خليك قوية وأملكي قلبه

1. ومو اي نصيحه تاخذون فيهاا ..


2. ديروا بالكم يابنات ..


3. لذة الحب بالشي القليل


4. لاتتهورين معااه وتقولين كل مشااعرك .. وتكونين ملهوفه عليه ..

: خليك قوية وأملكي قلبه
سبحآن من وهب للبعض حكمة
وسخر له القبول والانصياع
كثير ما نقرأ من النصائح والارشادات
وحين نقلب الصفحة تذهب مع أدراج الرياح
ليس لها آذان صاغية ولا صدى وما ذاك الا من القبول
وحسن نية الناصحة فعلينا جميعا حين أن نسرد للبعض
نصائح أن تسبقه النية الصالحة لنظفر بالقبول ونجد لذاك
أرض خصبة وثمرة يانعة فهنا نقلت ما حاز ع اعجابي من
صدق الناصحة وحكمتها النادرة فالكثير من المخطوبات
يفشلن في بداية حياتهن من اندفاعهن لتطبيق الكماشة
ع ذاك الأسد لتحوز ع كل رومانسيته وقد رسمت لحياتها
مبدأ مغالط للحياة الزوجية
//
//
>> قويه يعني اثقلي عليه ترى الثقل يبيله قوه ..
واذا ثقلتي ابشري بعزك
انا بقولكم يابنات ..
ديرواا بالكم ..
مو أي حركه تقرونها بالمنتديات تنفذونها ..

• ترى الرجال كائن ذكي ويحس عليك اذا متصنعه ويحس بتمثيلك او الغرض اللي قلتي الشي عشاانه ..

ومو اي نصيحه تاخذون فيهاا ..

• كل وحده وتجربتها وشخصيتها وشخصية زوجها حتى لو كنتوا متطابقين بالأنماط اللي ينفع لزوجها ماينفعلك .. راعي اختلاف البيئات والظروف وحتى حد الميانه راعيه يعني تقرين كلام قاالته عضوه لزوجها وجااب نتيجه حلوه تروحين تقولين لزوجك يتفاجئ بجرأتك .. فجأأه قطيتي الميانه يعني العضوه اللي كتبت هالكلام .. علاقتها بزوجها افرب من علاقتك بزوجك .. يعني مطيحين الميانه لاتباغتين زوجك بها الكلام ..

ولا مثلاُ تبين تتميلحين عنده .. وتطلعين سالفه من تحت الأرض .. ويحس الرجال انها مقصوده او كذبه عشان يمدحك أو يخق عليك ..

ديروا بالكم يابنات ..

• ممكن تستفيدون من الكلام المكتوب هنا والحركات على قولتكم بشكل يناسبكم يعني على مقاييسكم الشخصيه وكل وحده وذكائها اكيد =)
• وحابه انبه على شغله ثانيه .. وحده من صديقاتي كانت تدخل مواضيع يوصون فيها لبنات بحركاات دلع بزياده .. كانت تسويها وتجيب فايده معه .. بس ندمت

تقول خليته ثاير شاب عشريني بينه وبين الزواج أسابيع وشهور يسمع زوجته تغريه وتتدلع عليه ولاهو قادر يوصلها !!
شلون يتصرف وين يفرغ اللي فيه !
بالعاده السريه لاسمح الله وتعالي انتي اتعبي بعد الزواج عشان تخلصينه منها
وبيني وبينكم الرجال غلط الكلام الجريء معه وقت الملكه ~> وجهة نظر ..
الملكه بالذات المفروض الانثى تكون فيها خجوله ..

• شغله ثانيه بنات ياكثر اللي يتضايقون ماعاد يكلمني مثل اول ماعاد يهتم فيني ويرسل مسجات ويعبرلي عن مشاعره ..

شي طبيعي الشهور الأولى من الملكه يصير طاير فيك بما أنك شي جديد بحياته ومايشبع منك ..
وبعد فتره بيتعود عليك وبيقل وصاله لاكن هذا مايعني أنه مل منك وماعاد يحبك مثل اول~> اغلب البنات يوسوسون كذا ..
اذا تغير عليك .. أتركيه لاتقعدين تعاتبين وينك تغيرت علي ماعدت مثل اول وتضيقين صدره وصدرك.. وتظغطين عليه كم مره قريتي ان الرجال مايحب النكد وينفر منه .. خلك واثقه بنفسك ولاتعاتبينه ..
اكيد بتفقدينه وتفقدين احلى شعور كان معيشك فيه .. لاكن فكري ان هالشي لصالحك البعد يخلق شوق ..

• بنات الملكه .. أحرصوا ماتكون فتره عاطفيه 100%

~> هذا اللي مودينا بداهيه ]
حطو هالجمله ببالكم يابنات وبترتاحون بجد هالبيت اللي قاله خالد الفيصل مره مريحني وعلى طول احطه ببالي:

لذة الحب بالشي القليل

لاتتهورين معااه وتقولين كل مشااعرك .. وتكونين ملهوفه عليه ..

اتوقع هالشي مفروض منه مو منك .. لاتخلينه يشبع منك ~> كيف اوضح هالنقطه .. يعني مثلاً هو يقولي احب ضحكتك لاسمعتها مقدر اسستحمل وكذا .. لو وحده ثانيه انبسطت وقعدت طول المكالمه ضحك ].. زي وحده ببالي الله يستر عليها. انا صررت حريصه مااضحك إلا لشديد القوي اخليه متعطش لها .. حتى الكلام الحلو مااحرمه منه بس اعطيه على جرعاات .. ماأكثر عشان مايفقد حلاته .. لأنه اذا كثر ماعاد بيصير له اثر كبير بنفسه لدرجة اني اذا قلت شي حلو قال عورني بطني ~> ياعيني ينرحم
يعني هالفتره نبي نخليها عاطفية 80%

• احرصي بها الفتره تتفحصينه تعرفين وش يحب وش يكره مو عشان الحياه المستقبليه مهما سألتيه من هنا لين بكره ماراح ينفع إلا العشره عشان تعرفينه ..

ع الأقل عشان شهر العسل يبيله ناس ماخذين على بعض =) <<نعم غاليتي عليك أن تكوني فاهمة للحياة وقد استقيتي
معلوماتك من مصادرها النبعية الصافية الحلوة
لا تضيعي نفسك بكثر التقليد والجرأة فيملك
أو ربما يعتاد رومانسية مبالغة فلا تستطيعين الاستمرار عليها
من متاعب الحياة وخير الأمور أوسطها
مع دعواتي لك بحياة حافلة بالنجاح
تحيطها مودة ورحمة