خلاص الحين ابي ارحل وانا فيني الم غدرك قصة حقيقية

1. راح ابداء بالقصه


2. رغم المشاكل الي حصلت كنا مبسوطين سوا وعشنا احلى حياه


3. نساعد بعض في كل شي بعدها انتقلت لمرحله ثانيا وهيا قفز الحواجز


4. بديت التدريب ومره في مره بديت اشيل الخوف شويا بس ماراح مني


5. اتكلمنا لمده سنه كنت ادخل النت علشان بس نتكلم مع بعض عرف اسمي ....


6. كان يحب يخليني اعصب اكثر من 5 او 6 شهور مااكلمو جوال


7. كيفك z


8. اتمنى تكون بخير ومبسوط


9. وماتبغوني احبه بعد ماتعبت بحياتي


10. مابعد النهاية الشي الوحيد الي استفدته منه المرض

السلام عليكم
البطاقة الشخصية
الاسم : مجنونة z
العمر: 16 و6 شهور
من : المملكة العربية السعودية
هوايتي ركوب الخيل (قفز حواجز)
حبيت اكتبلكم قصة حياتي
حياتي كانت حللووه و مره لاني فقدت اشخاص عزيزيين عليا كثير
واشخاص عوضوني عن الي فقدتهم واشخاص عايروني واشخاص حسدوني و اشخاص جرحوا قلبي واشخاص خانوني.... الخ
عشت الحياه بحلوها ومرها بطولها وبعرضها اتمتعت فيها حزنت فيها
اتعذبت فيها فرحت فيها
بتكلم عن نفسي شوي ابيكم تعرفوا كل شي عني علشان ماتفكروا مين مجنونة z وكيف شكلها واي شخصيتها..الخ
انا بنت عاديه مااملك جمال خارق ملامحي عاديه زي اي انسانه عادي
عنيده مره ,ومااحب ابين حزني للناس احب كل البشر حتى الي جرحوني مااقدر اكرههم ام ماادري ايش اكتب كمان الي عندوا اي سؤال او استفسار من عيوني اجاوبه (:

راح ابداء بالقصه

الوالد والوالده : امي ماخلفت لمدة 5 سنوات كل ماتحمل تسلب 3 مرات اسلبت بعد زواجها ب 5 سنوات حملت فيا وخلفتني كنت اول مولوده لهم ابويا فرح كثير
فترة الاربعين كان الوالد الله يطول بعمره كل يوم يجي ً . بعد ماصار عمري 3 شهور صارت مشاكل بين الوالد والوالده وافترقوا بسبب اهل الوالد الله يسامحهم كانو يدورا اي عذر علشان يخلقوا المشاكل حتى من قبل ما اجي على الدنيا وهما يبغوا يفرقوا بينهم
مع انهم هم الي اختاروها له بس الشيطان شاطر
المهم كانو بمشاكل بين المحاكم على الحضانه وبعدها الوالد قدر بطريقته ياخذني عنده وقت المهم عشت عند جدتي من عمري 3 شهور مع الوالد طبعا
كبرت وصرت افهم كل شي كنت مره متعلقه باابوي كان حنوون مره طلباتي اوامر
ماكان يقصر عليا بشي حتى المربيه كانت موجوده عندي كل سنه اسافر مع اهله الي هما عماتي وجدتي بس الوالد ماكان يسافر
بعد مادخلت المدرسه دخلت الروضه(( اكيد راح تسالون امك وينها عنك كنت يوميا اروح عندها من العصر وارجع الساعه 9 الليل تقريباً )) كنت احب شي اسمه خيل كنت اروح البحر واركب السيسي ههه كل جمعه(:
دخلت الصف الاول الابتدائي وكنت من الطالبات المتفوقات(( الوالده هيا الي كانت تدرسني لاني ارجع من المدرسه وبعدها اانام واروح عندها العصر))
الاهل كانوا مصرين يزوجوا الوالد بس طعا هوا كان مصر على رايه ورافض رفض تام مايبي مره ابو تعذب بنته هاذا الكلمه دايما على لسانه
دخلت صف ثاني ابتدائي
بديت عرفت معنى الطلاق يعني عرفت ليش هما مفترقين ومين كان السبب وانهم مستحيل يردون لبعض السنه عدت زي اي سنه كلها دراسه
صف ثالث ابتدائي
حمد لله انو كان تقويم مستمر ههه المهم نجحت باحسن الدرجات وسافرت انا والوالد لدوله اوروبيا كان الوالد يملك بيوت باهاذي الدوله وراح علشان عمله وماتركني عند اهله شالني معاه بعد مارجعنا من السفر
في هاذي اللحظه الوالد حس اني محتاجه لام ترعاني وتخاف علي
حاول يرجع الوالده من غير مااهله يددروون والوالده وافقت هيا واهلها طبعا
وبداء يخلص الاوراق وانا لمن معت بالخبر فرحت كثير بس والوالد نبهني اني مااخبر اهله
الاوراق طولت تقريبا اخذت وقت سنه
دخلت الصف الرابع الابتدائي وحمد لله انتهت الاوراق المقدمه للمحكمه ورجعت الوالده بس كان في شوية مشاكل من الاهل عشنا ببيت لوحدنا انا والوالد والوالده

رغم المشاكل الي حصلت كنا مبسوطين سوا وعشنا احلى حياه

في يوم من الايام كان الجو حلو مرره ومغيم كنت رايحه المدرسه(( المدرسه كانت خاصه)) ماكنت اروح مع سواق مع انو كان عندنا سواق ((بس الوالد مايطمن الا لو وداني بنفسه او ممكن اروح مع بنت عمتي لانها بنفس المدرسه معايا))
حطني الوالد بالمدرسه وراح للمشاتل الي بالخط السريع بمنطقة جده
وبالصدفه كان في نادي فروسة انتهى دوامي من المدرسه ورجعت البيت سلمت على الوالده ونحنا نتغدى الوالد قلي انه مسويلي مفاجأه بعد العصر ان شاء الله
بس قلي اذا مانمتي وريجتي جسمك من التعب راح الغيها اكلت على السريع ورحت ونمت (( لاني صليت بالمدرسه (: ))
صحيت على اذان العصر طبعا الوالده الله يخليها هيا الي صحتني واتوضيت وكنت مرره متحمسه كان الجو شويا بارد بست بس بلوزه خناقي وعليها قلب ههه ماانسى هاللبس ابدا لانو كان من احلى ايام حياتي وبنطلون جينز مكنت البس عبايه لاني كنت صغنونه وقصيره
نزلت السياره وانا مبسووطه وكل شويا اقوله اي المفاجأه جنن ابويا المهم بعد نص ساعه بالطريق دخلت ارض فاضيه فيها ميادين دائريه ومستطيله واحصنه وبايكات(( غرف الخيول)) وعالم مختلف وانا كنت مستغربه وبنفس الوقت فرحت نزل الوالد من السياره ونزلت وراه كان يكلم صاحب النادي ويتفق معاه على الاشتراك وكل شي وكان في 5 اولاد جالسين عن بابا صغير كانو كباار ويمدولي لساانهم ويستهبلو عليا ههه على بالهم اني صغيرهم مايدروا انو عقلي كبيير من الي شفته بالدنيا
عملتلهم حركه بيدي يعني حمد لله على نعمة العقل يامجانين كلهم تنحوا فيها
المهم رديت البيت ودرست ونمت اليوم الثاني رحت المدرسه ونفس الحاله رجعت اكلت ونمت وصحيت على العصر استعديت للنادي رحت اشتريت ملابس لركوب الخيل من نفس النادي اشتريت الخوذه والبنطلون والجزمه ((الله يكرمكم)) والقفازات
(( جاونتيات علشان اليد ماتنجرح من اللجام ’’ الحزام الي يخلي الفارس يسيطر على الخيل فيه ’’)) وبديت اول حصه كنت خايفه ومبسوطه بعدها ب9 شهور بديت اتقع اركوب الخيل ولله الحمد اتقنت المرحله الاولى الي هيا مرحلة المبتدئيين طبعا في خلال ال9 شهور اتعرفت على اولاد كثير بالنادي راح تستغربوا كيف اني اتعرف على اولاد اولا كنت صغيره وكلهم كباار كنا زي الاخوان وكان كل شي دام الوالد

نساعد بعض في كل شي بعدها انتقلت لمرحله ثانيا وهيا قفز الحواجز

بديت التدريب ومره في مره بديت اشيل الخوف شويا بس ماراح مني

بديت بالمرحله الثالثه بدايتها قفز 50 - 60 - 80 كنت اطيح اتعور ابكي الكل كان يساعدني ويخاف عليا لو طحت لو صار فيا اي شي وحتى لو طحت اقوم وارجع اركب بديت اقفز ارتفاع متر (( كنت بالاول متوسط)) كنت بالمرحله الرابعه قفز متر وكان ابكي احيانا كنت اتعاقب من الكابتن(( المدرب)) رغم قساوته معايا الا انه طلعني فارسه شاركت في بطولات داخليه بس مو للاتحاد السعودي لانه كان ممنوع اشتراك البنات طلعت المركز الثاني في اول بطوله وثاني بطوله ماطلعت من اي مركز وثالث بطوله طلعت المركز الثاني كنا فرقين انا وواح اسمه احمد( طبعا هاذا مو اسمه الحقيقي مااقدر اذكر اسمه لانو معروف ( كنت اقفز من ارتفا80 لارتفاع متر وهوا كان يقفز الي من متر واكثر وطلعنا يعني مثلا 12 حاجز انا 6 وهوا 6 لازم يكون باقل وقت ممكن
احمد كان يساعدني كثير كان يساعندي بالبطولات بالذات وقت تسخين الخيل(( يعني يجهزه لدخول الميدان ))
كنت ارتاح لاحمد مره واحس انه اخويا الكبيير وكنت احترمه مع انه يصرخ عليا لاني خوافه كان يدربني لمن يكون الكبتن غايب وهوا كمان ساعدني اني اتغلب على خوفي
اتعلمت اقفز متر و5 في الصف الثاني متوسط ومن بعدها الكبتن اتغير وجا كبتن غيروا ماكان سعودي كان يماني ماكنت ارتاحله ابدا بس مابيدي شي (( كنت ادرب على خيول النادي طبعا ماكنت املك خيل )) كنت انا الي امشي كلمتي عيله كنت اقوله لا وطيلي الحاجز لا هاذا عالي انا ماراح اقفزه واحيانا يوطيه وايحانا لا على حسب
اما الكبتن الي قبله كل شي عنده لالالالا هوا الي يمشي كلامه علينا بس من جد طلعنا فراسان وصلت الصف الثالث متوسط والوالد سافر امريكا ومافي احد يوديني النادي طبعا السواق مستحيل اروح معاه لانو مشوار بعدين عن قرية مراسال قريب من عسفان على مااعتقد المهم كلمت ولد عمتي ورحت معاه (( اكيد راح تسالون كيف في نادي مختلط للحين مع اني كبرت ومااتحجبت للحين بس خلاص هوا هاذا الي صارلاني مااتحجب الا وانا طالعه اولى ثانوي تقريباًً)) بعدها صرت اروح مع ولد عمتي خلص الصيف في ثالث متوسط والوالد رجع مع جدي من امريكا انتهوا من العلاج والوالد انشغل كثير ومسك شغل جدي ومن بعدها انقطعت عن النادي
كنت ادور اي شي عن الفروسية بالنت دخلت منتدى خاص بالفروسة(( اتعلمت النت وانا 2 متوسط بس كنت منشغله بالنادي فما اهتميت فيه)) وكان فيه فرسان كثير
اول مادخلت كتبت البطاقه الشخصيه للعضوو
ايش اسمي : كتبت نك نيمي الي بالمنتدى
العمر:14 ونص
اي نادي ادرب: ...... طبعا كتبت اي نادي
ومين الي دربني كتبت انو دربني الكابتن ...و الكابتن ... ومدرب درة العروس والكابتن ...
ومدرب العيسائي ومدرب اسطبل الاصيل ... واسماء الفرسان الي بالنادي كانو يدربوني لمن يكون المدرب غايب.... و... و...
بعدها في عضو بالنتدى ارسلي رساله فيها ايميلو وقلي ضيفيني المهم ضفتو عندي
هوا عرف اني من جده ووحده من الفرسان الي بنادي ال....... وبعدها سالني عن اسمي طبعا ماقلتلو اول ماعرفت انو اسمو ..... رحت قلت للوالد انا لقيت الفارس ... وكلمتو قلي اوكي عادي مااهتم بس قلي لاتقوليلو مين انتي قلت اوكي
(( الي كنت اكلمو كنت مااطيقو ابدا لانو الوالد كان يقولي شوفي هاذا الوالد احسن منك ومايخاف زيك ويقفز اعلى منك من بعدها كرهتو مره)) وبالصدفه طلع نفس الوالد الي اكلموو وصرنا كل يوم ندخل ونكلم بعض اتعرفت على وحده من منتدى عام مو خاص للفروسيه وصارت تدخل معانا بالمحادثات هيا كبيره وارمله وعندها بنت

اتكلمنا لمده سنه كنت ادخل النت علشان بس نتكلم مع بعض عرف اسمي ....

ولقبي من كتر مايسالني قلتلو المهم بعدها جاتني البنت تقولي انو الولد يقول انو حبك بس موراضيي يقولك كنت طالعه اولى ثانوي وانا حسيت نفس الشعور المهم قلتلها اوكي وكنا نتكلم عادي وكل شي بحدوود الادب بعدها بفتره قلي ابغى اقولك شي بس اخاف تزعلي هوا كان قدي اولى ثانوي انا بالسن اصغر قلتلو اوكي قول قلي انا احبك
انتي تحبيني موفاكره اي صار بالضبط المهم انو عرف اني احبوو وبعدها ب 4 شهرو قلي ممكن رقمك بس مسجات كل شهر مسج انا ماوافقت وقفل الموضوع وبعدها ماحاول يفتحو بعدها بفتره مو فاكره ايش الي حصل اخذ رقمي وصرنا بس مسجات وكلها كلام عادي كيفك وبخير ..الخ
حبيتو من كل قلبي وكنت اثق فيه ثقه عمياء
بعدها صار يدق بس ولا احد فينا يتكلم اول مره اكلم احد غريب غير اهلي
بدينا نتكلم بس خلاص مختصر مرره بعدها مبعدها بفتره كان يعرف كل شي عني كل شي عن قصة حياتي ويعرف شكلي ....الخ

كان يحب يخليني اعصب اكثر من 5 او 6 شهور مااكلمو جوال

ومن شهرين او اكثر مااكلمو ماسنجر حتى لودخل مايكلمني لو انا حاولت اكلمو ميرد المهم ماصرت اكلمو لاني مااحب ارمي نفسي على احد كنت احس اني اتعب كل يوم كنت احس بحزن وقهر ايش الي خلاني احب ليش حبيت ((على فكره الوالده عرفت بس قالتلي الكل يغلط بس لاتعيديها وغيرتلي رقمي بس الشيطان شاطر دقيت عليه عادي وكل شي )) هالكلام اكتر من سنه . كنت افكر هل راح تكتمل قصة حبنا قبل كم يوم كل صديقتي وقلها قولي لمجنونة z طبعا قال اسمي ماقال هالاسم اني انا مااحبها وكنت العب عليها واني احب غيرها وقوليلي هيا غلطانه كيف تحب واحد داشر وصايع زيي
انا حسيت نفسي بحلم مو بحقيقه قلتلها قوليلو الي يحب مايشوف عيوب حبيبه وراح اوريكم الرساله الي ارسلتها لو على الماسنجر وامس كانت اخر ايامي معاه

كيفك z

اتمنى تكون بخير ومبسوط

بس تدري ماكنت اتوقع انو راح يصير كدا حسيت نفسي احلم والله كنت اتمنى تقولي هالكلام بنفسك على الاقل بس كيف قلبك طاوعك تلعب عليا ثلاثه سنين يا z والله حرام عليك الله يسامحك على الاقل كان قلتلي مااحبك يا مجنونة z اناماكرهك والله بالعكس لمن عرفت انك تحب وحده غيري فرحتلك تدري ليش لانو الي يحب مايكره لحبيبه الخير بالعكس يتمناله كل خير واهم شي تعيش مبسوط وفرحان والله يكفيني انك تكون
مبسوط بحياتك بس خلي بالك على الي تحبها لانها راح تحبك زي ماتحبها انت وحاول ماتزعلها وتنرفزها ههه
انتبه لنفسك ودراستك بس في شي بقولك هوا لو تبغى تتوفق بحياتك لاتترك صلاتك مهما صار مو ترقه او اي شي
حتى ابوك كمان لاتزعلو ترا مهما كان ملكه حطها بعيونك بصراحه حبيتها كثير ههه
الله يوفقك بحياتك وان شاء الله تصير احسن فارس بالعالم يارب وتطلع من المراكز الاولى
ابغاك تعرف شي واحد انا ماعمري حبيت غيرك او كلمت غيرك ومستحيل بيوم انسى واحد اسمو (..) حتى لو كنت كدبت عليا احب وحده غيرك
بوسلي (هوهو هادي بنت اخوه مرره حبيتها) >>> كتير وقلها اني احبها ههه
تبغوا تعرفوا ايش رد عليا بعد هاذي الرساله هاذا ردوو
(:
وهاذي وحده من الرسايل الي ارسلها ليا
بتاريخ
Tuesday, January 09, 2007 3 38 PM
] دخلت بس مالقيتك
بس بغيت اقولك
احب ب بك

وماتبغوني احبه بعد ماتعبت بحياتي

مابعد النهاية الشي الوحيد الي استفدته منه المرض

ايش فايدة اني احب وامرض واعيش على ادوية 7 ادويه يوميا بسببه ههه هاذا الشي الوحيده الي استفدته منه حتى الاطباء ماقدروا يحددوا الالم الي يجيني بجنبي يوميا انا حسيت انو يجيني بس لمن افكر في احس بتعب وازعل كثير عليه لاني احبه وماابغى اتركه, بس رغم كل الي صار مازال حبه بقلبي وللحين احبه والله
مااقدر انسى حب 3 سنين واول حب ليا
بس اتعلمت منه شي حلوو اني مااثق باحد مهما كان
ضحك عليا بكلمة احبك 3 سنين وامس قلي انا مااحبك احب غيرك
((انهنت في حبك وانا حر ماانهان والحر مايرجع لشخص يهينه))
خلاص الحين ابي ارحل وانا فيني الم غدرك
منقول من صاحبة القصه
الكاتبة تمنع منعا باتاً نشر القصه في منتدى اخر
تحياتي لكم