خطيبي كاسر خاطري بس مو ذنبي

مساء الخير بنات حابه استشيركم بموضوع مضايقني من فتره
أنا أنخطبت في فتره قصيره جاء خطيبي واهله شافوني
وتمت الموافقه وصار كل شي وبعدها سافر أمريكا يعني بعد الشوفه ماعاد شفته
وطبعا اوقتنا غير اوقاتهم هناك بأمريكا
المهم الموضوع انه يسألني أسئلة على الواتس ونتكلم عادي
بس في التلفون انا احاول اكسر اللي بيننا صح لازم المفروض استحي واخليه هو يبادر بالأسئله
بس أنا طبعي اني اجتماعيه ادخل بالناس ما احسسهم اني غريبه وهو مايتكلم
لنا شهر على هالحال قلت ماصارت ههه يمكن تخترعون مني تقولون مستعجله على السوالف
بس لا والله هو يسأل عني بالواتس والبي بي ويدور عني حتى لو غبت ولو ارسل ومارديت عليه يزعل شويتين
بس صرت اطفش منه ماعندنا شي نقوله بس السلام حتى لما يسألني وش سويتي اليوم
اقول كل اللي سويته بالدقيقه مو حباً في القرقره بس عشان يشاركني ويتكلم هو
ولما اسأله يقول من الجامعه للبيت طيب وبعدين يجلس ساكت ويسألني وايش فيه كمان
طفشت منه صرت أتجاهل دخوله واتعذر اني بطلع من البيت ومافي نت بجوالي
ولما يكون يبي يحاكيني دايم وقت نومي حاولت اخرب نومي مشانه بس نفس السالفه نتكلم ما ادري وش اقول
ههه حتى صرت اقول سوالف مدري هي صارت لي ولا بس مع الطفش
وأمس قالي انا للحين ماعرفت عنك شي يبي لنا نتكلم زين مع بعض ضحكت في نفسي
قلت اخيرا ولما كلمته بعدها يقولي اسألي اول مافراسي شي قلت ابشر وسألت والاجوبه احسها جاوب ورد غطاه
وقلت طيب اسألني مشان ابتكر اسأله يقول متنح الحين
طيب وين اللي بيعرفني ومن ساعه زعلان ماعرفتك زين
وربي شي يضيق الخلق صرت مابي اكلمه ولا ابي ارد عليه وبنفس الوقت اخاف اتزوج واروح معاه ويجلس بهالموال واندم بليز دورولي حل ولا كلام جديد اسأله هو ...؟