حلى ذوق من وحده كويتيه لايفوتكم

السلام عليكم ورحمة الله وبركاته
الله حيهم
اخباركم
مافي حد ما يحب الششوكليت طبعا - عاد انا ادمان شوكليت - اليوم سويت طبق دوم اكله بشليز وبينيجيز قلت ليش ما اسويه بروحي واتعلم - دخلت النت ولقيت الف طريقه
عاد انا قمت اطلع مكونات من عندي - و نجحت طلع المولتن كيك اللي من تأليفي ولا اروع والله ين طعمه يوديك بستين الف داهيه
للي مايعرف المولتن كيك هو يجي نفس الكيك بس داخخل شوكولاته ذايبه وحاره واي ماقدر خلوني ابلش واقولكم المقادير والطريقه
المقادير متوفره في كل بيت
وما تاخذ منج وقت وايد
وما توسخ المطبخ اهم شي
وفي اقل من نص ساعه مسوين احلى سويت
المقادير :
4 ملاعق طحين
2 بيض
4 جلاكسي ساده
زبدة ربع كوب
مقاديري مافيها سكر لانه خلاص الجلاكسي فيه فما نبيه وايد سويت
هاي الكميه تكفي حق قالبين صغار اللي من الفخار نفس اللي بالصوره
اول شي ندوب الكافي مع الزبده في الميكرويف اول حمام مائي كيفكم انتوا بس لاني ماحب اطول المسئله حطيته بالميكرويف
وبعدين نضيف بيضه وحده كامله وصفار البيضه الثانيه ونخلط بالملعقه
نضيف 4 ملاعق طحين ونخلط
وبعدين نصبه بالقوالب بعد ما مسحناه بالزبده
ونحطه بالفرن بس 7 او 6 دقايق على درجة حراره 220
ششلون تعرفون انه خلص بتلاحظون انه انتفخ وفوقه صارت طبقه جنه كيك
واحين شوفوا التعذيب
شوكليت ذايب يمي
واهني بعد ما قضيت عليه
دعواتكم
لي براحة البال