2007

كندرسبرايز

26-08-2022 - 03:28 pm

الحقوني يذوات الخبره
مشكلتي وبأختصار..
انا صار لي كاتبه الكتاب اكثر من شهر... وزوجي او خطيبي سموه اللي تسمونه..ماشافني خير شر..
وبكره بيجي عندنا وطالب انه يشوفني واجلس معه...
بس ماني عارفه وش البس..؟
وكيف اتصرف..؟
وش اقول؟ وش مااقول..؟
ابي مشورتكم وخصوصا انه ماعندي خوات .. ولا اصرح احد بشئ يخصني بقووه حتى امي...؟

التعليقات (9)

قطوة سودا

26-08-2022 - 06:12 pm

اول شي الف الف مبروك
ثاني شي انا مستغربة شهر كاتبين الكتاب ماشفتو بعض؟؟ يعني ماكان في شوفة شرعية؟؟
المهم حبيبتي لبسي لبس حلو يعني بلوزة و تنورة يعني شي بنوتي ناعم مو تتكلفين في اللبس خلج بسيطة >> و انتبهي للجوتي او الجزمة على قولتكم ترا الشباب يلاحظون ريل البنت و شلابسة فيها و شنو لونها يعتبرونها دليل على الاناقة و النظافة و الذوق>> غريب بس انا خطيبي قال لي عجبني فيج ان ريلج بيظة و نظيفة و نعلج على طول نظيفين و حلوين
و شعرج استشوريه و حطي اكسسوار ناعم و انتي براحتج بتفلينه بترفعينه اللي يريحج>> بس اتوقع راح يطلب منج تفلينه فخلج مستعدة
و بالنسبة للمكياج ابد لاتكثرين مجرد بودرة و بلاشر و كحل و مسكرا و قلوس>> لو حطيتي شدو يكون ناعم
يعني باختصار خلج ناعمة و طبيعية لاتتكلفين لان مرده بيجوفج على طبيعتج لاتخلينه ينصدم بعدين
و بالنسبة للتصرف حاولي تكونين طبيعية سلمي عليه بيدج قعدي يمه ابتسمي شخبارك و شمسوي شخبار الشغل الدراسة الاهل
لاتكثرين سوالف ولا اسئلة خلي الكلام متوازن بينج و بينه و عموما اشلباب يسئلون اكثر من البنات جاوبي اسئلته بدبلوماسية و انتي هم سئليه
خلج مبتسمة على طول بس باعتدال و بيني له انج مرتاحة>> تكلمو عن طموحاتكم بس لاتبينين له انه مو مثل ماتوقعتيه ترا بيحز في نفسه
ولا تخافين ترا السوالف تجر بعظها و مع الوقت راح يصير الوظع طبيعي
و لاتنسين ان السوالف على التلفون حلوة و تقرب بين الخطيبين خصوصا قبل النوم لازم تتصلين فيه او ترسلين له مسج>> تصبح على خير خليها عادة عندج تبحين عليه و تمسين عليه بس لازم تتاكدين انه صاحي ماتخربين رقاده
اتمنى افدتج شوية و السموحة اذا طولت بس اخذني الحماس

كندرسبرايز

26-08-2022 - 07:13 pm

الله يووفقك ويسعدك..وبالجنه يرزقك
ماقصرتي يالغلا
اما على قولتك مستغربه انه ماشافني.هو ماطلب هالشئ توه يطلب الحين وانا خايفه اني ماجي على مزاجه
اما عالسوالف شكله بيسولف مع روحه ..
يالله الله يوفق الجميع
وان شاء الله بكرا اذا طلع من عندنا اخبرك وش صار

كندرسبرايز

26-08-2022 - 08:14 pm

الموضوع للرفع لحد ماأيطح الهم اللي فوق راسي

*فطومي*

26-08-2022 - 09:15 pm

حبيبتي ألف مبروك
الله يبارك لكما و يبارك عليكما و يجمع بينكما بخير
من وجهة نظري << طبعاً بدون تجربة شخصية خ
بس أسمع دايم بالمواقف هذي وش لازم تصرف البنت
أول شي لازم تحطين في بالج إنا أدق الأشياء الصغير يلاحظونها يعني لازم تكونين مستعدة لكل شي
لازم تكونين مسويه منكير و بدكير و توابعه ........إلخ
يعني ماتخلينه يحط عينه على شي غلط فيج أو تقولين ماراح يلاحظ
أم
وخلج على طبيعتج لاتكلفين
و لازم يكون عندج ثقه بنفسج لاتخافين إنج ماتعجبينه أهم شي تكونين راضيه عن نفسج
واكيد لازم تبينين له انج خجولة وإنتي ماشاء الله عليج أحسج جذي ^/^
الله يوفقج و يسعدج يارب
دعواتج لي بالزوج الصالح يارب
و طمنينا عنج باجر
راح أدعيلج في آخر ساعة من نهار الجمعه بأن الله ييسر أمورج و يسعدج و يوفقج مع زوجج
طمنينا

kikii

26-08-2022 - 10:16 pm

لبسي شي ناعم بس مو مثير وحطي مكياج ناعم مرة وخلي شعرج نازل على عينك لأن الرجال يموت في البنت الي يغطي وجها شعرها بس خليه ينزل بعومة والله يوفقك بصراحة افتقد ذيك الايام وانا لسه ما كملت سنة

دونــــــا

26-08-2022 - 11:17 pm

يوه فاتني توني شفت الموضوع .. وقد الفاس طاح بالراس .. يعني ايت نصايح اقولها الحين خلاص مالها داعي ... بس قوليلنا ايش صار معاك

ملسونا

27-08-2022 - 12:18 am

الف مبروك
شوفي لبسج لازم يكون ناعم مره
لبسي بدي وتنوره
يفضل لو يكون شيفون او حرير
مع صندل راقي ولو فيه كريستالات واشيا تلمع بيكون ممتاز
شعرج استشويه وحطي فيه شباصات ناعمه
تبخري وتعطري بأحلى العطورات اللي تعمي العين من ريحتها الحلوه
لاتكثرين مكياج
بس كحل وغلوس
خلج هاديه
قعدي برقه وهدوء
مب تدخلين عليه بصينية عصير
ترى مع الارتباك كل شي بينعد وهو بيصير اكبر عصير
الله يوفقج ويهنيج

نعــــومـــه

27-08-2022 - 01:19 am

الف الف مبروك حبيبتي...
والله يتمم لك على خير..
..ويجملك في عين زوجك ويشوفك احلى ماخلق ربي...
وبالنسبه للبس مثل ماقالو لك البنات لبسي لبس نعوم ويكون كشخه في نفس الوقت
بس اهم شي مايبين مفاتنك عشا تعطيع انطباع انك خجوله....
واختاري الوان فرايحيه<<<<متعقده من ذي السالفه ههه
واهتمي كثير بالعطر اللي تحطينه<<<انا بالنسبه لي اتبخر بالعود واتعطر
اما السوالف خليه هو اللي يحكي وشوي شوي السوالف بتجر بعضها ...
وخليك مبتسمه ...
والله يسعدك ويوفقك يارب....
وطمنينا عليك ياقمر....

نعــــومـــه

27-08-2022 - 02:20 am

الف الف مبروك حبيبتي...
والله يتمم لك على خير..
..ويجملك في عين زوجك ويشوفك احلى ماخلق ربي...
وبالنسبه للبس مثل ماقالو لك البنات البسي لبس نعوم ويكون كشخه في نفس الوقت
بس اهم شي مايبين مفاتنك عشان تعطيه انطباع انك خجوله....
واختاري الوان فرايحيه<<<<متعقده من ذي السالفه ههه
واهتمي كثير بالعطر اللي تحطينه<<<انا بالنسبه لي اتبخر بالعود واتعطر فوقه
اما السوالف خليه هو اللي يحكي وشوي شوي السوالف بتجر بعضها ...
وخليك مبتسمه ...
والله يسعدك ويوفقك يارب....
وطمنينا عليك ياقمر....

كيف تتصرفين اذا صارت لك مشكله موضوع لنقاش والاستفاده←
بليز ساعدوني اخجل من الاجواء الرومنسيه→