ردو علي بصراحة

السلام عليكم
عارفة اني طفشتكم بمشاكلي بس والله انتو اهلي واعز
انا سبق واني طرحت لكم اني انفسخت خطوبتي مرتين الحمد الله على كل حال
انا عند اهلي طيع ما يتغير ابدا هو انو ممنوع الصغيرة تتزوج قبل الكبيرة كل اهلي ماشين على دا النمط من زمان انا دحين لما تركت ما سار احد يتقدم الا قليل واذا اتقدم مايعجب اهلي او فيه عيب المهم اختي الصغيرة بيتقدمولها عرسان وامي دايم تقولها لما تتزوجي وهي دايم تذكر الزواج انا دا الشي عاملي قلق في حياتي مرة كبير كل ما اقلب الموضوع في بالي اسير في حالة
انا والله ما بحسدها واتمنى لها الخير هي احن شخص عليا من اخواتي طبعا في دا البيت
والله لمن امرض هي الي تقوم فيني
دا الاحساس بالخوف والضيقة هاددلي حيلي حتى خواتي يقولولي اذا اتزوجت اختك الصغيرة لاتزعلي
ايش اسوي ياهو
الي ما اخفي عليكم احس زواجها ح يهدني لاني مكسورة مرتين انا بعود نفسي من دحين ع الكلام الي بسمعو عشين لا اتفاجئ بس ما ادري