حلى لمحبين الآيس كريم

السلام عليكم صبايا
عندي حلى بسيط وسهل
حبيت الكل يجربه لانه سهل ولذيذ طعمه مثل الآيس كريم
وسريع ومايحتاج فرن
وكمان حبيت تكون بدايه لي معكم
بسم الله
اولا الحلى هذا ماله مقادير محدده يعني كل وحده تقدر الكميه
لكن المقادير الي راح تحتاجينهم تقريبا
دريم وب ظرفين .....كريمة كرامل ظرفين
علبة قشطه كبيرة .....حليب عادي
كيك امريكانا شوكلت محشي بكريمة
وبسكوت شاي مطحون مره
والي ماعندها دريم وب تستخدم حليب نستله مركز
الطريقة بسيطة
اولا قطعي الكيك حلقات ورتبيهم في صينية الحلا يفضل الزجاجيه
بعدين حطي في الخلاط الدريم وب والكرامل والقشطه والحليب
واخلطيهم واذا تمازج الخليط ابداي بوضع البسكوت المطحون شوي شوي
لحد ماتحسين ان الخليط صار متماسك وثقيل شوي يعني اذا دخلتيه الثلاجة يتماسك
بعدين صبي الخلط على الكيك
اذا ماكفى المقدار ضاعفي المقادير
وفوق حطي عليه لوز مبشور
مكسرات ..........شوكلت مبشور
اي نوع تفضليه من المكسرات
ودخليه الثلاجه قبل يوم تقريبا من التقديم احسن عشان يتماسك
واذا مستعجله في الفريزر
والله طمعه شي آيس كريم
وبالهناء والعافيه
والي ماينجح معاها لاتدعي علي
واي استفسار انا حاظره