حلى قهوه بسيط تطبيقي بالصور

السلام عليكم ورحمة الله وبركاته..
كنت فاضيه اليوم.. ودورت ع طريقةلحلى سهلة ومش مكلفه..
ومالقيت الا هذا الحلى وقلت بجربه.. بس طلع لذيذ
اتمنى يعجبكم مجهوودي.
بدخل في صلب الموضوع ع طول..
الطبقه الاولى:
بسكويت صفيه في صينيه طبقه وحده بس..
الطبقة الثانيه..
1 كأس حليب بودره محموس + 1 فنجان سكر مطحون + 1 فنجان زيت + علبة قشطه..
نخلط المقادير الطبقة الثانيه مع بعض في زبديه.. مثل الصوره..
لين يصير عندنا خليط متجانس.. طبعا صار عندي لونه غامق لاني حرقت الحليب >> امحق طباخه
وبعدين اسكبيه فوق طبقة البسكوت..
نصف طبقة بسكوت
الطبقة الثالثه :
صفي طبقة بسكوت فوق الطبقه 2
الطبقة الرابعه :
1 كأس حليب سائل + 2 ظرف كريم كارميل..
اخلطيهم جيدا ثم ضعيها ع النار الى ان تصل الى درجة الغليان
ثم بسرعه ضعي عليها علبة قشطة وصبيها فوق البسكويت وادخليها الثلاجه ..
بعد ماسكبنا الكراميل
لما صبيتها ع طبقة البسكوت ارتفع فوق وصارت طبقة الكراميل تحت قلت يمكن كيذا الطريقه..
بس طلعت حلوه..
اضفت عليها عسل الكراميل.. وخربطت فيه هع هع
وحبيت انزل لمكم النتيجه بس للأسف قضوا عليها قبل ماصورها ..
وتوتة توتة خلصت الحتوتة..
وطبعاً كل بنوته مثلي لم تتزوج .. لزوم تترك وراها مخلفات وتجي مامتها وتهزأها ولاننسى كلمة >> شلون اذا تزوجتي <<
وسامحوني بس ماعرف اشرح.. انتظروني غدا بالبيتزا ..