حياكم اللهلى قطايف برعم الخير

السلام عليكم ورحمة الله وبركاته:
اليوم حبيت انزلكم طريقة القطايف اللي سويتها ولاول مرة في حياتي لكن ابشركم انها ضبطت معايه والحمد لله
المهم اولا ابدا بمقادير العجينة :
3 اكواب ماء
1 و 1/2 كوب قيق ابيض
3/4 كوب سميد ناعم
3 ملاعق طعام سكر
2 ملعقة طعام بيكنج باودر
نضع المقادير كلها في خلاط الكاس ونخلطها مع بعضها
الطريقة :
طبعا لازم تكوني مجهزة الصاج ع النار ويفضل يكون تيفال عشان ماتلصق
نضع العجينة في ابريق شاي عشان يسهل علينا تقريص القطايف واللي حابة تغرف بالملعقة هذا شئ راجع لكم طبعا بعد ما نحمي الصاج نبدا نصب العجينة على هيئة اقراص وحدة وحدة
ونتركها ع النار الين ماتتحمر الاقراص من تحت وطبعا كلنا نعرف اننا لازم نحمرها من جهة وحدة بس عشان لمن نحشيها بالحشوة نقدر نلصق اطرافها ببعض
انتقل لمقادير الحشوة :
2 كوب ماء
1 كوب حليب ناشف بودرة
4 ملاعق طعام دقيق
2 علبة قشطة التاج أو 1 علبة كبيرة قيمر كي دي دي
الطريقة :
نوضع الماء والدقيق والحليب في قدر ع النار ونحركها ع النار الى ما تسمك وتغلي وبعد كذا نرفعها عن النار ونضيف لها القشطة ونحركها بدون ما نرجعها ع النار
وبكذا تكون الحشوة جاهزة للاستعمال
طبعا ملاحظة كمية الحشوة راح تكون كبيرة فممكن تحطيها في الثلاجة وتستخدميها مرة ثانية لما تعملي قطايف
او ممكن تستخدميها لحشو الكنافة انا استخدمتها للكنافة وطلعت كذا
طبعا ملاحظة ثانية اضافة السكر للحشوة حسب الرغبة لان احنا بعدين راح نسقيها شيرة
بعد كذا نحشي القطايف بالحشوة السابقة ونقفلها ونقليها في الزيت وبعدين نسقيها شيرة وبالهنا والعافية
اتمنى يارب تعجبكم زي ما عجبتني وتطمنوني ضبطت معاكم ولا لا
وهذي بعض الصور لقطايفي اللي عملتها:
اتمنى الصور تطلع واضحة ويعجبكم شغلي
في امان الله