دخيلكم شوروا علي

1. السلام عليكم ورحمة الله وبركاته

السلام عليكم ورحمة الله وبركاته

يا خواتي انا متزوجة صارلي 27 سنه وعندي 8 بنات اكبرهم عمرها 25 واصغرهم شهرين وعمري 43 وزوجي 45 سنه .. زوجي كان يصلي بالناس في المسيد ويحل اموور المجتمع و يصرف عالمحتاجين.. تزوجت وعمري 16 سنه وكان زوجي توه طالب وما عنده حتى بيت او مهر لي .. كله اهله صرفوا عليه وعطته البلاد بعثة دراسية لخارج السلطنه وسافرت معه بالغربة وما كنت حتى اقووله ابي ارد ازور هلي علشان ما اخسره قيمة التذكرة صبرت في الغربة وكنت الزوجة المطيعه اللي ما تعرف كلمة لا .. وقفت معه وعطيته ورثي من ابوي الله يرحمه لين شرا لنا بيت وفتح مكتب حسابات لانه خريج تجارة ومن بركة بناته صار عنده فلوس والحمد لله وقف على ريله بس كان مقصر من ناحية تربية البنات رامي كل شي علي انا اوديهم المستشفى لو امرضوا انا اشتري اغراض البيت حتى سوق السمك يطرشني انا اجيب للبيت سمك وما يرضى احد من بناته يلمسه حتى لو يسلم عليه يووسوس وما يطلعهم ولا يجتمع وياهم حتى عالغدا او العشى .. وكنت صابره لاني ابي احافظ على بيتي وعلى زوجي وعيلتي وبناتي .. قبل 5 سنوات بالتحديد لاحظته يعصب وياخذ تلفونه حتى داخل الحمام وبكل مكان وياه حتى لما يرقد يحطه تحت المخده ولما اسأله وين رايح او انت وين يعصب ويسبني بكلمات بذيئة (( بنت الحرام ليش تشكين ؟؟)) انا ما اشك فيه بس اتطمن مافي وحده ما تتطمن على زوجها تسأله وينك الحين متى بترد البيت ؟ .. فااللي صار بيوم من الايام من 5 سنين كنت نازلة اخبر الخدامه تسخن الحليب علشان زوجي بيصحى لازم يحصل الحليب زاهب ما حصلتها بالمطبخ فسرت غرفتها انصدمت ان زوجي معاها عالسرير انا دارت فيني الدنيا واغمى علي بناتي كلهم في المدارس الا الكبار كانوا متأخرين لان هم بالجامعه سمعوا ابووهم يصرخ عالخدامه يقوولها جيبي سكين اذبحها لا تفضحني خل تموت يووه البنات الكبار وانصدمووا وابووهم طلع الخدامه من البيت وشردها وسفروها بناتي بعد ما طقووها في الشرطه ومنعوها ترد الخليج حطوها في البلاك ليست وعقب عرفت من زوجي ان كانت علاقتهم زواج مسيار لمدة 6 سنين !! وانا غافله عنهم ساامحته ونسيت زلاته لانه بالنهاية بيننا عشرة عمر وهو وعدني ما يعيدها .. مرت الشهور الا واييني المزارع يقولي ماما بابا وداني غير بيت مال هوا انا استغربت اي بيت ؟ وشو بيته ؟ ومن حقه فقلتله اوك دلني عالبيت ورحنا وحصلت سيارة زوجي قدام البيت ما سويت شي رجعت البيت وصرت احط له جهاز تسجيل بالغرفة وقت ما اكون مب بالبيت وانصدمت انه يكلم وحده ويبت الرقم من شركة الاتصالات اللي عندنا بعمان و عرفت انه لوحده مطلقة وصرت اشووف شيكات حق شركات سيارات وعقود اجار وكذي بإسم زوجي لها فقلت اكلم البنت بالاحسان والطيب وكلمتها هي انصدمت انه متزوج وعنده عيال كاذب عليها ويقولها عزابي لان هي مطلقة وعمرها 25 في عمر بنته الكبيرة وهوا كان خاطبها واجر لأهلها بيت لانهم كانوا ساكنين بمنطقة شعبية واجر لهم بمنطقة غالية عالبحر ودفع مقدم حق 4 سنين و وشرالها سياره المهم هي من اعرفت افصخت الخطوبة وييه البيت اخذ سكين يبي يذبحني انا وبنتي الكبيرة وضرب البنات وكسر عليهم زجاجات عطر واانجرحوا وتأثر مستواهم الدراسي وكان يقولنا اتصلوا بالبنت الحين وقولوا لها انكم مب بناتي كلككم عماتي وانتي امي وخبرت اخوي الله يرحمه قالي روحي المحكمة هاذا ما كفااه الشغاله الحين يبي يتزوج مرة ثانيه ويضربكم بعد ومقصر عليكم انا رفضت وقلت حرام زوجي احطه بالمحاكم وكذي .. ومشت الامور وييه يعتذر ويوعدني ما بيعيد هالحركات وكذي مشت الامور وعدت سنه ولاحظت انه بدأ يتغير من اول ولما حطيت السايق يراقبه طلع متزوج مسيارة باكستانيه بناتي اتعبووا وصاروا هم يهااوشونه الكبار وخاف لما عرف وتركها وعطيت البيت اللي مسكنها فيه لبنتي الكبيرة متزوجة صارلها سنتين .. ووعدني مره ثانيه وسامحته .. وبعدها بفترة اخوي توفى ما عندي غيره كان الوحيد وعندي اخت وحده وزعلت وايد وحزنت وزوجي ما قدر زعلي على اخووي صار ما يصرف عالبيت ويقولي ما عندي فلووس وكنت حامل وقريب اولد الاحظه يرد الساعه 3 بليل ويروح يغتسل على طول ويرد معصب وماله خلق واحيانا يجيلي وفيه علامات على رقبته و ييهه
المهم انا تعوذت من ابليس وسكت وعدت الايام وصار شهر 6-2009 ودخلت المستشفى علشان اولد تصدقوون يا بنات تنومت 4 ايام ولا يه زارني حتى بيوم عمليتي ما ييه يوقع عالعملية موقعة بروحي عالعملية وبناتي احضروا وقت العملية واختي بعد ما اطلعت شغالتي كانت طالعه وشافها راعي محل قريب بيتنا يقولها انتوا انتقلتوا من بيتكم ؟ قالت له لا بعدنا بنفس البيت قالها انا اشوف بابا كل يوم يروح بيت قريب من هنا و يودي اغراض وايد فيات الشغاله وخبرتني قلتلها دلي البنات وخليهم يشوفون البيت لاني بفترة نفاس وما يصير اطلع فالبنات اعرفوا البيت وهو بيت وحده مذيعة وسمعتها وسخه وايد متزوجة مرتين وكل ازواجها يطلقوونها لانها تاخذ فلووسهم وتستغلهم وترميهم وتسوي علاقات غير شرعية وتحمل من كل احد تتزوجه بس علشان تسحب فلوسه وتدخن ومب متحجبه تطلع شعرها ورقبتها ولها فيديو منشور بين الناس عارية .. بناتي استبعدوها وقالوا يمكن الهندي ملخبط ومشبهه على زوجي وخااصة هالمذيعة تعرف بناتي الكبار وبناتها ويا بناتي بالمدرسة وربيعات ولكن حطيت جهاز تسجيل بالسيارة وكان مركبها وياه بالسيارة ولما سمعت الصوت انصدمت انه صوت المذيعة .. ولما صارحته ضربني وقالي لا تشكين انا ما اسوي شي وبيوم من الايام بشهر 7 صحيت ما حصلته واتصل فيه تلفونه مسكر وماخذ ملابسه وياب لي خبر واحد من اهلي ان زوجي مسافر البحرين ويا المذيعة اسبوع ورد بعد اسبوع وضربنا وما يرضى اخبر اخوانه واهله ابووه الله يرحمه قبل ما كان يرضى اي احد من عياله يسوي هالسوالف بس الله يرحمه توفى قبل 4 سنوات وصار كل يومين يساافر وياها صلالة و الحين شاارلها بورش وبيت جااهز وحق عيالي ما يعطيهم ويقوولهم خلي امكم تصرف عليكم وانا ما اشتغل وكل وقته وياها ويرد 3 الفجر حتى برمضان و صار ما يصلي بالمسيد .. قبل شهر بنتي الثانيه تزوجت تخيلوا يا ناس شرد يوم ملجة بنته ووكل عمها بداله وما حضر ساافر معاها فشلنا جدام الناس وما يكلم بنته للحين لانها وقفت معاي وبصفي
متحيرة شسوي بالووضع اتطلق ؟ اظل ؟ او شوو اسوي ؟؟؟
شوروا علي ارجووكم