حياتي 3 فهل من منصت

عزيزياتي
سبق وتكلمت عن حياتي في موضوع سابق
وكان هناك من يرى باناسكت
ولا اكمل
وهنا اقول لا
بل سأكمل
واقول مامريت به ليس حبا للنشر فقط
بل لافيد كل من حولي
فلولا تجاربنا لماتعلمنا
مشكلتي اني كنت اسكت وانخرص عن كل مايدور حولي حتى ماكان يسبب لي الضرر والاذى
وفي كل مره كنت اقول باقي ربي يحبني ويساعدني ويطلعني من المصايب
وهذه نعمه اشكر الله عز وجل عليها
ولكن !!!!
ندمانه اشد الندم اني كنت سلبيه
وتركت حياتي يتحكم بها غيري
انتهيت فيما سبق
من مرحلة المتوسطه
تلك الفترة التي كنت ابحث فيها عن الحب والاهتمام
فوجدته لاسف
ليس في عائلتي وبجوار اهلي
بل وجدته من الاخرين
اخيرا انتبه لي العالم
ورأوني
وانتبهو لوجودي
بذكائي وتفوقي
وجمالي ورقتي
بل وتربيتي الكبيره ولله الحمد اصبحت الفت الانتباه
واهلي
ولا احد داري عني
مشغولين
ابوي تزوج بامراه اخرى
ههه
امراه اصبحت تخونه من وراه
بعد ان سقته السحر
بشهادة كل اهالي المنطقه ( فمنطقتنا صغيره ويعرف فيها الناس بعضهم بعض )
اصبح بيت ابي الثاني بيت ذعاره ووكر للفساد
والكل يعلم ويشوف
الا ابي
بيني وبينكم
كنت احزن على ابي
لكن الان
بعد كبري ووعي
اتشمت فيه
يستاهل
وش عنده يتزوج وبيته مليان عيال
كنا فريق كامل من العيال ( قولو ماشاء الله )
وامي كانت ايه في الجمال
والروعه
والطيبه
وتحب اهله
واهله يحبونها
ويش يبغى اكثر من كذا
بدل مايهتم بتربيتنا
راح يبي يعرس
ويغير حياته
المهم
نرجع لحياتي انا
مالي دخل بغيري
فابوي اخذ جزاته
وراح احكيكم بعدين كيف كان الجزاء
دخلت الثانويه
بنفس التفوق
وبنفس الاخلاق وبنفس الهدوء والرقه والجمال
وبالتالي
كنت اجد نفس الاهتمام ممن هم حولي
بدا الخطاب
وكثرو
لكن لا
البنت محجوزه لولد عمها
اوكي
راضين
ولدعمي
احسن من الغريب
لكن المصيبه ان ولد عمي هذا بيننا وبين اهله مشاكل عائليه قديمه
بس مو مهم
جدي اعطى عمي كلمه
اني لولده
طيب امه ماتحبني
ولا اخواته
مش لعيب فيني
ولكن لغيرة زوجة عمي من امي
لانها
اكثر جمالا
ودلالا
واكثر حظوه عند جدي وجدتي ( من جهة ابوي )
حتى بعد زواج ابوي
ظل جدي يحب امي كنته الاولى
وكانت فرصه لبنات عمي التشمت فينا هم وامهم
كيف ؟
رحبّو بالزوجهالثانيه لابوي
وهللو فيها
زعلنا احنا
بس امي
يالبى قلبك يامي
مافيه زيها
كانت تقول مو مهم ياعيالي
بيجي يوم
وترجع الامور لموازينها
وفعلا
كانت صادقه
وحكيمه
الكل ندم
والكل انصفع من مرت ابوي
يستاهلون
طيب الي قهر بنات عمي وامهم اني باقي لابنهم
شاءو ام ابو
هذه كلمه عليا
مافي احد يقدر يغرها
ولاني اكثر جمالا
واكثر دلال
واكثر تفوقا
وهذا الشئ ورثته من امي الحبيبه
زاد قهر بيت عمي
والي قهرهم اكثر
ان كل شباب العائله كان متمني الزواج مني
والكل يتهافت لخطبتي
ولكن
كلمه وحده
انا لابن عمي فلان
وبس
بنات عمي افتهم قطار الزواج
ايش سووا علشان يخربون
راحو يسوون غسيل مخ لاخوهم
شافوني اجتماعيه
والكل يتسابق للتعرف علي
حسسوه اني مش طبيعيه
وبداو يكيدونالقصص عني وعن لبسي
واني مش اوي
افهموها انتو عاد
وش سوا ولد العم الحبيب
ارسل لي رساله
يعاتبني
ويلومني
رديتعليه وبكل وقاحه وجراه
دام اني مش في عصمتك مالك حق
يوم ادخل بيتك وقتها احكمني وقول الي تبيه
كانت اول مره
اول مره ادافع فيها عن نفسي واخر مره للاسف
مرت مرحلة الثانويه بسلام
كنت ابحث عن الحب
فلا اجده الا بين صديقاتي
اخواني الى حد ما بدأو ينشغولن بمستقبلهم
فمنهم من سافر لاكمال دراسته الجامعيه
ومنهم من قرر الزواج
وتزوج
وانا بداخلي نفس الصراع
ونفس الوحده
ولكن برضه
كنت شاطره
ذكيه
يشار الي بالبنان
جذابه
جدا
فكل من يشوفني لايقدر ينزل عيوني من علي
وهذا الشئ كان عاجبني
ويرجع ثقتي في نفسي
جا تحددي الزواج الميمون
وياشينه من من زواج ومن عرس
قالو ان اخوه الثاني يبي يعرس معاه
وبنفس الليلهتكون زفتنا انا وسلفتي
ماقلت لا
طيب
موافقه
اساسا مااقدر ارفض
وامي طيبه
مسالمه
ماتحبالمشاكل
ابوي انشغلببيتهالثاني وصار هاجرنا الافي المناسبات
وزوجته عامله عمايلها
وهو نايم في العسل نوم
فكيف اقدر اقول لا
وافقت
وكانت ليلتي مشتركه
دخلت على عريسي خ
اول شئ سواه
باسني
استسلمت
قلت خليه
ايش كان ردة فعله ؟؟؟؟
ماشاء الله شكلك متعوده ؟؟؟!!!!!!!!!!!!!!!!!!!!!
تخيلو
شكلك متعوده
مارديت عليه
خفت
ارتبكت
ياغبي
يادلخ
فيه احد يدخل على عروسه بهالطريقه
ماحكيت احد
ولا اشتكيت
فكنت ناويه في قرارة نفسي اني اكتم اسراري
واكون قد الزواج وقد المسؤليه
واساسا احكي لمين
وياغبي يادلخ
لو انت ملاحظ
بيننا حوالي كم سنه زواج
لو تلاحظ انا ماحب ابادلك البوس في الشفايف
لسببين
اني اتقرف منك او من غيرك في حالة لوكنت متعوده خ
والثاني لانك ماتستاهل البوس ذا لانه حب وشوق
وانت ماتستاهله
قسما بالله اكرهك يازوجي
ومن اول ليله دخلت فيها علي
اكرهك
واكره اهلي الي زوجوني عليك
لاتقولو وش سوا
ومافيها شئ
هذه البدايه
وبتلقون الكثير
منها
ان زوجي العزيز
كان يتجسس علي اذا جوني ضيوف يبغى يشوف الضيوف الي يجوني
بحجة يبغى يعرف اذا كانو حلوين مثلي ولا انا احلى وحده في العالم
بس طبعا لا
مو ذا قصده
هو على باله اني سحاقيه
ومن الي وصل له المعلومه هذه
اخواته
من قبل الزواج بي
ودريت بالشئ ذا
ودريت انه يتجسس على كل ضيوف يجوني
وماقدرت اشتكي لاحد
لا قدرت احكي
مو قلت لكم غبيه
وماباغاكم ياحلوين تكونو مثلي
يابنات
قوي شخصيتك
وتمسكي بمبادئك وكيانك
وحافظي على وجودك
لاتكونو مثلي
سلبيات
سكتت عن ابسط حقوقي
اللين جا اليوم الي انفجرت فيه بس ماعاد ينفع
زوجي الغبي ماهو متعود على صوتي يعلى
او اني اقول في وجهه لا
وانا السبب
وتبوني اسكت !!!!!
لا وربي
راح اكمل
لافيد غيري وبس
انتظروني
باقي مانتهيت
فكل اليقلته
نقطه في بحر