خاطرك تكونين رشيقه انا نقصت 15 كيلو

انثى على مود عزام

30-06-2022 - 01:39 pm

مراحب ياحلوين
هذا جزي الثاني بعد مانقصت 15 كيلو في قرابة شهرين....وحابه افتح قروب جديد
وانقص كمان كم كيلوو ....لمتى يابنات واحنا سمينات العمر يجري وانتي مثل ماانتي ...
اكيد فيكم كثير بنات اعمارهم صغيره بس اجسامهم ظالمتهم ,... واذا مشيت مع وحده نحيفه قالوا انها اصغر منك
مع انه العكس انتي الصغيره....
نفسك تلبسي وتتزيني ...وتمشي على اصول الموضه ...كثير من الموضات ماتلبق علينا والسبب السمنه
بذمتك موحاقده عليها ....خلينا نبدا من بكره ...ولاتقولين من يوم السبت ...كل ماقدمتي يوم كان افضل
انا والله يشهد علىة كلامي ...كنت مهمله وكل يوم اقول باكر ...الين ماجاءيووم وحطيت حد فاصل لهالشئ <<< احلفي
والحمدلله بعد ماكان وزني 91 صار 75 ....مع العلم ان طولي 162
يالله نحط يد بيد ونشجع بعض ...ونصير سمبتيك <<<هذي كلمة جرحي بقلبي فديتها
الزبده القروب مفتوح للكل بدون تحديد اوزان معينه ....<<<<اخلصي علينا ياكثر هرجك
واتمنى للكل الرشاقه من غير شر ...

التعليقات (9)

أم غانم

30-06-2022 - 05:11 pm

اتشرف باني اول وحده ترد على موظوعج
ومعاج ان شاء الله من اليوم لاني بعدني ما فطرت
وسبحان الله من البارحه وانا ناويه اسوي ريجيم .

أم غانم

30-06-2022 - 06:12 pm

نسيت اقولج طولي : 159
وزني :90
قبل سنه نزلت ل 79 ولكن للأسف هملت نفسي ورجع الوزن بس بالبطيئ... عندي عزيمه ما شاء الله .... وان شاء الله ننحف على خير.

ماما هيله

30-06-2022 - 07:13 pm

طيب وش سويتي؟؟

انثى على مود عزام

30-06-2022 - 08:14 pm

هلا بام غانم هلا باهل الامارات ...شهر واسكن عندكم وناسه
اوكي حبيبتي من اليوم نبدا دام انك بعدك على الريق
وان شاء الله ننجح زي القرووب القديم يارب
بس لازم الاصرار والعزيمه ...وحطيفي بالك هاللحظه وتخيلي نفسك بعد شهر وخلي هالشئ يشجعك ...
ماما هيله فديتك قلبي انا رجيمي كان عباره عن
فطور بيضه وبرتقاله
الغداء فخذ دجاج مسلوق او مشوي
العشاء مو محدد ...بس الاغلبيه سلطه وزبادي منزوع الدسم وواحد توست قمح
والرياضه نص ساعه دراجه ثابته والمشي
والله يوفقك وحياك الله معنا

ماما هيله

30-06-2022 - 09:15 pm

ممنوع الرجيم عني مؤقت
انا حامل بس اخذ فكره عشان اكون بالصوره
الله يجزاك خير

انثى على مود عزام

30-06-2022 - 10:16 pm

الله يسهل لك اختي وتجيبن الذريه الصالحه
لك خص احترامي

عيــــــــــونهم

30-06-2022 - 11:17 pm

اوك كان الريجيم حليو بس انا معدتي تتحسس من البيض ابي شيء يعوضني انا ابي انقص 17 كيلو

ذكرى 2005

01-07-2022 - 12:18 am

السلام عليكم ممكن تقبلوني معكم انا كان وزني قبل ما اتزوج 65 والحين صار
90 بعد الولادة
وانا مسوية رجيم الحين كان 95 والحين 90 مع الرياضة على السير

الرابغية

01-07-2022 - 01:19 am

السلام عليكم
انا بصراحه نفسي انحف بس العزيمه مافيش بح
انا قبل شهر سويت رجيم كميائي بس مانقصت كثير
ونفسي ابدا بس كل يوم اقول بكره وكمان انا ارضع
والله نفسي انحف مره
ساعدوني

للحلوات فقط تعالي يابعدهم←
اسباب بروز البطن عند المراه وطريقه علاجها→