ذكريتنا سنه أولى طبخ

شكرون

تقبلي مروري

يلا خلوني ابدا معاكم ونتشارك سواء
متى تعلمت الطبخ؟؟؟ قبل الزواج او بعده؟؟
قبل الزواج طبعا
هل تفهم الزوج مرحلة التجارب ههه؟ وهل بالذاكرة مواقف مضحكة او محرجة؟؟
تفهم تقريبا80%من التجارب ...والباقي خلوني ساكته
المواقف المحرجه ...مره كنت ابي اسوي ذكيه قمت حطيت حبه سوداء على الكبسه وتعالوا شوفوا التعليقات من اهلي واخواتي ...
كم استغرقت حتى تعلمت الطبخ الجيد؟؟
تقريبا 3 سنوات ...<<<ولا الشهاده الجامعيه
هل تعدين نفسك اليوم طباخة ماهرة؟؟ ايش اكثر شي تتقنينه؟؟
يعني مابي امدح نفسي ....فيه ناس كثير يمدحون اكلي بس انا مدري ما حب اكلاتي احب اللي يطبخون البنات والحريم اللي اعرفهم.............واكثر شيء اتقنه الكبسه طبها والايدامات والقهوه <<لاني باستمرار اسويها وكمان الفطائر بانواعها
وهل بتحرصين تعلمين بنتك الطبخ او بتخلينها تتزوج ويحلها الف حلال؟
ان شاء الله اذا رزقني ربي ..اعلمها احلى تعليم<<ياسلام

لبى قلبها مرورك اسعدني بس وين تجاربك ياقموره

وين البنات والا الذكريات موجوده عندي انا وبس ..
رمضان كريم

متى تعلمت الطبخ؟؟؟ قبل الزواج او بعده؟؟
شي فبل الزواج وشي بعد الزواج
هل تفهم الزوج مرحلة التجارب ههه؟ وهل بالذاكرة مواقف مضحكة او محرجة؟؟
انا الصراحة ماخبصت واجد كان عند مشكلة المقدار الصغير مثل الرز في قدر صغير علشان عند اهلي كم مره اسوي رز بس مقدار اكثر في بيتي مره يطلع يابس مره مهروس زي السليق بس كان عندي مساعده ادق عليه وتعطيني المقدار المضبوطه (( الوالده الله يحفظها )) وزجي من النوع يفوت اويمشي يعني يقول لي بكره يصير احلى
كم استغرقت حتى تعلمت الطبخ الجيد؟؟
تقريبا سنه
هل تعدين نفسك اليوم طباخة ماهرة؟؟ ايش اكثر شي تتقنينه؟؟
الحمدالله في طبخات اجيدها وفي عندي بعض الابداعات والفنون في السلطات الحلى المعجنات والموالح يعني الحمدالله عندي نفس على الطبخ واحب انواع واسوي اشياء جديده
وهل بتحرصين تعلمين بنتك الطبخ او بتخلينها تتزوج ويحلها الف حلال؟؟
ان شا الله ياحبي لها ديومه من الحين عمرها سنه ونص الله يصلحها

ديومه ....ماشاء الله عليك....والله يخلي لك ديومه

أنا تعلمت الطبخ قبل الزواج والحمد لله إني تعلمته قبل الزواج وإلا صارت علوم وتعلمته وأنا في المتوسط ومن المواقف المحرجه مره سويت الغداء كبسه وضبطت معي والكل مدحني مدح ومن زود الحماس قلت اليوم الثاني أنا أبي أسوي كبسه وأقتح دولاب المطبخ وألقى ألوان الطعام ومنها الأحمر وأحط تقريبآ ملعقه وزياده أحسب يعطي الرز لون الصلصه طلع لون الرز مثل لون الفراوله وعلى أغمق شوي بعد
والحين ولله الحمد الكل يمدح طبخي وأشياء كثير أضبطها
وبإذن الله إذا الله رزقني بنت راح أعلمها الطبخ بس راح أبعد عنها ألوان الطعام

قلت اليوم الثاني أنا أبي أسوي كبسه وأقتح دولاب المطبخ وألقى ألوان الطعام ومنها الأحمر وأحط تقريبآ ملعقه وزياده أحسب يعطي الرز لون الصلصه طلع لون الرز مثل لون الفراوله وعلى أغمق شوي بعد
ههه حلوه بس والله ذكريات
مشكوره اختي