دولابي الحوسه كيف صار

السلام عليكم ورحمه الله
اخباركم يااحلى بنوتات ومتزوجات
ان شاء الله الكل بالف خير وكل اخباركم تسر يارب
اليوم باوديكم رحله الى عالم اخر
دولاب الدلوعه امون دلوعه بابتها
طبعا الدولاب مااقدر اوصفه ماشاء الله يخزي العين حوسه بمعنى الكلمه
يعني معارك صليبيه صارت بهالدولاب
ملابس النوم على الاسكارفات على ملابس الطلعات والجنزات
والى اخره
حسيت حتى انه زوجي طفش ماشاء الله اول مايفتح الدولاب كل الملابس ترحب فيه
وتبوس رجله>>>هذا وصف انها تطيح عند رجله >>>امحق وصف
وابو الشباب يشوتها برجله ويدخلها الدولاب>>حشى مو ملابس ملعب كره قدم
الموهيم
انا فكرت وفكرت وفكرت وفكرت
وبعد طول تفكيرر وصلت لفكره
الا وهي>>>>تذكرني بمدرسه التاريخ
اني ارتب هالدولاب قبل لاتعشش الغزلان فيه>>>اقصد الفئران
فكرتي كانت
اول شئ قفلت الجوال
وقلت لابو الشباب انه عندي معارك داميه بغرفه النوم
وقفلت غرفه النوم بالمفتاح>>لاتسألوا ليه
بس باقولكم لانه الغالي مستحيل يخليني اعرفه ملقوف
خ> بس ياحبني للقافته
عن الغزل الحين
بعد ماسكرت الباب
شمرت عن ساعدي وفتحت الدولاب واو ياماما
اول شئ فكرت فيه اني اصور هالتحفه
وكمان زوم عشان الكل يشوف
ياشماته ابله ظاظا فيا
الموهيم طلعت كل الملابس عالارض
ورتبت كل شئ مع اللي يناسبه
يعني رتبت
ملابس البيت لحالها
ملابس النوم لحالها
ملابس الطلعه لحالها
الجنزات لحالها
التنانير القصيره لحالها
البرمودات لحالها
لحالها لحالها لحالها>>>> علقت البنت
ونظفت الدولاب من جوا بملمع زجاج وقطعه قماش من القطن
ورتبت الملابس كل نوع بمكان
علقت البلايز
ورتبت بجنبهم صناديق الشوزات
وعلقت الاسكارفات
ورتبت ملابس الغالي برف لحاله
ونثرت بين الملابس قطعه من ريحه الملابس طبعا انا مره احب المسك
تخلي الملابس واو
وبعد كذا على طول
عشان الحلوات
وزوم عشان تشوفوا الحلوه كيف رتبت دولابها
اتمنى الكل يستفيد
اتركوا العجازة ورتبوا دواليبكم اول باول>>>ايه هين شوف مين يتكلم
بس الحين خلاص صرت شطوره وبطلت ارمي وسط الدولاب
بهدوء وترتيب اطلع اللي ابي وارد اللي ماابيه
وترى حركه تعليق البلايز مره مريحه من اكثر من ناحيه
اول شئ بسرعه تطلعين البلوزه اللي تبيها
ثاني شئ تقدري تطقمي على كيفك وبترتيب وهي بالعلاقه
بدون حوسه ومعارك وبطولات
لاتنسوا ردودكم ودعواتكم ترى مره تعبت في ترتيب الدولاب وتنزيل الصور عشان الحلوات يستفيدوا
يعني دعوه حلوه يمكن تصادف ساعه استجابه
ولكم ارق التحايا
مراسلتكم دلوعه بابتي
من بيتي
في المملكه العربيه السعوديه