خلطة فوق الرز

حرام 7 مشاهدات ولارد واحد بجد زعلتوني

ليش ما احد يرد

حبيبتي .. حطي زيت .. وبصل لين يصير لونه ذهبي وحطي عليه زبيب ومكسرات .. ورمان مجفف .. ولوز .. وشوي بهار .. وبس بالعافية

نفس كلام اختي غايه
وازيد عليه احمسي بصل وجيبي شعيريه الطويله وكسريها بالنص وحطيها عالبصل وحركيه وحطي مويه يغطيها ومعجون طماطم لما تستوي وحطيها فوق الرز يم يم يمي
ان شاءالله اكون افدتك
لاتنسيني من دعواتك

يؤ يؤ يؤ اهم شي لاتنسين الماجي

حطي زيت وكشني فيه بصل شراايح لين يصير ذهبي
بعدين حطي زبيب وكركم >>هو اللي يعطي اللون الاصفر
وحطي شوي هيل وطفي النار وأبشري عليه جزر
والمكرونه تكون مسلوقه قبل وأخلطيها معه وبالعاافيه ..
تقدرين تضيفين أضافات من عندك مثل حمص حب
أو فلفل رومي شرايح أو مكعبات بطاطس وكوسا ..
أو مكرونه على شكل فيونكه أو حلقات ..الخ
يعني أبدعي من عندك ..
دعواتك ياعسل ..

سويت لك بحث وهذا اللي طلع ..
(( كشنة بالفليفله ))
المقادير ..
بصله
طماطه
فليفله او نص
حبة ماجي
ثوم مطحون
بهار
الطريقه ...
نحمر البصل ثم نضيف له الثوم ثم الفليفله ونتركه لين تذوب
نحط عليه الطماط ونتركه يلين .. نحط عليه الرز .. وندخله الفرن
مدة ربع ساعه ...
وبالعافيه............
الطبق الثاني (( البصل والطماطم ))
المقادير ..
بصله
طماطه
ثوم مطحون
فلفل حار
بهار .. ملح
الطريقه ...
نحمر البصل مع الثوم .. نضيف له الطماطه والفلفل الحار ونتركها حتى تذبل
ونرشه بالبهار والملح .. نضع عليه الرز وندخله الفرن
وبالعافية.............
الطبق الثالث (( البصل بالكركم ))
المقادير ...
بصله
رشة كركم
الطريقه ..
نحمر البصل مجرد يصفر نحط عليه الكركم ..
نحط عليه الرز
وبالعافية...............
الطبق الرابع (( كشنة البصل والصلصه ))
المقادير والطريقه ..
نحمر البصل ثم نضيف لها ملعقة صلصه فنجانين وشوية بهار
نحط عليه الرز وندخله الفرن
وبالعافية..........
منقول ...