حلى سريع

حبايبي اليوم بعرض لكم حلى قمه بالروعه لاطعم ولاشكل وبعد سهل يمكن معظمكم يعرفه لانه معروف بس تختلف الطرق واحسن مافيه يفك الازمه بضيوف الفجأه....
انا ماصورت بالخطوات اتكيسل بس بقولكم الطريقه وهو سهل.
الطريقه والمقادير...
تاخذي الحجم الصغير من البف باستري وتقطعيه على شكل زايد يعني يصير اربع مربعات صغيره وتحطيه بصينيه الفرن وتحطي علي كل مربع قطعه صغيره من جبن كيري يعني مربع الكيري قطعيه حوالي تسع مربعات تقريبا على حسب الحجم اللي تبي
ثم كسري شعيريه باكستانيه ورشيها عليها ثم اخبزيه من تحت ثم من فوق حتى تحسي انه بيحمر مو تحمريه بس شوي ثم اول مايطلع تبي تحطي شيره شوي اذا ماتبون شيره مو لازم ثم حطو نستله انا هنا حطيت شكولاته هرشي بس مو طعم بالهرشي حطو كفايه نستله اطعم
اتمنى يكون شرحي وافي ويعجبكم وهذي الصور
هذا نفس معرفي بالمنتدى اللي بالصوره بعد
يعني مو منقول هذا انا نفس المعرف
ودمتم بود