حلى رهيب وسريع

السلام عليكم يا فراشات
أنا جايبتلكم حلى رائع
ماأدري وش اسم الحلى بس انا سميته حلى البسكويتات
المقادير:
1) 4 أظرف بسكويت أوريو.
2) 4 أظرف كوكيز أمريكانا.
3) 1 بسكوت شاهي أولكر الحجم الكبير.
4) ظرفين كريم كراميل.
5) علبتين قشطه الحجم العادي مو الصغير.
6) 1 دريم ويب.
7) واحد فنجال (بياله) حليب سايل.
8) لوز مبشور محمص.
9) صوص هيرشيز.
الطريقة:
كسري بيدينك طبعاً بعد ماتلبسين القلفز عشان ماتتوصخ يدينك المهم كسري (الاوريو + الكوكيز +بسكوت الشاهي)
وحطيهم في باديه .
بعدين حطي بالخلاط ( الكريمه + القشطه + الدريم + الحليب) وصبيه على البسكويتات.
يطلع معك الناتج مثل العجينه المتماسكه بس انتبهو يابنات البسكويتات لا تفوتفتونهم بقوه لا كسروهم من غير مايتفتفتون, اذا خلطتو الخليط مع البكوت حطوه بصينيه تشيز كيك وخلوه بالثلاجه اقل شي لمدة 4 ساعات بعدين طلعوه و رشو عليه اللوز وصبو فوقه الصوص ....
وفيه طريقه ثانيه احلى بصراحه انا تعجبني واسويه اكثر هي انكي توزعين العجينه على 40 كوب من اكواب الحلى وتقدمينه مع ملاعق صغيره يطلع شكله احلى بكثير...
صح بقى شي نسيت اقوله لكم ...
صحتين وعافيه على قلوبكم وعلموني بالنتيجه اذا سويتوه
(*raindrop*)