حياتي دمار ساعدوني ايش الحل

1. الحكايه وما فيها نبدا بسم الله

حبايبي فراشات المنتدى
الشكوى لغير الله مذله ولا عمري كتبت موضوع بس لمى دخلت المنتدى وشفت القسم هذا انشرح صدري وقلت يا بنت خل افضفض واانشر غسيلي يمكن القى حل او مساعده

الحكايه وما فيها نبدا بسم الله

انا وحيدة اهلي وحساسه ولا عمري غلطت على احد واحب الناس وهاديه جدا ومرحه وطيبه مره ( يسد مدح عاد)
المهم تقدم لي شاب عمره 32 سنه وانا عمري 25 سنه شفته الشوفه الشرعيه اعجبني بس لفتني فيه كان شكله معصب مع انه يضحك!!خلقة ربي عاد حواجبه كذا ( قاطب الجبين يعني) قلت يا بنت اهم شي الاخلاق والدين هو ما يترك الصلاة ابد مشاء الله وافقت وكل شي تمام وملكنا
انا بصراحه حبيته بس يوم كلمته اول مره بعد الملكه ارتعت صوته زي كلام الشياب !! عاد انا رومنسيه وهو ما عنده اسلوب بصراحه اقول له احبك يقول جزاك الله خير!! اقول له اشتقت لك يقول شكرا!!! (الحب معميني ما قلت شي)واذا ناقشته قلت ليش ما تقول كلام حلو!! يقول ما اعرف والله !
مدري يستحي مدري ما يعرف؟؟عاد هو حركاته حركات شايب ابو 90 سنه !المهم...تزوجنا من يوم تزوجت وانا في عذاب هو صح طيب بس عصبي وكل شووي مزعلني عصبي وازعل من اسلوبه واصيح واموت من الصياح ما يسئل ولا شي في النهايه قلت الزم ما علي ضغطي وسكري موب نافعني ......هو عصبي بس يتحسف بسرعه ااقرى هذا من تعابير وجهه كنت اهدي له هدايا وهو ما يجيب لي شي؟!! انا اكلمه كلام حلو وهو لاءءء بعد سنه على هالحال صرت مثله معصبه ولا اقول كلام حلو ولا شي صار اسلوبي مثله والله اني ابكي الحين ...صار قلبي حجر مثله ... راح الدلع حقي والنعومه وصرنا نتبادل الاهانات وش اقول بس ياربي وش اسوي؟؟ احس كل شي انهار ما اقدر اصبر على كذا 24 ساعه عابس ومعصب حتى بالسياره يعصب على خلق الله عنده كل الناس ما تعرف تسووق..يعني لو تسمعون مكالمتي معه بالتلفون تقولون وش هذا؟ تعبت قولو لي الحل؟؟؟