الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
نعنـــــــاعة
29-03-2022 - 11:10 am
السلام عليكم ورحمة الله وبركاته
شلونكم يافراشات
ان شاء الله تكونون بخير
انا اول مرة انزل موضوع من سجلت لأني قليل ما يكون عندي وقت فراغ ( ام بنات ماتلحق )
المهم مو هذا موضوعنا
انا طالبتكم ابي منكم تدلوني على الاسواق الي ممكن احصل فيهم بدل عرايس راآآآآآآآآآآآآقية لعروس امورة بالخبر او الدمام
يعني اماكن انتو جربتو تعاملتو معاهم
ووين ممكن احصل بدل اطفال كويسة ورخيصة للبنات
لأن بإذن الله اليوم باليل بسافر للخبر انا واختي وبنجهز لها
( الفال حق كل الفراشات الي ماتزوجو يارب )بعض اللاشياء من جواتي (اكرمكم الله) وجناط ماركات وساعات ماركات لأن بالكويت قمنا نخاف ناخذ اي شي ماركة بعد الشوشرة الي صارت فاضمن لنا ناخذ من السعودية وطبعا انا لازم احشر بناتي في كل روحة سوق ولازم اشتريلهم وطبعا انسى نفسي ((عادي ام))
وبعد ماعليكم امر اذا في مشاغل مصممات مميزات واسعارهم مناسبة تدلوني عليهم لن بقعد يومين اوثلاث ايام.
والي ترد علي يارب يفتحلها ابواب الرزق الحلال المبارك ويرزقها جنات النعيم بعد اشبون احسن من هالدعوة الحلوة
والي تبي تسأل عن اي شي بالكويت انا حاضرة
يلا وروني همتكم
شلونكم يافراشات
ان شاء الله تكونون بخير
انا اول مرة انزل موضوع من سجلت لأني قليل ما يكون عندي وقت فراغ ( ام بنات ماتلحق )
المهم مو هذا موضوعنا
انا طالبتكم ابي منكم تدلوني على الاسواق الي ممكن احصل فيهم بدل عرايس راآآآآآآآآآآآآقية لعروس امورة بالخبر او الدمام
يعني اماكن انتو جربتو تعاملتو معاهم
ووين ممكن احصل بدل اطفال كويسة ورخيصة للبنات
لأن بإذن الله اليوم باليل بسافر للخبر انا واختي وبنجهز لها
( الفال حق كل الفراشات الي ماتزوجو يارب )بعض اللاشياء من جواتي (اكرمكم الله) وجناط ماركات وساعات ماركات لأن بالكويت قمنا نخاف ناخذ اي شي ماركة بعد الشوشرة الي صارت فاضمن لنا ناخذ من السعودية وطبعا انا لازم احشر بناتي في كل روحة سوق ولازم اشتريلهم وطبعا انسى نفسي ((عادي ام))
وبعد ماعليكم امر اذا في مشاغل مصممات مميزات واسعارهم مناسبة تدلوني عليهم لن بقعد يومين اوثلاث ايام.
والي ترد علي يارب يفتحلها ابواب الرزق الحلال المبارك ويرزقها جنات النعيم بعد اشبون احسن من هالدعوة الحلوة
والي تبي تسأل عن اي شي بالكويت انا حاضرة
يلا وروني همتكم
التعليقات (6)
هلا وغلا فيك نعناعه بتنوور الخبر بوجودكم ..والحمدلله عالسلامه مقدماا..
انا راح اقولك اللي اعرفه واي استفسار انا حاضره ..
المجمعات الحلوه بالخبر عندك مجمع الظهران فيه محلاات حلوه وصراحه انا عشقي مجمع الظهرن المهم بقولك وش ممكن تشترين منه لجهاز اختك والاسعار متوسطه..فيه محلات تبيع قمصان نوم وبجامات مريحه مثل لاسنزا او نعومي وفيه محلات ثانيه للانجري بعد بس ما يحضرني اسمها..
وفيه محلات مثل زارا ومانجو و سفيرا و محلاات كثيره حللوه والحين ترا منزلين بضاعه شتويه..
وفيه بعد ملابس اطفال كثيره بس انا ما ادخلها ولا اعرف اسعاره <<معك الانسه ياسمينة ههه
محلات الجزم ((الله يكرمك))والشنط في عندك الدو وناين ويست وقوتش و..
ومحلات الفساتين السهره فيه محل اعرفه اسمه افتر شوك فيهاحيانا قطع حلوه ..
واذا تبين اقمشه او فساتين سهره او شنط عمليه او جزم عمليه ومو غاليه رووحي مجمع فينيسا كل شي عن الاعراس موجود هناك فسااتين اكسسوارات شنط جزم الله يكرمك واقمشه وكل شي واذا بناتك معك فيه ترى بكلل مجمع ملاهي لهم..
واخرشي مجمع الراشد نفس مجمع الظهران لكن احيانا تكون بضايعه احلى بس انا ما ارتاحله نفسيا ..
المهم فيه محلات شنط ماركه مثل كوتش وغيره ..وفيه محلات السواني اللي انا احبها مثل ايسبرت ووغيرها ..وفيه طبعا بكل المجمعات محلات عطور مثل فيسيز وفافافوم اذا تبي اختك تشتري لزوجها المستقبلي اللي ان شالله بيسعدها عطر فيه بالراشد محل تجلييد خيال روعه ابداع اسمه بيبر مون بس شوي او كثير غالي ..
واذا تبين اسواق شعبيه ترى فيها حياناا اشياء حللوه ..فيه عندك السويكت حلوو وتلقين فيه احيانا شياء حلوه..
وفيه محلل كبير يبيع ملابس حريم ورجال واطفال وجزم وكل كل شي اسمه طابا هو حلوو اختي وامي يحبونه يشترون منه ملابس للبيت ..
واخر شي عندك محل اسمه انسام كولكشن نسائي يمكن تلقين فيه قطع حلووه وهي تقول اي موديل بالدنيا من تصميم انسام جيبيه ويفصلونه لك على مقاسك اذا تبين رقمها عشان تدلين مكانها ..
ايه صح تذكرت فيه عندك سنتر بوينت ((سيتي بلازا سابقا حلوه اغراضه مره))
وبس هذا كل اللي يحضرني الحين واذا تذكرت اي شي بجي واكتبه هنا ..
واالله يوفق اختك ويسعدها يارب..
محبتي..
انا راح اقولك اللي اعرفه واي استفسار انا حاضره ..
المجمعات الحلوه بالخبر عندك مجمع الظهران فيه محلاات حلوه وصراحه انا عشقي مجمع الظهرن المهم بقولك وش ممكن تشترين منه لجهاز اختك والاسعار متوسطه..فيه محلات تبيع قمصان نوم وبجامات مريحه مثل لاسنزا او نعومي وفيه محلات ثانيه للانجري بعد بس ما يحضرني اسمها..
وفيه محلات مثل زارا ومانجو و سفيرا و محلاات كثيره حللوه والحين ترا منزلين بضاعه شتويه..
وفيه بعد ملابس اطفال كثيره بس انا ما ادخلها ولا اعرف اسعاره <<معك الانسه ياسمينة ههه
محلات الجزم ((الله يكرمك))والشنط في عندك الدو وناين ويست وقوتش و..
ومحلات الفساتين السهره فيه محل اعرفه اسمه افتر شوك فيهاحيانا قطع حلوه ..
واذا تبين اقمشه او فساتين سهره او شنط عمليه او جزم عمليه ومو غاليه رووحي مجمع فينيسا كل شي عن الاعراس موجود هناك فسااتين اكسسوارات شنط جزم الله يكرمك واقمشه وكل شي واذا بناتك معك فيه ترى بكلل مجمع ملاهي لهم..
واخرشي مجمع الراشد نفس مجمع الظهران لكن احيانا تكون بضايعه احلى بس انا ما ارتاحله نفسيا ..
المهم فيه محلات شنط ماركه مثل كوتش وغيره ..وفيه محلات السواني اللي انا احبها مثل ايسبرت ووغيرها ..وفيه طبعا بكل المجمعات محلات عطور مثل فيسيز وفافافوم اذا تبي اختك تشتري لزوجها المستقبلي اللي ان شالله بيسعدها عطر فيه بالراشد محل تجلييد خيال روعه ابداع اسمه بيبر مون بس شوي او كثير غالي ..
واذا تبين اسواق شعبيه ترى فيها حياناا اشياء حللوه ..فيه عندك السويكت حلوو وتلقين فيه احيانا شياء حلوه..
وفيه محلل كبير يبيع ملابس حريم ورجال واطفال وجزم وكل كل شي اسمه طابا هو حلوو اختي وامي يحبونه يشترون منه ملابس للبيت ..
واخر شي عندك محل اسمه انسام كولكشن نسائي يمكن تلقين فيه قطع حلووه وهي تقول اي موديل بالدنيا من تصميم انسام جيبيه ويفصلونه لك على مقاسك اذا تبين رقمها عشان تدلين مكانها ..
ايه صح تذكرت فيه عندك سنتر بوينت ((سيتي بلازا سابقا حلوه اغراضه مره))
وبس هذا كل اللي يحضرني الحين واذا تذكرت اي شي بجي واكتبه هنا ..
واالله يوفق اختك ويسعدها يارب..
محبتي..
مشكورة يااحلى ياسمينة يعل ماتخلص هالسنة الا ولد الحلال يطق بابكم وتجينا الكويت واعلمج على كل شي تبينة
كل الي ذكرتيهم تقريبا انا مارتهم بس يمكن قبل سنة وشوي قلت يمكن فيه مجمع جديد فقلت اسأل احسن بس بسال عن محل فيمي 9 وتوب تيوب في اي مجمع اذا ممكن وبغيت رقم محل انسام الي ذكرتيه
كل الي ذكرتيهم تقريبا انا مارتهم بس يمكن قبل سنة وشوي قلت يمكن فيه مجمع جديد فقلت اسأل احسن بس بسال عن محل فيمي 9 وتوب تيوب في اي مجمع اذا ممكن وبغيت رقم محل انسام الي ذكرتيه
هلا وغلا بك ..ههه حرام عليك وين ولد الحلال يجي لسه بدري ههه بس مشكوره عالدعوه الحلوه ..
المووهم..فيمي 9 موجود بمجمع الظهران وموجود بفينيسا عند البوابه الرئيسيه ..بس توب تيوب ما عندي اي خلفيه عنه للاسف :(
واتوقع قبل سنه وشوي ما كانت التوسعه حقت الراشد ومجمع الظهران مفتوحه الحين طلعت محلات جديديه بالتوسعه للمجمعين..
انسام كولكشن :
العنوان:شارع الملك فيصل تقاطع 22 -الخبر
الجوال يمنع وضع ارقام على العام
تلفون
واي ستفسار انا حاضره
المووهم..فيمي 9 موجود بمجمع الظهران وموجود بفينيسا عند البوابه الرئيسيه ..بس توب تيوب ما عندي اي خلفيه عنه للاسف :(
واتوقع قبل سنه وشوي ما كانت التوسعه حقت الراشد ومجمع الظهران مفتوحه الحين طلعت محلات جديديه بالتوسعه للمجمعين..
انسام كولكشن :
العنوان:شارع الملك فيصل تقاطع 22 -الخبر
الجوال يمنع وضع ارقام على العام
تلفون
واي ستفسار انا حاضره
هلا بك يا قلبي .. انا عمري 18
وتذكرت شي بعد اذا تبين محل ساعات حلو وماركه بس اقل سعر فيه بمجمع الظهران محل اسمه الركن السويسري روعه واسعاره حلوه اقل من محلات الحميضي والا الدهام ..
وذا اختك او انتي تبين تقصين شعرك وتسوين نيو لوك ما عندك الا مشغل واحد اسمه هيفاء طبعا مو كلهم يشتغلون زين لكن في وحده اسمها ريتا مغربيه شغلها بالقص والاستشوار خييال بس خلي اختك تقول لها ان هي تبي قصه حلوه تليق بوجهها عشان هي مخطوبه وتبي تغير يعني من هالكلام عشان تتحمس الكوافيره وتبدع هي ما شاله شغلها حلو انا اخر مره قصيت عنها قبل رمضاان واهلي انجنوا عالقصثه مره كانت حلوه حتى انا عجبتني..معليش كثرت كلام وهذره بس لاني حسيت بمعاناة اختك لانها ذكرتني ببنت خالتي يوم ملكت كانت محتاسه وما تدري وش تسوي لله يوفقهم ثنتينهم..
وتوصلون بالسلامه يالغاليه..
عاد انا يمكن بعد الصلاة بروح الظهران <<<تحممست ههه
وتذكرت شي بعد اذا تبين محل ساعات حلو وماركه بس اقل سعر فيه بمجمع الظهران محل اسمه الركن السويسري روعه واسعاره حلوه اقل من محلات الحميضي والا الدهام ..
وذا اختك او انتي تبين تقصين شعرك وتسوين نيو لوك ما عندك الا مشغل واحد اسمه هيفاء طبعا مو كلهم يشتغلون زين لكن في وحده اسمها ريتا مغربيه شغلها بالقص والاستشوار خييال بس خلي اختك تقول لها ان هي تبي قصه حلوه تليق بوجهها عشان هي مخطوبه وتبي تغير يعني من هالكلام عشان تتحمس الكوافيره وتبدع هي ما شاله شغلها حلو انا اخر مره قصيت عنها قبل رمضاان واهلي انجنوا عالقصثه مره كانت حلوه حتى انا عجبتني..معليش كثرت كلام وهذره بس لاني حسيت بمعاناة اختك لانها ذكرتني ببنت خالتي يوم ملكت كانت محتاسه وما تدري وش تسوي لله يوفقهم ثنتينهم..
وتوصلون بالسلامه يالغاليه..
عاد انا يمكن بعد الصلاة بروح الظهران <<<تحممست ههه
فساتين من تصميمي فاشن ديزاين→