جيد في صينية بايركس
الخلطه العلويه
في الخلاط نخلط
علبه قشطه واحده
علبه نستله واحده
ملعقتين طعام حليب بودره
5حبه تمر منزوع النوى
ملعقه صغيره نسكافه
ملعقه صغيره شوكولاته بودره
نصف ملعقه صغيره فانيليا
وتخلط جيدا اكثر من مره
ثم تصب على الوجه
وهذا الشكل النهائي بعد صب الخلطه على الوجه
وتدخل الفرن ويكون الرف في النص ويكون الفرن مشعل من تحت فقط
وعلى درجة 120
وتترك من 35 الى 40 دقيقه
وتخرج من الفرن ويكون هذا شكلها
وتوضع في الثلاجه حتى تبرد
ثم تقطع مربعات صغيره وتوضع في ورق سولوفان وتقدم مع القهوه
او تقطع مربعات كبيره وتوضع بالصحن وتؤكل بالملعقه مع القهوه
وهذه القطعه لأول وحده ترد عليها بالعافيه
وبالهناء والعافيه