حلى لذيذ

السلام عليكم و رحمة الله و بركاته...
حلى فضيع مع القهوه و حبيت اطرحه عليكم بس لا تحرموني من ردودكم ....
اول شي : تروحين البقاله
و تشترين علبتين بسكويت شاهي , و علبة حليب مركز نستله , و علبة بنوت بتتر (زبدة الفول السوداني)
2 أو 3 حبات جالكسي اللي بريالين , و2 حبة قشطه .
و إذا عندكم في البيت فول سوداني (مكسرات) تستخدمينه يكون احلى و اذا ماعندكم مو ضروري
اول خطوه:::
تكسرين علبه و نصف من البسكويت صغار مره و كأنه مطحون و تحطينه في زبديه كبيره ,
تصبين عليه ثلاث ارباع او كل علبة نستله , و تحطين عليه اربع او خمس ملاعق من البنوت بتتر ,
و تخلطينهم بيدك لانه بيصير شوي قاسي على الخلاط الكهربائي.
اذا انتهيتي من الخلط و صار متماسك ... تصبينه على صينيه بايركس الشفافه اكيد تعرفينها
و تصفينه و ترتبينه بيدك ..هذي اول خطوه
الخطوه الثانيه:::
تذوبين الجالكسي في حمام مائي يعني ( تاخذين قدر متوسط الحجم و تصبين فيه ماء مغلي حار , و
تضعين فوقه قدر صغير فيه الجالكسي و تحركينه لما يذوب ) اذا ذاب تخلطين معه حبه او حبتين
قشطه و تصبينها على الخليط الاول ...
تخلينه في الثلاجه لما يبرد وتقدرين تقدمينه على سفره اوعلى قهوه عربي
و اتمنى الحلى يعجبكم يا بنوتات لانه عجبني ....