حلى هندية لذيذة مني لكم يافراشات

اليوم جايبتلكن وصفة جولاب جامون من الهند... الوصفه هذي سهله لذيذه كثير
سويتها ووزعتها في العمل... ما قدروا يتوقفوا عن اكلها...
المقادير:
1 كوب طحين جميع الاستعمالات
1 كوب حليب بودرة
1 كوب كريمه ثقيله (توجد في المحلات قريب من الحليب او الروب... اسمها بالانجليزي Heavy cream او double cream)
زيت للقلي
4 اكواب سكر
6 اكواب ماء
4\1 ملعقه زعفران
قليل من الليمون
الطريقه
1- يخلط الطحين مع الحليب البودرة ثم تضيفين الكريمه الثقيله ويعجن .
2- تترك العجينه لمدة 10 دقايق لكي ترتاح
3- تكور العجينه الى كرات صغيره العدد تقريبا 25 كبيرة الججم او 50 صغيرة الحجم
(ملاحظه: في الصورة يوجد كرات كبيرة الحجم وكرات صغيرة الحجم... الكبيرة طلعت احلى وانتو عاد بكيفكم)
4- لعمل الشيره: ضعي الماء والسكر والزعفران في قدر واشعلي النار... حركي
قليللا ثم اضيفي بعض قطرات الليمون كي لا تتحول الشيره الى سكر...
يجب ان لا تكون الشيره ثقيله ابدا ... بعد ان تستوي الشيره اخفضي درجة الحرارة (يعني حطيها اقل حاجه)
5- تحمين الزيت بالنار ويكون درجة الحرارة ما كثير عاليه ...
طباختي نظامها بالارقام وقوة الحرارة تكون من 1 الى 10.. انا خليتها على درجة حرارة اقل من متوسط يعني 2 ونص وانتوا عاد قيسوا على طباختكم
5- تضعين قطعة واحدة للتجربه... لما تحطينها في الزيت لازم تنغمص وتجلس مغموصه تقريبا دقيقه .. وبعدين ترتفع فوق ... مع مداومة التحريك...
6- بعد 7 دقايق تقريبا ولما تستوي حمراء اللون اخرجيها. وافتحي
القطعه وشوفيها .. اذا بالنص مو مستويه يعني لازم تخفضين درجة الحرارة اكثر ...
اما اذا كانت مستويه من النص يعني خلاص انطبخت كامل... فهمتوا؟ وبعدين تحطين 10 حبات مع بعض وتسويها
7- بعد ما تتحمر ضعيها في الكلينكس كي يتشرب الزيت
8- ثم تضعين الكرات في الشيرة
(ملاحظه الشيره بعدها في النار الخفيفه وهذا علشان تتشرب الكرات سكر كثير)
9- وبعد ما تحطي كل الكرات في الشيرة تغلقين النار وتضيها تتشرب لمدة 3 ساعات (وبعد قالو اذا حطيتيها ليله كامله يكون افضل واحلى)