ذكرى زواجى

حبيبتي ام مياس الشريف اذا قصدج عبارات راح اعطيج مجموعه من العبارات المعبره
وما عليج الا تنقلينها على بطاقع على ذوقج وتهدينها والله يخليكم لبعض
وثانكس
امسح بمنديل الصبر دمعة اليأس
واسخر من احداث الزمن بابتسامه
أبي كلمة من لسانك عجزت أفهم رموز العين
أبي كلمة من لسانك عن احساسك تحاكيني
لو غبت لو صديت لو بقتني بوق
نفسي على شوفك تراها شفوقه
ما كل من يطلب لقا من يلبيه
وما كل من يضحك يعيش بسعاده
لاتسأليني عن عذاب مضى أمس
أنا نصيتك هارب من همومي
مشكور ياقلبن صفالي من الناس
عسى الحزن يمك يضيع دروبه
اصبر عسى في تالي الصبر خيره
الله يبدل عسر الايام بالهون
عطيتني وجهن وانا جيت كلي
محروم والمحروم ما ينعطا وجه
القلب من كثر الهواجيس غادي
وافكار بالى تاصل ابلاد وابلاد
شفتك وكن الحظ وقف على الباب
واثري ذكرتك وحسب ان انت موجود
لو تغيب الناس يكفيني حضورك
لو تغيب الشمس يكفيني سناك
ما دمت لي صاحب ترى الراس مرفوع
ماهمني طيب العرب من رداها
غصب على ابكى لا حل طاريك
تنزل دموع العين ما شاورتنى
جيت المكان اللي نما حبنا فيه
كل يقول : ارجع مطول وقوفك
فجأه تذكرتك وهزيت راسي
وقلت اشهدن العمر دونك خساره
في كل لحظه لك على البال طاري
وفي كل سجده لك من القلب دعوه
ان كان صدر اللي احبه وسعني
ما همني ضيق الزمن واتساعه
تبى تحس بقيمة اللى تحبة
خلة يغيب أيام وتحس بالمووت
كذاب لو قلت انا ما ابيك كذاب
كلى على بعضى اتوة بغيابك
ما نشدت الشمس عن حزن الغياب
علمتنا الشمس نرضى بالرحيل
خذني بقلبك خلني فيه موجود
يكفي دفا قلبك عن الناس يغنيني
والله لو تدري عن الشوق يمناك
ما صافحت غيري من الناس مخلوق
توني حسبت حساب بعدك وفرقاك
توني دريت اني بدونك ولا شي
ان كنت انا غلطان اسف عشيري
وان كنت غلطانن بحقي مسامحك
حاسب حساب الموت نزاع الارواح
بس الجفا ما كنت حاسب حسابه
اكبر قهر لاصرت تطلب من الغير
شي تبيه ولنت قادر تجيبه
سلام يسوقه من عنا البعد كاتبها
يخفي جروحه ويرسل الروح مشتاقه
صوتك يسليني عن الهم والضيق
ارجوك تفهمها ترى القلب ضايق
شفت النجوم الي تعلت على الكون
غلاك عندي زاد حتى وصلها
معذور قلبي لو تمناك معذور
ما للغلا بيني وبينك نهايه
ما انساك لو ينسى الكحل سود الاهداب
وشلون تنسى العين صافي نظرها
لو كنت انا تحت اللحد مستظلي
روحي ترا وياك لا اصبحت وامسيت
ما ينفقد في هالزمن غير الاحباب
وإلا الردى ملعون دايم نشوفه
يالي خطفت القلب بالهون رده
ما كنت احسب انه بهالزود يغليك
قالو تعزه قلت ؟ مانتم بصاحين
اعز يالعذال حتى حروفه
لاتحسب الدنيا دولارات واسهم
ولاتغسل ثيابك بطر وانت ضامي
ليت المطر ينساب في قلوب الاحباب
يغسل مفاهيم الزعل والقطاعه
يا انت احبك أو احبك انا انت
اختار يا انت يا انت احبك
جعل ابتسامات الفرح دوم بشفاك
يا صاحبي فرحان من فرحتي فيك
عهد مني وناقض العهد خوان
منساك لين الروح تنسى جسدها
طبع الليالي بالسعاده قصيره
الله يذكر من فقدناه بالخير
اقسم بربي ما بقى غيرك انسان
افرح بشوفه لا ملا الضيق صدري
مو كل من جاني عطيته على الكيف
إلا انت لو تطلب عيوني .. عطيتك
قلتله كيف حالك قال خير شتبي ؟؟
اشهد انه تغير حسبي الله عليه
ياكثر ممدحك واسولف واهذري بك
ويا كثر ماموت بك واموت واحيابك
منهو عقب غيبة عيونك بينفعني
اقسم بحبك غلاك أغلى من اخواني
يا محتوي روحي بقربك وطاريك
دامك معي ماهمني ساير الناس
يكفي خيالك دايم الدوم وياي
ويكفيك انك جايب العيد فيني
وشعاد لو روحي شفوقه للقياك
ماهو بأنا الي يرتجيك السموحه
اوادعه وامشي واقول انتهينا
ومن باكر ارجع واتأسف واراضيه
يا قلب لا تحزن مدامك تألمت
حتى لو الجرح من ايد غالي
قلبي تعب من رحلت اليأس والخوف
كلي اسى واحلام عمري سجينه
ما كل من يبعد به الوقت ناسيك
بعض البشر قدام عينك وينساك
ماهو جفاء لا شفتني عنك صديت
عمر الجفاء ما راود النفس يمك
هب النسيم ونسمت الشوق مرسال
تحمل سلامي من ندى الورد مليون
تغربلنا بهدنيا غرابيل الزمن لوعات
وطمن من نشد عنا ترا حنا تغربلنا
هلابك كثر ما ضاقت علي الدنيا بغيابك
هلابك كثر شوقي لسواليفك وضحكاتك
اذا شفتي على خدي دموعن توها تظهر
ترى الدمعه هي سلاحي اذا خانتني ايديني
عسى من بهر دلال الفراق وصب لي فنجال
يحاصره العطش والقيظ لارحمه ولاساقي
يهز الشوق وجداني اذا جتني مراسيلك
احب الحب من حبك واحب اسمع سواليفك
احس الكون مابه ناس احس الموت يطويني
بدونك حالتي صعبه وصعب لغيرك اشكيها
تطمن يانظر عيني أنا لك والعمر يفداك
ولك ماضي حياتي والبقيه في مقابيله
تموت بخاطري بعض السوالف والظروف سيوف
وانا في داخلي لك شي ما يطري على بالك
تمنيتك على بعدك تجي وتشوف وش فيني
ابي من وقتك الغالي دقايق تسمع اخباري
رسمتك صوره في بالي ولكنها خيال افكار
ابيك تحقق الصوره وتغير كل رسماتي
يظن اني ابي اقعد على رفه واصير كتاب
يمر الوقت وانا ادعي متى يارب يقراني

حبيبتي ام مياس :::::
انا من رايي الشخصي انك تكتبله من دماغك والكلام اللي جوه القلب ممكن يكون مش منظم بس صدقيني احلي بكتير من الكلام اللي بيبان انه منقول ................
وكل سنه وانتي طيبة

ايش هالزين يا بنت قطر

مشكورين اخواتى على الرد

هلا & وغلا
غاليتي
مشكوره __ بصراحه روعه
ويعطيج الف عافيه
دمت بود ي

تسلمين يا ام سعود11
ما عليج زود اختي
ولو احنا بنات قطر
ثانكس يا قلبي

خلاص مافى ردود ثانية على موضوعى

اشتريله مثلا مسباح و بوك أو مادري..
بعدين روحي مطعم معاه، بس كوني متفقة مع الجرسون انه يجيب وحدة من الهدايا و يعطيه اياها وقت الحلى..
و تقدرين تسوين بطاقة غريبة، تكتبين في ورقة (متينة شوي) و تلفينها و تحطينها وسط زجاجة حلوة (message in a bottle) و مثلا تخلين الجرسون يجيبها وقت العصائر....
و لما ترجعون البيت تكونين متفقة مع احد من البيت انهيرتب غرفتك... شموع في كل مكان و الكيكة عليها (كل عام وانت الحب)في نص الغرفة.. و الهدية الثانية بعد..
و تجهزين له بيجامة جديدة، و طبعا انتي بعد شي جديد....
شرايك؟؟؟؟؟؟؟؟؟؟؟؟؟؟؟؟؟