خلونا نستانس شوي

والله ياامونه صادقه وش كثر هالمواقف المحرجه
لي رجعه لموضوعك الرائع بس استرجع الذكريات شوي
يعطيك العافيه

يوه
شقول شخلي
طبعا انا كل ازواج خواتي
وازواج بنات خالاتي شافوني
لا وشافوني بكشتي .:*_*:.
ياقاعده من النوم ولا مابعد امشط شعري المنكوش خههه
يسلموو

ام
حلوه الفكره
بخبركم سالفة زوجي المسكين
هاذا الله يسلمكم ويطول بعمركم زوجي الحبيب اسمراني وشعره مره ناعم طبعا هو مايسوي فيه حركات ويطوله مخليه عادي وكمان وسيم اعتقد تخيلتوه عشان تتخيلو الموقف
هو حضرته مايحب الاسواق وخصوصا المجمعات وانا تنزل دموعي بس عشان يوديني لان عشقي السوق زيي زي كل الحريم
اول ماتزوجنا رحنا للرياض يقضي له كم شغله ومنها نتمشى طبعا تسحبت فيف لين خليته يوديني المجمعات الي هناك عشان نتمشى واذا شفنا شي حلو نشتريه
وانا من البيت قلت له البس ثوب انا ماحب اشوفك الا بثووب قال ما ارتاح الا ببدله وخليته براحته لبس بدله سودا وبنطلون عادي وكانت البدله فيها علامه بلصدر وبلظهر كأنه عامل هع
يوم رحنا المجمع دخلنا محل احذيه ولا حرمتين داخلين ورانا شوي لتفتو لزوجي الا تقول وحده منهم لو سمحت مومكن تعطيني من هاذي الجزمه مقاس 38 وانا مو منتبهه لهم وزوجي يحاول يطنش قد ماييقدر الا تقول خويتها وش فيك ماتشوفي هاذي زوجته قالت الاولى يؤ فكرته عامل في المحل بس تصدقي كأنه هندي
الا يلتفت عليي زوجي يقول يلا مافي جزمه وطلعنا من المحل وانا مفهيه لحد مافهمني الساالفه
وقعدت اقوله ماعليه هم شافو البدله عليك وفكروك عامل بلمحل وانت حلو شكلك اصلا وينك و وين الهنوود سلمان خان بكبره مايوصلك قال بعد يعني سلمان خان عاجبك هع >> مسوي معرس جديد ويغار
بعدين اقنعته نروح نيو لووك وتعرفو الي يشتغلون بلمحل يلبسون بلوزه سوده نفسها نفس بدلة زوجي
ورحت عن جهة الجزم بختار لي جزمه >>> مصره على الجزم
وانا جالسه اتفحصهم وهو ورااي ومتكتف
الا تجي وحده تقول له لو سمحت في مثل هاذي الجزمه الوان
وانا وجهي قلب الوان واشكال ابقى اشوف ردة فعله وطالع فيني قال عجبك كذاا خلاص ارتحتي معاناته انا هندي
>> تحسو في انه مع سالفة الجزم ههه
طبعا ماخليت على طوول رجعت لبيت اهله وقلت لامه وابوه الساالفه
ههه
ومن يومها مايرضى يوديني مجمعات الرياض
وتوته توته انتهت الحدوته

ههه والله ضحكتوني
انا امس رحت السوق واحنا بالطريق تخيلو معايا يا بنات الرياض طريق الملك فهد كيف مع الزحمه
انا عندي ولدي 3 سنوات ما يحب يجلس دايما يوقف بيني وبين ابوه بالسياره
المهم ماشين بامان الله ولا ابوه يفرمل قام ولدي جا على قدام بالقوه وسحب شماغ ابوه بيدو
ههه
وربي انا مت ضحك ماقدرت ارفع ولدي على منظر ابوه بس وجهه متغطي بالشماغ وماشي عادي مو انو قف السياره ولا رفع الشماغ بعدين انا شلتو خفت يسوي حادث
والولد يبكي ويوه حوسه صار يقول سالتكم بالله انتو عائلة انتو لا تقولو طلعه بعد كدا ههه

انا صارلي موقف غسلت ثوب زوجي ومانتبهت انو مفتاح السياره بالثوب
طبعا المفتاح تغرق مويه بالغساله المهم انتبهت بعدين وخليتو ينشف
ولاقلت لزوجي شي بصراحه خفت يهزئني
المهم كنا بنطلع وزوجي يفتح الباب فتح جا يشغل السياره ماتشتغل جا بيسكر السياره متتسكر
قال خلينا نرجع البيت يقول كانو المفتاح فيه مويه جيبي الاستشوار خلينا ننشفو
وانا اطالع فيه
بعدين قلت بقولك شي ترى المفتاح كان بالغساله .... الخ
قال ليش ماقلتي لانو السياره الحين مفتوحه وممكن تنسرق طبعا صار كل شوي يروح يطل على السياره لين باليل اهلو جابولو مفتاح السياره
وادري طولت عليكم:401 وغثيتكم ههه

موفقة ياعسل

اووحده من زود الرجه تروح تدخل عند رجاال بالغلط وهي بدون عباه وتتصرمع ..

انا تدروون وش المواقف الي تقهرني بالسوق ماادري ليه انا بالذات!!
دايم الرجال يكلموني يحسبووني من اهلهم والله اني انقهر واستحي وافشل في نفس الوقت..
ذاك المره رحت للسوق وكان فيه واحد مع زووجته وكانت نفس طوولي وبعد شووي ما دريت الازوجها يلاحقني من سيب لسيب وانا كنت حااسه انه غلطان بس ماادري وش اقووله ياربيه واخر شي التفت لمه ابيه يشووف عيووني ويوم شااف عيووني وقف انصدم
ومره وحد معصب علي يقوولي يالله اخلصي وانا انااظر فيه ومستحيه هو يوم شاافني ما رديت هرب
ومره زوج اخت زوجي يكلمني يحسبني زووجته وهو ولد عم زووجي بعد ويكلمني وانا اناظر تحت ابحاول اهرب ما قدرت وهم كانو معاريس
والله بعض المرات ودي ابكي من هذي الموواقف
لانه تحصل معي كثيير والي يكلمني من بعيد يقوولي تعالي والي يااشر علي ليه انا طيب معقووله انا اشبه كل الحريم
وزووجي يقولي انا دايم اغلط فيك احسبك هذي مع ان شكلي واضح قصيره ونحيفه خ