ربي يفرجها عليكم مثلل مافرجها علي اسمعوا

السلام عليكم ورحمة الله وبركاته
بنات المنتدى
ادعي ربي بهالساعة انه يفرجها على كل بنت عانت مثل ماعانيت ويفرح قلبها مثل مافرح قلبي
يابنات ماحد عانى مثل معاناتي
ولاحد ذاق المر مثلي
وكنت صامدة مثل الجبل سلاحي لا اله الا الله محمد رسول الله
الكل عاتبني ونصحني اني ارضخ باقل الشروط
عشان عمري مايروح
مع ان كلامها كان زي السكاكين اللي تقضي علي
لكني كنت ازيد عناد وتحدي
والله ما اتزوج الا الشخص المناسب لي
او ما اتزوج خلاص
حتى لو كبرت وقربت للاربعين
ناس حقدت علي
وناس كانت ترحمني
وناس اياست مني
لكنهم اجتمعوا على انها راحت علي خلاص
واني قاعده اضيع بنفسي اكثر واكثر
المهم قررت اني ما اتزوج
واني اعوض هالنقص اللي فيني باشياء ثانية تزيد من حضوري واهميتي وتحسسني بقيمتي عند الناس
وفعلا ولله الحمد
كان هالشي يبهر اللي حوالي
وكانوا احيانا يقولون معها حق ماتنازلت
هذي مالازم تتزوج اي شخص عادي
ومالجات لأي احد كان
لاني اكتشفت بعد كل اللي صارلي وكل الناس اللي ترجيت بهم خير
ان
((( الشكوى لغير الله مذلة )))
توجهت لربي بقلب صادق
وكنت احتسب ان اللي صارلي ابتلاء او عقوبة
وحمدت ربي على انه عجلي اياها بالدنيا
وكنت الازم الاستغفار اكثر من الف مرة باليوم
والازم (( لا اله الا الله وحده لا شريك له له الملك وله الحمد يحيي ويميت وهو على كل شي قدير ))
تراها مهمه يابنات انتبهوا
وكنت اي خير اسويه احتسبه الاجر من الله وارجي من ربي انه يفرجها علي ويعجل لي بالزواج المناسب
تفريج كربة ,, صدقة,, سلف .. مساعدة جسمية .. معنوية ... الخ
وسبحان الي يرزقكم من حيث لا تعلمون
جاني واحد بلمحة عين بدون اي سعي من احد
ربي سخرلي كل شي عشان يوصلي بدون مشاكل او عقبات
شخص كل البنات يتتمننه
والله والله والله الذي لا اله الا هو اني ماكنت اتوقع ان بيجيني واحد بربع مواصفاته
كان كثير علي مرة
لكن ايقنت ان فعل ربي فوق كل فعل
عشان كذا يابنات
انصحكم
حطوا عينكم بعين الله
لا تياسون من قدرة ربي على فعل كل شي
الزموا كل قربة تقربكم من الله واحتسبوا الاجر فيها
لا يخذلكم احد ويحبط من معنوياتكم
وربي يفرجها عليكم من اوسع ابوابه يارب