حلى ربي يحلي بسكويت ديجيستف

السلام عليكم ورحمة الله وبركاته
احبتي في الله راح اقدم لكم حلى ومتاكده لو ذقتوه راح تدعولي
عبارة عن بسكويت ديجيستف بسكويت القمح المغلف بالشوكلاته صورته لكم المقاس الصغير لو صينيتك متوسطة الحجم
كاسة ونص حليب بودرة(كاسة الجبن الصغير) علبة حليب نستله الكبيرة علبة دريم ويب اللي فيها كيسين وعلبتين قشطة شوكلاته فليك للتزين حسب رغبتكم
افتحي البسكويت راح يكون قطعة واحد متماسك عشان الشوكلاته حطي وسط الصينية وابدئي بتقطيعه شرايح يعني راح يكون بالعرض التقطيع
وزعيه في الصينية وحمسي الحليب البودرة الين يصير ذهبي غامق
حطي عليه علبة قشطةونص علبة النستلة واخبطيه كويس باليد او بالخلاط الكهربائي براحتك افردي الخليط على البسكويت بهدوء لاتلخبط البسكويت عليكي في نفس الزبدية اللي عملنا فيها الخليط الاول نحط الدريم ويب وعلبة القشطة والنص الحليب النستلة واخليطهم جيدا وصبيه فوق الطبقة الاولى وفي الثلاجة الين يبرد ابشري عليه الفليك او زينيه زي ماتحبي
الموضوع سهل جدا بس ماتدري ليه احسه طول ههه يعني خمس دقايق بتكوني خلصتي منها انا عملتها من الليل قبل انام وحطيتها على الفطور باردة تجنن
هنا بعد التقطيع زينتها بشوكلاته هرشي السائلة
ذوقوها وراح تدعولي ان شاء الله وهنا وعافية عليكم
اي سؤال انا حاضرة