حلى السنكرس

المقادير... كالتالي
الطبقة الأولى وكالعادة
علبة ونص بسكوت شاي ... نعجنه ربع علبة حليب رينبو و 5 ملاعق زبدة الفول السوداني الخشن... ونص اصبع زبدة
حبيباتي... أنا أحط رينبو أو قشطة علشان ما تكون طبقة البسكوت قاسية....
الطبقة الثانية
في الخلاط
6 حبات جبن كيري أو علبة جبن فيلاديفيا + ا حليب مكثف + ا قشطة
وبعدين تصبينه فوق البسكوت وبسرعة في الفرن
لين يجمد شوي...
طلعيه من الفرن ... وخليه لين يبرد
وبعدين سوي الطبقة الثالثة....
وإللي هي ...
في الخلاط...
2 قشطة + ثلث كوب حليب سائل + 5 ملاعق زبدة الفول السوداني + 2 كريم كرمل + 4 ملاعق كاكاو بودرة
وبعدين على النار...
يا حلوات ... أول ما تلاحظون إن الخلطة بدت تثقل وهي في بداية الغليان ارفعوها من على النار
وصبوها فوق الطبقة الثانية
وخلوها تبرد
أما الطبقة الرابعة وهي إختيارية ... بس الأهل يحبوها
وهي طبقة التوفي مع فول سوداني مكسر... أو جوز الهند
مقادير التوفي...
2 قشطة + 1 فنجان ماء + 4 فنجان سكر + نص اصبع زبدة
والفول السوداني أو جوز الهند
وتصبينه فوق الطبقة الثالثة
وتدخلينة الثلاجة... لمدة 5 ساعات على الأقل
الطعم جنان شوي علية
جربوها وما راح تندمون
اسمحولي لأني ما قدرت أنزل الصور
أحبكم في الله وأنتظر ردودكم المشجعة لي دائماً